اعمالٚ رسولأن 25:8 - کتاب مقدس به زبان گیلکی - گویش رشت و غرب گیلان

⁸ پولُس، خو جا دیفاع بُکود و بگفت: «من نه یهود شریعتِ ضد خطائی بُکودم و نه معبدِ ضد و نه امپراطورِ ضد.»

کیتاب مقدّس به گیلکی (رشتی)

⁸ پولُس تومامی‌یٚ ایتهاماتی کی اَنَ بزه بید ردَ کوده و بوگفته: «من هیچ تقصیری نأرم. شریعتٚ یهودی اَمرأ مخالف نی‌یم، به معبد یا قیصر هیچ بی‌ایحترامی یا خطایی نوکودم.»

Gilaki New Testament

⁸ پولس تومأمٚ اوشأنی توهمٚتأنَ رٚدَ کوده و بوگفته: «من تقصیر نأرٚم. من نه یوهودٚ شریعتٚ اَمرأ موخألف ایسٚم، نه معبدَ بی‌حورمتی بوکودم و نه رومٚ حوکومتٚ ضد کأری بوکودم.»

کتاب مقدس به زبان گیلکی - گویش شرقی

⁸ پولُس، خوشِ دفاع بوئده و بوته: «مو نه یهود شریعت ضد خطایی بوئدم و نه معبد ضد و نه امپراطور ضد.»

اعمالٚ رسولأن 25:8 ပူးပေါင်းရင်းမြစ်များ

اعمالٚ رسولأن 23:1

پولُس شورا آدمانَ چوم بُدوخت و بگفت: «براران، من تا ایمرو، می وجدان راحت بو و خُدا حضور میان زیندگی بُکودم.»

اعمالٚ رسولأن 24:12

و اَ زمات درون، هیکّس مرا نیده کی اینفر مرا بُگو مگو بُکونم و یا جماعت میان آشوب تَوَدَم، چی معبد میان چی یهود عبادتگائان درون و چی شار میان.

اعمالٚ رسولأن 24:14

ولی اَنَه شیمی ورجه اعتراف کونم کی من اَمی پئرانِ خُدایَ عین اُ طریقت کی اوشان اونَ ایتا فرقه دانیدی، پرستش کونم و هر اونچیَ کی تورات و پیغمبرانِ کتابان درون بینیویشته بُبوسته، اعتقاد دَرم.

اعمالٚ رسولأن 24:6

اون، حتی تقلّا بُکود کی معبدَ بی حُرمت بُکونه؛ ولی اَمان اونَ گرفتارَ کودیم و بخواستیم کی عَین اَمی شریعت، اونَ محاکمه بُکونیم.

اعمالٚ رسولأن 25:10

پولُس جواب بدَه: «من هه الانم امپراطور محکمه درون ایسام هویه کی بایسی محاکمه ببم. شُمان خودتان خُب دانیدی کی مَن هی خطائی نسب به یهود نُکودم.

اعمالٚ رسولأن 28:17

سه روج بازون، پولُس یهود پیله کسانَ خو ورجه دوخواد. وقتی جمَ بوستید، اَشانَ بگفت: «اَی براران، با اونکی من هی کاری نُکودم کی، ضدِّ می مردوم یا اَمی پئران رسم و رسوم ببه، مرا اورشلیم درون گرفتارَ کودید و رومیان دَس واسپاردید.

اعمالٚ رسولأن 28:21

اوشان پولُسَ بگفتید: «اَمان هی نامه ئی یهودیه جا تی باره فأنگیفتیم و هیتّا جه اَ برارانی کی جه اویا باموئید، هی بَد خبر یا بَد گبی تی باره ناوردید.

دوم قرنتیان 1:12

چون اَمی افتخار، اَمی وجدان ایسه کی گُوائی دِئه، کی اَ دُنیا درون رو راستی و صاب و صادقی اَمرا کی خُدا جا ایسه رفتار بُکودیم، نه آدمی حکمت اَمرا، بلکی خُدا فیض اَمرا رفتار بُکودیم اللخصوص شیمی اَمرا.