اعمالٚ رسولأن 17:5 - کتاب مقدس به زبان گیلکی - گویش رشت و غرب گیلان

⁵ ولی یهودیان حسودی بُکودید و چن تا قالتاق آدم، بازار جا جمَ کودید و ایتا دَسته‌ راه تَوَدَه ئید و شار درون وَلوا بپا بُکودید. یهودیان پولُس و سیلاسِ گیفتن ره یاسون خانه سو حمله بُکودید تا اوشانَ جمعیت میان بیرون باورید.

کیتاب مقدّس به گیلکی (رشتی)

⁵ ولی یهودیأن حسودی بوکودیدی و چند نفرٚ شریرٚ مردأکأنَ جٚه بازارٚ سر جمَ کودیدی، ایتأ گروه چأکودیدی و شهرٚ میأن آشوب به پا بوکودید. اَ گروه، پولُس و سیلاسٚ پیدا کودنٚ وأسی به یاسونٚ خانه حمله بوکودید تا اوشأنَ جٚه او خانه دورونی ببرید او جماعتٚ ورجأ کی اویه جم بوبوسته‌بید.

Gilaki New Testament

⁵ ولی یوهود پیله‌ کسأن حسودی بوکودٚد و ایتأ عیده جٚه ارأذل و اوبأشَ جٚه کوچه بأزأر جمَ کودٚد و شورش رأ تأوٚدأده. بأزون، یاسونٚ خأنه‌یَ فوتورکستده کی پولس و سیلاسَ بیگیرٚد و موجأزأتٚ رِه محکمه دٚس بیسپأرٚد.

کتاب مقدس به زبان گیلکی - گویش شرقی

⁵ ولی یهودی أن حسودی بودن و یسری بازار شریر آدمون جومَه گودَن و یکته دسته راه تؤدَئن و شهر دیرون بلوا بودَن. یهودیون، پولُس و سیلاس گیتنِ به یاسون خونه سو حمله بودن تا اوشونه مردم میئن بیرون بأرن.

اعمالٚ رسولأن 17:5 ပူးပေါင်းရင်းမြစ်များ

متّی 27:18

اَنه جه اَ رو بگفت کی دانستی عیسیَ حیسادت واسی اونِ دَس فَدَئید.

اعمالٚ رسولأن 13:45

ولی وقتی یهودیان، جماعتَ بیده ئید، حسودی جا پُرَ بوستید و بی احترامی اَمرا پولُس گبان مرا مخالفت بُکودید.

اعمالٚ رسولأن 14:19

ولی یهودیان، اَنطاکیه و قونیه جا باموئید و مردومَ خوشان مرا همدس بُکودید، پولُسَ سنگسار بُکودید و اَ خیال مرا کی بمَرده، اونَ شار جا بیرون فاکشه ئید.

اعمالٚ رسولأن 14:2

ولی اُ یهودیانی کی ایمان ناورده بید، غیر یهودیانَ تیرا کودید و اوشانِ فیکرَ برارانِ ضِد مسموم بُکودید.

اعمالٚ رسولأن 17:13

ولی وقتی تِسالونیکی یهودیان، بفهمستید کی پولُس بیریه شار دُرونم خُدا کلامَ اعلام کودن دَره اویا بُشوئید و مردومَ تیرا کودید و شار درون وَلوا بِه پا بُکودید.

اعمالٚ رسولأن 17:6

وقتی اوشانَ نیافتید، یاسون و بعضی جه براران دیگر ئم فاکشانه ئید شارِ حاکمانِ ورجه و داد بزه ئید کی: «اَ مرداکان کی تمان دُنیایَ بهَم بزه ئید، هسّا اَیا بامودَرید،

اعمالٚ رسولأن 17:7

و یاسون اَشانَ خو خانه ببرده. اَشان همتان، روم امپراطور، قیصر دستوراتِ جا سرپیچی کونیدی و ادعا کونید کی ایتا دیگه پادشاه ایسَا کی عیسی نام دَره.»

اعمالٚ رسولأن 17:9

بازون یاسون و الباقی جا ضِمانت فیگیفتید و اوشانَ آزادَ کودید.

اعمالٚ رسولأن 18:12

ولی اُ زمات کی گالیو، اَخائیه ولایت فرماندار بو، یهودیان همدس بُبوستید، پولُسِ سر فُوستید و اونَ به محکمه باوردید.

اعمالٚ رسولأن 19:40

چونکی راس راسی اَ خطر درون دَریم کی ایمروجِ جریانات واسی متهم به شورش بیبیم. اَگه اَطو ببه نتانیم اَ وَلوا ره دلیل باوریم.»

اعمالٚ رسولأن 7:9

«ولی پاتریارخ ئان حسودی جا، یوسفَ مصریانَ بُفروختید. ولی خُدا یوسف اَمرا بو

رومیأن 16:21

می همکار تیموتائوس شمرأ سلام فارسانه. می خویش و قوم لوکیوس، یاسون و سوسیپاتِر ئم شمرأ سلام فارسانیدی.

اوّل قرنتیان 3:3

چره کی هنو جسمانی چیانِ دُمبال دَرید. وقتی شیمی میان حسودی و دعوا مرافه نَئه، مگه هَن نیشان نَده کی جسمانی چیان دُمبالید و بشری راه درون رفتار کونیدی؟

دوم قرنتیان 11:26

اُ سفران درون کی پوشت هم شوئیم، روباران خطر درون، دوزدان خطر، خطری کی می مردوم جا داشتیم، غیر یهودیان خطر، خطر شار درون، خطر ویاوان درون، خطر دریا درون، خطری کی دوروغگو براران جا داشتیم؛

غلاطیأن 5:21

حسودی، مستی، عیاشی، و اَشانِ مانستن. شمرأ هشدار دَئَم، با انکی پیشتر شمرأ هشدار بدَه بوم، اوشان کی اَجور کارانَ کونیدی خُدا پادشاییَ ارث نخوائید بردن.

غلاطیأن 5:26

بیخودی مغرور نیبیم تا همدیگرَ به غیظ باوَریم و همدیگرِ امرا حسودی نُکونیم.

اوّل تسالونیکیان 1:6

شُمان اَمی جا و خُداوندِ جا سرمقش بیگیفتید، چونکی خَیلی عذاب درون، خُدا کلامَ اُ شادی امرا کی روح‌ القدّس دِئه، قُبیل بکودید،

یعقوب 4:5

یا اَنکی خیال کونیدی مقدّس بینیویشته هچین بگفته: «خُدا نسبت به اُ روحی کی اَمی درون بَنه خَیلی غیرت دَره؟»