اعمالٚ رسولأن 24:22 - کتاب مقدس به زبان گیلکی - گویش رشت و غرب گیلان

²² ولی، فِلیکْس کی طریقتَ خُب ایشناختی، اُ محاکمه یَ ایتا وقت دیگه بنه و بگفت: «وقتی کی فرمانده لیسیاس بایه، اُ موقع شیمی شکایت ره تصمیم گیرم.»

کیتاب مقدّس به گیلکی (رشتی)

²² بأزین فِلیکْس کی جٚه تعلیمٚ مسیحیأن به خوبی آگاه بو، محاکمه‌یَ عقب تأودَه، بوگفته: «وختی فرمانده لیسیاس بأیه و اونٚ گبأنَ بیشنَوم، شیمی شکایتَ رسیدگی کونم.»

Gilaki New Testament

²² فِلیکس کی خُب «طریقتٚ» جَا وأخبدأر بو، موحأکمه کودنَ عقب تأوٚدأ و بوگفته: «پأدگأنٚ فرمأنده، لیسیاسٚ رأفأ بئیسید کی بأیٚه. او وخت شیمی شیکأیتَ فأرٚس فوروس کونم.»

کتاب مقدس به زبان گیلکی - گویش شرقی

²² ولی فرماندار فلیکس که طریقت خوب شناخت، او محاکمه بنه یه وختِ دیگه و بوته: «وختی فرماندار لیسیاس بأی، شیمه شکایتِ به تصمیم گینم.»

اعمالٚ رسولأن 24:22 ပူးပေါင်းရင်းမြစ်များ

متّی 2:7

پس هیرودیس ستاره شناسانَ خَلوتی خو ورجه دوخواد و دقیقا، ستاره آشکار بوستنِ زماتَ، اَشانِ جا واورسه.

اعمالٚ رسولأن 18:20

اُ موقع کی اوشان پولُسِ جا بخواستید کی ایپچه ویشتر اَشان مرا بئسه، پولُس قُبیل نُکود.

اعمالٚ رسولأن 19:40

چونکی راس راسی اَ خطر درون دَریم کی ایمروجِ جریانات واسی متهم به شورش بیبیم. اَگه اَطو ببه نتانیم اَ وَلوا ره دلیل باوریم.»

اعمالٚ رسولأن 24:10

وقتی فرماندار، پولُسَ ایشاره بُکود کی گب بزنه پولُس اَطو جواب بدَه: « دانم کی سالیان ساله اَ مردومَ داوری کودن دَریدی؛ پس من ذوق اَمرا می جا دفاع کونم.

اعمالٚ رسولأن 24:14

ولی اَنَه شیمی ورجه اعتراف کونم کی من اَمی پئرانِ خُدایَ عین اُ طریقت کی اوشان اونَ ایتا فرقه دانیدی، پرستش کونم و هر اونچیَ کی تورات و پیغمبرانِ کتابان درون بینیویشته بُبوسته، اعتقاد دَرم.

اعمالٚ رسولأن 24:24

چن روج بازون، فِلیکْس خو زنانه دْروسیلا مرا کی یهودی بو، بامو و پولُس دُمبال، سرا دَه. اون، پولُسِ گبانَ کی عیسی مسیح ایمانِ باره بو، گوش بُکود.

اعمالٚ رسولأن 24:6

اون، حتی تقلّا بُکود کی معبدَ بی حُرمت بُکونه؛ ولی اَمان اونَ گرفتارَ کودیم و بخواستیم کی عَین اَمی شریعت، اونَ محاکمه بُکونیم.

اعمالٚ رسولأن 25:26

ولی اونِ باره هیچی نارم کی حتمی ببه تا امپراطور ره بینیویسم. اَنه واسی اونَ شیمی همتان جُلُو، علی الخصوص شیمی جُلُو، اَی آگْریپاسِ پادشاه، باوردم بلکی بعدِ بازخواست، ایچی نیویشتن ره بیاوَم.

اعمالٚ رسولأن 26:3

علی الخصوص اَنکی دانم شُمان تمان یهود رسم و رسومِ جا و اختلافاتی کی اوشان میان دَره حیسّابی آشنائید. هَسّا خواهش کونم صبر امرا می گبَ گوش بُکونید.»

اعمالٚ رسولأن 9:2

و اونِ جا، دمشق عبادتگائان ره نامه بخواسته تا اوشانی کی عیسی دُمباله رو ایسیدی و اوشانَ اهل طریقت گُفتیدی، چی مرد و چی زنَ بیگیره و اورشلیم باوره.