اعمالٚ رسولأن 24:19 - کتاب مقدس به زبان گیلکی - گویش رشت و غرب گیلان

¹⁹ ولی اویا چن تا یهودی، آسیا ولایت جا ایسابید کی اوشانم بایسی اَیا شیمی ورجه بأسابید تا اَگه می ضدّ شکایتی دَریدی، بیگید.

کیتاب مقدّس به گیلکی (رشتی)

¹⁹ ولی اویه چند نفر یهودی کی جٚه منطقه‌یٚ آسیا بمو بید اوشأنَ بر علیه من بوشورأنه‌یید، خُب بو کی الأن اوشأنم شیمی ورجأ بِیسه بید و هر شکایتی جٚه من دأشتیدی شمرَ بوگفته بید.

Gilaki New Testament

¹⁹ ولی آسیا جَا چنتأ یوهودی اویَه ایسأبود، کی اَشأنٚم اگه شیکأیتی می جَا دأشتید، وأستی اَیَه بئیسأبید کی وأگویا بوکوند.

کتاب مقدس به زبان گیلکی - گویش شرقی

¹⁹ ولی اوره چند ته یهودی، آسیا ولایت جی ایسابون که اوشونم بأیستی اِره شیمه ورجه ایسابوئن تا اگه می ضد شکایتی دَئنن، بوگوئن.

اعمالٚ رسولأن 24:19 ပူးပေါင်းရင်းမြစ်များ

اعمالٚ رسولأن 23:30

بازون وقتی بفهمستم کی اون ضدّ کوکُلا دیچه ئید، فلفور اونَ شیمی ورجه روانه کودم. اونِ شاکیانَم دستور بدَم تا اُ شکایتیَ کی اونِ جا دَریدی، شیمی ورجه باورید.»

اعمالٚ رسولأن 23:35

اونَ بگفت: «من وقتی کی تی شاکیان اَیا فارسه ئید، تی گَبَ گوش دَئم.» بازین دستور بدَه تا پولُسَ هیرودیس کاخ درون بپّائید.

اعمالٚ رسولأن 25:16

«من اوشانَ جواب بدم کی، رومیان ره اَطو داب نیه کی ایتا متهمَ تسلیم بُکونید مگر اونکی خو شاکیان مرا روبرو ببه و بتانه اوشانِ ایفترائان جُلُو، خو جا دیفاع بُکونه.