اعمالٚ رسولأن 23:11 - کتاب مقدس به زبان گیلکی - گویش رشت و غرب گیلان

¹¹ هو شب درون، خُداوند پولُس کنار بأسا و اونَ بگفت: «تی دیل قُرص ببه! هوجور کی اورشلیم درون مرا شهادت بدئی، روم درونم بایسی شهادت بِدی.»

کیتاب مقدّس به گیلکی (رشتی)

¹¹ هو شب، خوداوند عیسی بمو پولُسٚ ورجأ و اونٚ اَمرأ گب بزه، بوگفته: «نوأ ترسئن، شجاع بوبو! هوطو کی اورشلیمٚ میأن مرَ شهادت بدَیی، رومٚ میأنم وأ مرَ شهادت بدی.»

Gilaki New Testament

¹¹ او شب خوداوند پولس ورجأ بٚپأ بئیسأ و اونَ بٚفرمأسته: «پولس، تی دیلَ قورص بٚدأر! هوطو کی اَیَه مردومٚ اَمرأ می جَا گب بزِیی، رومٚ میأنم گب زنی.»

کتاب مقدس به زبان گیلکی - گویش شرقی

¹¹ هو شؤ، خداوند پولُس کنار بِیسه و بوته: «تی دیل قورص ببی! هوطو که اورشلیم میئن مه به شهادت بدای، روم میئنَم باء شهادت بدی.»

اعمالٚ رسولأن 23:11 ပူးပေါင်းရင်းမြစ်များ

متّی 14:27

ولی عیسی درجا اوشانَ بگفت: «شیمی دیل قرص ببه. منم، نترسید!»

متّی 28:20

و اوشانَ باموجید کی هر اونچی شمرأ دستور بدَم، انجام بَدید. بدانید کی من هر روج تا آخرِ زمات شیمی مرا ایسام!»

متّی 9:2

بازون ایتا ایفلیجِ مرداکَ کی تختِ سر خوفته بو، اونِ ورجه باوردید. عیسی وقتی اَشانِ ایمانَ بیده، ایفلیجَ بگفت: «تی دیل قرص ببه، می زای، تی گُنائان ببخشه بُبوست!»

لوقا 16:28

چونکی من پنج تا برار دَرم. اونَ روانه کون تا می برارانَ واخب بُکونه، نبه کی اوشانم اَ عذابِ جا درون دکفید.“

یوحنا 14:18

«شمرأ یتیم ننَم؛ شیمی ورجه اَیم.

یوحنا 16:33

اَشانَ شمرأ بگفتم تا می درون آرامش بدَرید. دُنیا درون شمرأ زحمت و عذاب نئَه؛ ولی شیمی دیل قُرص ببه چونکی من دُنیای حریفا بوستم.»

اعمالٚ رسولأن 18:9

ایتا شب خُداوند رویا درون پولُسَ بگفت: «ترسئن نوا! گب بزن و ساکت نأس!

اعمالٚ رسولأن 19:21

بعد اَ جریانات، پولُس خُدا روح اَمرا هدایت بُبوسته کی مقدونیه منطقه و اَخائیه جا ردَّ بِه، و اورشلیم بشه. پولُس بگفت: «بعد اَنکی اویا بُشوم، بایسی رومِ شارم بیدینم.»

اعمالٚ رسولأن 2:25

هُطوکی داوود پادشاه، عیسی باره گه: «”خُداوندَ همیشک می جُلُو بیده دَرم، چونکی اون می راست دس ور ایسأ تا نَپَرکَم.

اعمالٚ رسولأن 20:22

«الان، خُدا روحِ هدایت مرا اورشلیم شَم و نانَم اویا چی می سر خوائه آمون؛

اعمالٚ رسولأن 22:15

چونکی تو تمان مردوم جُلُو، اونِ شاهد خوائی بوستن و اونچیَ کی بیده ئی و بیشتاوسته ئی، گُوائی دَئی.

اعمالٚ رسولأن 22:18

و خُداوندَ بیدِم کی مرا گفتی: ”تأدی بُکون و هر چی زوتر اورشلیمَ تَرکا کون، چونکی اوشان تی اُ گُوائی کی می باره یِ قُبیل نَخوائید کودن.“

اوّل قرنتیان 9:1

مگه آزاد نیَم؟ مگه رسول نیَم؟ مگه اَمی خُداوند عیسیَ نیدِم؟ مگه شُمان خُداوند درون می کارِ نتیجه نیئید؟

فیلیپیان 1:13

اُجور كی تمانِ سلطنتی كاخِ نگهبانان و همه کَس ره آشكار بُبوست كی من مسيح واسی زندان درونَم.

دوم تیموتائوس 4:17

ولی خُداوند می امرا بو، و مَره قوت بدَه تا اُ پیغام، بواسطه من تمان و کمال اعلام بِبه و غیره یهودیان، همتان اونَ بیشتاوید. اَطویی شیرِ دهنِ جا جیویشتم.