اعمالٚ رسولأن 21:24 - کتاب مقدس به زبان گیلکی - گویش رشت و غرب گیلان

²⁴ اوشانَ تی مرا ببر و اَشانِ اَمرا پاکی رسم و رسومَ بجا باور و اَشان خرجیَ فَدَن تا بتانید خوشان سرَ بِتاشید. اَطویی همه خوائید فَهمَستن کی اَ چیانی کی تی باره چو دکفته راست نیه، بلکی توئَم شریعت جا اطاعت کونی و اونِ درون زیندگی کونی.

کیتاب مقدّس به گیلکی (رشتی)

²⁴ اوشأنَ تی اَمرأ ببر و اوشأنٚ اَمرأ رسمٚ تطهیرَ بجا بأور و اوشأنٚ خرجَ فَدن تا بتأنید خوشأنٚ سرأنَ بتراشید. اَطویی همه فهمیدی کی او چیزأنی کی تی پشتٚ سر بیشتأوستیدی حقیقت نأره، بلکی تونم شریعتَ قوبیل دأری و اونَ ایطاعت کونی.

Gilaki New Testament

²⁴ تو اَشأنٚ اَمرأ بوشو معبدَ میأن و طهأرتٚ رسمَ اوشأنٚ اَمرأ انجأم بٚدٚن و اوشأنی خرجٚم فأدن کی بتأنٚد خوشأنٚ سٚرَ بتأشٚد. او وخت همٚتأنَ ثأبیت به کی تو یوهودٚ سونّتأنٚ انجأم دئنَ او مسیحیأن کی یوهودی ایسٚده رِه بی‌عأیب دأنی تویٚم یوهودٚ حوکمأنَ انجأم دیهی و اَمی اَمرأ اَ کأرأنٚ میأن ایتأ فیکر دأری.

کتاب مقدس به زبان گیلکی - گویش شرقی

²⁴ اوشونه تی أمره ببور و ایشؤنِ أمره تطهیر گودنِ دابِ بجا بأر و ایشؤنِ خرج هدی تا بتؤنَن خوشؤن کله أنِ بتاشَن. ایطوری همه فَهمنن که ایی چی أن که تی باره چو دکته راست نیه، بلکه تنم شریعت جی اطاعت کوئنی و اونه دیرون زندگی کوئنی.

اعمالٚ رسولأن 21:24 ပူးပေါင်းရင်းမြစ်များ

یوحنا 11:55

یهودیان پِسَخ عید نزدیکَ بو، خیلیان جه دور و اطراف، اورشلیم بُشوئید تا قبل اَنکی پِسَخ عید شروع ببه یهودیانِ رسم پاکیَ بجا باورید.

یوحنا 3:25

ایوار، یحیی شاگردان و ایتا یهودی میان، بُگو مگو بُبو کی چُطو شه نجاسِت جا پاکا بوستن.

اعمالٚ رسولأن 18:18

پولُس خَیلی زمات قُرِنتُس درون بأسا و بازون براران مرا خُداحافظی بُکود و دریا راهِ جا سوریه سمت رادکفت. اَ سفر درون، پْریسکیلا و آکیلائم اون اَمرا بید. پولُس کِنخْریه درون خو سرَ بتاشته، چونکی اَطو نذر بُکوده بو.

اعمالٚ رسولأن 21:26

فردایی، پولُس اُ آدمانَ خو مرا ببرد و اَشانِ اَمرا پاکی رسم و رسومَ بجا باورد. بازین معبد سو بُشو تا اُ تاریخی کی پاکی رسم و رسومِ روجان تمانِ به کی اونِ درون هر تا جه اَشان ره قربانی پیشکش بوستی، اعلام بُکونه.

اعمالٚ رسولأن 24:18

هَطوکی اَ کارَ کودن دُبوم، مرا اُ زماتی کی معبد درون یهودیانِ رسم پاکیَ بجا باورده بوم، پیدا بُکودید. نه مردومی ایسابید و نه وَلوا بو.

اوّل قرنتیان 9:20

یهودیانِ ورجه ایتا یهودی مانستن بُبوستم، تا یهودیانَ مسیحِ ره بدس باورم. اوشانِ مَرا کی شریعتِ حُکمان جیر ایسائید، اونِ مانستن کی شریعتِ حُکمانِ جیر ایسه بُبوستم، تا اوشانیَ کی شریعت حُکمانِ جیر ایسائیدِ مسیحِ ره بدس باورم.(هرچن خودم شریعت حُکمانِ جیر نئسام).

غلاطیأن 2:12

چون پیش جه اَنکی اوشانی کی یعقوب، روانه کوده بو، بائید، غیر یهودیانِ مرا همسفره بُبوسته بو، ولی هَطوکی اوشان باموئید، یهودیانِ ترسِ جا کنار فاکشه و خوره جُدا بُکود.