اعمالٚ رسولأن 2:5 - کتاب مقدس به زبان گیلکی - گویش رشت و غرب گیلان

⁵ اُ روجان درون، دین دارِ یهودیان، جه تمان مملکتانی کی آسمان جیر نئه بو، اورشلیم شار درون ایسابید.

کیتاب مقدّس به گیلکی (رشتی)

⁵ او روزأن، یهودیأنٚ خوداترسٚ تومامی‌یٚ قومأن، عیدٚ پِنتیکاستٚ وأسی اورشلیمٚ میأن بمو بید.

Gilaki New Testament

⁵ او روجأن، یوهودیأنی کی دین دأشتید جٚه تومأمٚ سرزمینأن عَیدٚ مرأسیمٚ رِه بأمؤ بود اورشلیم.

کتاب مقدس به زبان گیلکی - گویش شرقی

⁵ او روزؤن میئن، دیندار یهودی أن، از همه مملکتون که آسمون جیر هنه بو، اورشلیم شهر دیرون ایسا بوئن.

اعمالٚ رسولأن 2:5 ပူးပေါင်းရင်းမြစ်များ

متّی 24:14

و اَ پادشائی خُبِ خبر، سراسرِ دُنیا فدَه به، تا تمانِ مردومان ره گُوائی ببه. هو موقع دُنیا به آخر فارسه.»

لوقا 17:24

چونکی ایتا برخ مانستن ایواری آسمانَ جه اَ طرف تا اُ طرف فتاوه و روشنا کونه، انسان پسر ئم خو روج درون اَطو به.

لوقا 2:25

اُ زمات درون، ایتا صالح و خُداترس مرداک، شَمعون نام، اورشلیمِ درون زیوستی کی مسیح موعود رافا ایسابو و روح‌القدّس اون رو قرار دَشتی.

لوقا 24:18

بازون ایتا جه اوشان کی کْلِئوپاس نام دَشتی، عیسی جواب درون بگفت: «مگه تو تنها غریبه ئی ایسی کی اورشلیم درون جه اونچی کی اَ روجان میان ایتفاق دکفته بی خبری؟»

یوحنا 12:20

اوشان میان کی عید درون عبادت ره اورشلیم باموبید، بعضیان یونانی بید.

اعمالٚ رسولأن 10:2

کُرنلیوس ایتا دین دار مردای بو، اون و اونِ خانواده همتان خُدا ترس بید. كُرنِليوس، دس و دیلبازی اَمرا نادارانَ صدقه فدَئی و همیشک خُدا حضور درون دُعا کودی.

اعمالٚ رسولأن 10:7

وقتی اُ فیریشته ئی کی اون اَمرا گب زئن دبو جه اونِ ورجه بُشو، کُرنِلیوس دو تا جه خو خیدمتکاران و ایتا جه خو وفادار سربازَ، اُ سربازان میان کی اونَ خیدمت کودن دیبید، دوخواد

اعمالٚ رسولأن 13:50

ولی يهوديان، مُتعصب و سر شناس زناکان و مرداکانیَم کی شار درون رهبر بیدَ تیرا کودید. اوشانم پولُس و بَرنابایَ اذیت و آزار بُکودید و اُ منطقه جا بیرون توَدَئید.

اعمالٚ رسولأن 2:1

وقتی کی پنتیکاستِ عید فارسه، همتان یکدیل ایتا جا جمَ بوسته بید

اعمالٚ رسولأن 22:12

«دمشق درون، ایتا دیندار مردای ایسابو حنانیا نام کی عین اونچی کی شریعت گفتی زیندگی کودی. اون تمان یهودیان میان، خوشنام بو.

اعمالٚ رسولأن 8:2

چن تا خُداشناس مَردای استیفان جنازه یَ دفنَ کودید و اونِ ره پیله عزاداری بیگیفتید.

اعمالٚ رسولأن 8:27

فیلیپس ويريشت و رادکفت. راه میان ایتا خواجه مرداکَ بیده کی حبشه شین بو. اون ایتا جه ’کَنداکِه‘ حبشه ملکه دربار پیله تران بو و حَبَشه ملکه خزانه، اونِ دس دُبو. اُ خواجه مردای خُدا پرستش ره اورشليمِ شار بامو بو.

کولسیان 1:23

اگه راس راسی شُمان ایمانِ درون قُرص و پابرجا بأسید و اُ انجیل اُمیدِ جا جُم نُخوردید، هو انجیل کی آسمان جیر تمان خلقتِ ره اعلام بُبوسته و من، پولُس، اونِ خادم بُبوستم.