اعمالٚ رسولأن 21:39 - کتاب مقدس به زبان گیلکی - گویش رشت و غرب گیلان

³⁹ پولُس جواب بدَه: «مَن ایتا یهودی مرداکم و تارسوسِ کیلیکیه‌ شینم، شاری کی بی‌ نام و نیشان نیه. خواهش کونم وَئلید مردوم مرا گَب بزنم.»

کیتاب مقدّس به گیلکی (رشتی)

³⁹ پولُس بوگفته: «من ایتأ یهودی، شهرٚ تارسوسٚ کیلیکیه شین ایسم، شهری کی بی‌نام و نیشأن نی‌یه. خوأهش کونم ایجازه بدید مردومٚ اَمرأ گب بزنم.»

Gilaki New Testament

³⁹ پولس جوأب بٚدأ: «نه، من یوهودیم، قیلیقیه طرسوسٚ شینم، او شهر کی معروف ایسه. خأهیش کونم وئألی کی چنتأ کلمه گب اَ مردومٚ اَمرأ بٚزٚنم.»

کتاب مقدس به زبان گیلکی - گویش شرقی

³⁹ پولُس جواب بده: «مو یکته یهودی مرداک تارسوس کیلیکیه شی ایسّم، شهری که بی ایسم و نیشون نیه. خوأهش کوئنم بُگذارین مردم أمره گب بزنم.»

اعمالٚ رسولأن 21:39 ပူးပေါင်းရင်းမြစ်များ

اعمالٚ رسولأن 15:23

بازین نامه ئی اَشان ره روانه کودید، کی اونِ درون بینیویشته بو: اَمان رسولان و ریش سیفیدانِ جا کی شیمی براران ایسیم، به غیریهودی براران کی اَنطاکیه و سوریه و کیلیکیه درون ایسائید، سلام به شُمان!

اعمالٚ رسولأن 15:41

پولُس وقتی کی سوریه و کیلیکیه جا ردّا بوستن دوبو، کلیسائانَ قوّت دئی.

اعمالٚ رسولأن 16:37

ولی پولُس اوشانَ جواب بدَه: «اَمرا کی روم شاروند ایسیم بدون اَنکی محاکمه بُکونید همتان جُلُو چوب بزِه ئید و زندان درون تَوَدَئید. هسّا خوائیدی خلوتی اَمرا آزادَ کونید؟ نه، نیبه! وَئل خودشان بائید و اَمرا جه اَیا بیرون باورید.»

اعمالٚ رسولأن 21:37

هنو پولُسَ قلعه درون نَبرده بید کی اون فرمانده یَ بگفت: «وَئلیدی ایچی شمرأ بگم؟» فرمانده بگفت: «تو یونانی دانی؟

اعمالٚ رسولأن 22:3

«من ایتا یهودی مرداکم، تارسوسِ کیلیکیه شار درون بدُنیا باموم. ولی هه شار درون پیله بوستم. من می اجدادی شریعتَ گامالائیل ورجه، تمان و کمال یاد بیگیفتم و خُدا ره غیرت دَشتیم، هُطوکی تمان شُمان ایمرو دَریدی.

اعمالٚ رسولأن 23:27

یهودیان اَ مَرداکَ بیگیفتید و خواستید اونَ بُکوشید، ولی مَن می سربازان مرا بُشوم و اونَ نیجات بدَم، چونکی بیشتاوسته بوم روم شاروندِ.

اعمالٚ رسولأن 23:34

فرماندار نامه یَ بخواند و پولُس جا واورسه کُو ولایت جا بامو دَره. وقتی بفهمست کی کیلیکیه شینه،

اعمالٚ رسولأن 6:9

بازون چن نفر جه ایتا عبادتگا آدمان کی شناس به ’آزاد بُبوسته ئان عبادتگا‘ بو، استیفان اَمرا بحث بُکودید. اوشان جه قیروانِ یهودیان و اسکندریه و کیلیکیه و آسیا بید.

اعمالٚ رسولأن 9:11

خُداوند حنانیایَ بگفت: «ويريز و اُ کوچه ئی کی ”راست“ نام دَره بُشو و یهودا خانه درون سولُس تارسوسی سُراغَ بیگیر. اون دُعا کودن دَره

اعمالٚ رسولأن 9:30

وقتی کی براران هه جریانِ جا واخب بُبوستید، شائولَ قیصریه ببردید و جه اویا، تارسوس شار سمت روانه کودید.

۱پطرس 3:15

بلکی شیمی دیل درون خداونْد مسیحَ، قدوس بشمارید و اونَ احترام بَنید و همیشک آماده بیبید تا هرکی اُ اُمیدِ علتَ کی شیمی درون نَئه واورسه، اونَ جواب بدید، البت احترام و نرمی امرا.