اعمالٚ رسولأن 20:16 - کتاب مقدس به زبان گیلکی - گویش رشت و غرب گیلان

¹⁶ پولُس تصمیم دَشتی دریا راه جا اِفِسُسِ وَر ردّا به، تا خو وقتَ آسیا درون لا نُکونه، چون عجله دَشتی کی اَگه ببه، پنتیکاست روج درون اورشلیم میان بأسا.

کیتاب مقدّس به گیلکی (رشتی)

¹⁶ پولُس تصمیم دأشتی کی جٚه رایٚ دریا جٚه کناره‌یٚ اَفِسُس دوواره کی آسیا میأن وخت‌کوشی نوکونه، چونکی عجله دأشتی کی اگه بتأنه، روزٚ پِنتیکاست به اورشلیم فأرسه.

Gilaki New Testament

¹⁶ پولس اَیدٚفأرِه نخأستی افسُسٚ شهرٚ میأن گیر بوکونه، چونکی توندٚ تأکیدی دأشتی اگه بٚبه، پنتیکأستٚ عَیدٚ رِه اورشلیمٚ میأن بئیسه

کتاب مقدس به زبان گیلکی - گویش شرقی

¹⁶ پولُس تصمیم داشت دریا راهَ جی اَفسُسِ کنارای بوگذری تا خوشه وخته آسیا ولایت میئن هدر ندی، چون عجله داشت که اگه ببی، پَنتیکاست روز میئن اورشلیم دیرون بِیسی.

اعمالٚ رسولأن 20:16 ပူးပေါင်းရင်းမြစ်များ

اعمالٚ رسولأن 12:13

وقتی پِطرُس خانه دَرَ بُکوبست، ایتا کُولفت رودا نام بامو تا درَ واکونه.

اعمالٚ رسولأن 16:6

بازون، اوشان سراسر فریجیه و غَلاطیه منطقه بُشوئید، چونکی روح‌ القدّس اَشان اجازه ندَه بو کی خُدا کلامَ آسیا ولایت فارسانید.

اعمالٚ رسولأن 18:19

وقتی اِفِسُس شار فارسه ئید، پولُس خو همسفران جا سیوا بُبوست و خودِش عبادتگا بُشو و بنا بُکود یهودیان مرا بحث کودن.

اعمالٚ رسولأن 18:21

ولی وقتی اَشان مرا خُداحافظی کودن دُبو بگفت: «اَگه خُدا بخوائه بازم شیمی ورجه خوائم اَمون.» بازین کشتیَ سوارَ بوست و اِفِسُس جا بُشو.

اعمالٚ رسولأن 19:1

اُ زمات کی آپولُس قُرِنتُس شار درون ایسأ بو، پولُس اُ ولایت راهِ جا کی خشکی بو ردّا بوست و اَفسس شار فاراسه. اویا چن تا جه شاگردانَ بیافت،

اعمالٚ رسولأن 19:21

بعد اَ جریانات، پولُس خُدا روح اَمرا هدایت بُبوسته کی مقدونیه منطقه و اَخائیه جا ردَّ بِه، و اورشلیم بشه. پولُس بگفت: «بعد اَنکی اویا بُشوم، بایسی رومِ شارم بیدینم.»

اعمالٚ رسولأن 2:1

وقتی کی پنتیکاستِ عید فارسه، همتان یکدیل ایتا جا جمَ بوسته بید

اعمالٚ رسولأن 20:13

ولی اَمان اَمی سفر درون پیش جه پولُس، ایتا کشتیَ سوارَ بوستیم و آسوسِ شار سمت راه دکفتیم تا اویا عین اُ قراری کی پولُس مرا دَشتیم اونَ کشتی درون باوریم، چون پولُس بخواسته کی تا اویا خشکی راهِ جا بشه.

اعمالٚ رسولأن 20:18

وقتی اوشان باموئید، پولُس اَشانَ بگفت: «شُمان خودتانَم، دانید کی هو اولتّا روج کی می پایَ آسیا ولایت درون بَنَم، چُطو تمان می وقته شمرأ بَنَنم.

اعمالٚ رسولأن 20:22

«الان، خُدا روحِ هدایت مرا اورشلیم شَم و نانَم اویا چی می سر خوائه آمون؛

اعمالٚ رسولأن 20:4

پولُس همرائان اَشان بید: سوپاتِروس، پیرروسِ پسر کی بیریه شین بو، آریستارخوس و سِکونُدوس کی تِسالونیکی شین بید، گایوس و تیموتائوس کی دِربه شین بید، تیخیکوس و تْروفیموس کی آسیا شین بید.

اعمالٚ رسولأن 20:6

ولی اَمان بعدِ عید فَطیر، کشتی اَمرا فیلیپی شارِ جا راهی بُبوستیم و پنج روج بازون، تْروآس درون اوشان ورجه بُشوئیم و هفت روج اویا بأسائیم.

اعمالٚ رسولأن 21:4

شاگردانَ اویا بیافتیم و هفت روج اَشانِ ورجه بأسائیم. اَشان خُدا روحِ هدایت مرا پولُسَ بگفتید کی اورشلیم نشه.

اعمالٚ رسولأن 24:17

«هسّا، مَن بعد سالیان سال، اورشلیم شار سو بُشوم تا می مردوم ره صدقه ئانی فدم و پیشکشانی ببرم.

اوّل قرنتیان 16:8

ولی تا پِنتیکاستِ عید اَفِسُس شار درون خوائم ایسان.