اعمالٚ رسولأن 21:7 - کتاب مقدس به زبان گیلکی - گویش رشت و غرب گیلان

⁷ اَمان اَمی دریایی سفرَ صور بندر جا شُرو بُکودیم و پْتولامائیس شار، فارسه ئیم. اویا برارانَ بیدئیم و ایتا روج اَشان ورجه بأسائیم.

کیتاب مقدّس به گیلکی (رشتی)

⁷ اَمی سفرٚ دریایی جٚه بندرٚ صور، پْتولامائیسٚ میأن به آخر فأرسه. اویه ایماندارأنی‌یَ بیده‌ییم و اوشأنٚ جأ احوالپرسی بوکودیم و ایروز اوشأنٚ ورجأ بِیسَه‌ییم.

Gilaki New Testament

⁷ صور بندرٚ شؤئؤن پٚسی، پتولامیسَ فأرٚسِییم. اویَه ایمأندأرأنٚ دئنٚ رِه بوشؤییم، ولی فقد ایتأ روج اویَه بئیسأییم.

کتاب مقدس به زبان گیلکی - گویش شرقی

⁷ اَمه سفر دریایی صور بندر جی سرایتیم و پتولامائیس شار برسیم. اوره برارون بدِیم و یه روز اوشونِ ورجه بِیسَیم.

اعمالٚ رسولأن 21:7 ပူးပေါင်းရင်းမြစ်များ

متّی 5:47

و اَگه فقط شیمی برارانَ سلام بیگید، دیگرانِ جا چی سرتری دَریدی؟ مگه حتی بُت پرستِ مردومانم، هه کارَ نُکونیدی؟

اعمالٚ رسولأن 1:15

ایتا جه اُ روجان پِطرُس، برارانِ جَمِ درون کی سرجَم دُوروَر صد و بیست نفر بید، سَرپا بأسا

اعمالٚ رسولأن 12:20

هیرودیس صور و صیدونِ شارانِ مردومانِ سر غیظ بُکوده بو. جه اَ رو اُ دوتا شارِ مردوم همدیگر اَمرا اونِ ورجه بُشوئید و اجازه بخواستید تا هیرودیسَ بیدینید. اوشان بْلاستوس، پادشاه خیدمتکارَ راضی بُکودید تا هیرودیس اَمرا آشتی بُکونید، چونکی اوشانِ غذا و مایحتاج، هیرودیسِ مملکت جا فراهم بوستی.

اعمالٚ رسولأن 18:22

هَطوکی قیصریه درون کشتی جا بجیر بامو، بُشو کلیسا آدمانَ بیدینه و بازین اَنطاکیه سو رادَکفت.

اعمالٚ رسولأن 21:10

بعد چن روج کی اویا ایسابیم، ایتا پیغمبر آگابوس نام یهودیه جا بامو.

اعمالٚ رسولأن 21:17

وقتی اورشلیم فارسه ئیم، براران خوشحالی مرا، اَمرا به گرمی قُبیل بُکودید.

اعمالٚ رسولأن 21:19

پولُس اوشانَ سلام بُکود و تمان اُ کارانیَ کی خُدا بواسطه اونِ خیدمت غیر یهودیانِ درون بُکوده بو اَشانِ ره ایتا ایتا تعریف بُکود.

اعمالٚ رسولأن 21:3

اَمی چپ ور قبرسَ بیده ئیم و اونِ جا ردّا بوستیم و سوریه سمت پیش بُشوئیم. بازون صور بندر درون پیادَه بوستیم، چونکی اویا بایسی کشتی بارَ خالی کوده بید.

اعمالٚ رسولأن 25:13

بعد اونکی چن روج بُگُذشته، آگْریپاسِ پادشاه و بِرنیکی فِستوس پیشواز ره، قیصریه باموئید.

اعمالٚ رسولأن 28:12

سیراکوز شار فارسه ئیم، لنگر تَوَدَه ئیم و سه روج اویا بأسائیم.

عبرأنیأن 13:24

تمانِ شیمی رهبران و تمانِ مقدّسینَ سلام برسانید. اوشانی کی ایتالیا شینید شمرأ سلام فارسانیدی.