اعمالٚ رسولأن 16:18 - کتاب مقدس به زبان گیلکی - گویش رشت و غرب گیلان

¹⁸ اُ کولفت خَیلی روجان اَ کارَ کودی. آخر بسر پولُسِ صبر تمانَ بوست و واگَردَسته و روحی کی اُ کولفت درون ایسابویَ بگفت: «عیسی مسیح نام اَمرا تره دستور دَئم کی اَ کُر جا بیرون بائی!» هو دَم، روح، اُ کُرِ جا بیرون بامو.

کیتاب مقدّس به گیلکی (رشتی)

¹⁸ اون همه‌تأ روز اَ کارَ کودی. سرٚ آخر پولُس دِه صبر نوکوده، وأگردسته بوگفته: «اَی روح، به عیسی مسیحٚ نام ترَ فرمان دهم کی جٚه اون بیرون بأیی!» در جا روح اونٚ جأ خارجَ بوسته.

Gilaki New Testament

¹⁸ چن روج اونی کأر هن بو تأ اَنکی پولس کلأفَه بوسته و او پٚلیدٚ روحَ کی اونی میأن ایسأبو بوگفته: «عیسایٚ مسیحٚ نأمٚ اَمرأ تٚرَه فرمأن دٚهٚم کی اَ کؤرٚ جأنٚ جَا بیرون بأیی!» هو وختٚ میأن پٚلیدٚ روح اونَ وِلَ کود.

کتاب مقدس به زبان گیلکی - گویش شرقی

¹⁸ او کولفت خیلی روزون ای کار گود. سرآخر پولُس صبر به سربومَه و وگرسه و او کولفت روح بوته: « عیسی مسیح ایسم أمره تَه دستور دِئنَم که ایی لاکؤکا جی بیرون بأی!» هو دم روح او لاکؤکا جی بیرون بومَه.

اعمالٚ رسولأن 16:18 ပူးပေါင်းရင်းမြစ်များ

متّی 14:24

هه وقت درون، لوتکا دریاکنار جا خَیلی دورَ بوست و کولاک درون دوبو، چونکی باد پَسا پَسا اَمون دوبو.

مَرقُس 1:34

عیسی خیلیانَ کی جور واجور ناخوشیان دَشتید، شفا بدَه و خَیلی دیوانَم، دیو بزئانِ جا بیرونَ کود، ولی وَئنلشت کی دیوان گبی بزنید، چونکی اوشان عیسیَ ایشناختید.

مَرقُس 16:17

و اَ نیشانه ئان اوشان شین ایسه کی مَرا ایمان دَریدی: می نام مَرا دیوانَ بیرون خوائید کودن و تازه زوانان مَرا گب خوائید زئن

لوقا 9:1

عیسی اُ دوازده رسولَ جمَ کود و دوخواد و اوشانِ قدرت فدَه تا همۀ دیوان بیرونَ کونید و ناخوشی ئانَ شفا بدید؛

اعمالٚ رسولأن 3:6

ولی پِطرُس اونَ بگفت: «من نه زر دَرم، نه نقره ولی جه اونچی کی دَرم تره فدم! بنام عیسی مسیح ناصری ویریز و راه بوشو!»

اعمالٚ رسولأن 9:34

پِطرُس اونَ بگفت: «اينياس، عيسیِ مسيح تَره شفا دِئه. ويريز و تی جیگایَ جمَ کون!» اونم درجا ويريشت.

کولسیان 2:15

اون، رئیس ئان و قدرتانِ سِلاح ئانَ بیگیفت، و صلیب امرا، اوشانِ سر حریف بُبوست و اَشانَ همه کسِ جُلُو رسوا بُکود.