اعمالٚ رسولأن 15:30 - کتاب مقدس به زبان گیلکی - گویش رشت و غرب گیلان

³⁰ پس اَشان رادکفتید، اَنطاکیه شار بُشوئید و اویا کلیسا آدمانَ جمَ کودید، و نامه یَ فارسانه ئید.

کیتاب مقدّس به گیلکی (رشتی)

³⁰ پس اوشأن رأ دکفتیدی، بوشوییدی به اَنطاکیه. اویه کلیسا اعضایَ دورٚ هم جمَ کودید و نامه‌یَ فدَه‌ییدی اوشأنٚ دس.

Gilaki New Testament

³⁰ اَ چأر نفر دفأتن بوشؤده انطأکیه و تومأمٚ مسیحیأنَ جمَ کودٚد و اَ نأمه‌یَ اَشأنَ فأدأد.

کتاب مقدس به زبان گیلکی - گویش شرقی

³⁰ پس ایشؤن راه دکتن، اَنطاكیه شهر بوشؤئن و اوره كلیسا آدمؤنِ جومَه گودَن و نؤمه ‌ برسونِئن.

اعمالٚ رسولأن 15:30 ပူးပေါင်းရင်းမြစ်များ

اعمالٚ رسولأن 11:19

اُ ایماندارانی کی بعد استیفانِ اذیت و آزار دِئِن، پخشَ بوسته بید، تا فینیقیه و قبرس و اَنطاکیه سمت سفر بُکودید. اوشان فقط خُدا کلامَ یهویان ره اعلام کودید و وَس.

اعمالٚ رسولأن 11:20

ولی اوشانِ میان چن نفر قبرس و قیروان شین بید. وقتی اوشان اَنطاکیه فارسه ئید، یونانیان اَمرائَم گب بزه ئید و عیسیِ خُداوند خُب خبرَ اوشانَ فدَه ئید.

اعمالٚ رسولأن 11:27

اُ روجان درون چن تا پیغمبر اورشلیم جا اَنطاکیه باموئید.

اعمالٚ رسولأن 15:22

پس رسولان و ریش سیفیدان تمان کلیسا اَمرا تصمیم بگیفتید کی خوشان میان، مَرداکانی انتخاب بُکونید و اوشانَ پولُس و بَرنابا اَمرا اَنطاکیه شار روانه کونید. پس یهودا شناس به بَرسابا و سیلاسَ کی براران میان رهبر بو، انتخاب بُکودید.

اعمالٚ رسولأن 15:31

هَطوکی اوشان نامه یَ بخواندید، اُ پیغامِ جا کی باعث دیلگرمی بو، شادَ بوستید.

اعمالٚ رسولأن 16:4

اوشان وقتی جه اَ شار به اُ شار شوئیدی، اُ قانونانی کی رسولان و ریش سیفیدان اورشلیم درون بگفته بید، مردومَ گفتیدی تا اوشانَ رعایت بُکونید.

اعمالٚ رسولأن 21:22

هَسّا چی بایسی کودن؟ حتما، اوشان تی آمونِ جا واخبر خوائید بوستن.

اعمالٚ رسولأن 23:33

وقتی کی سواره‌ سربازان قیصریه شار فارسه ئید، اُ نامه یَ فرماندار تحویل بدَه ئید و پولُسَ اون ورجه باوردید.

اعمالٚ رسولأن 6:2

اُ دوازده تا رسول، تمان شاگردانَ دوخوادید و بگفتید: «دُرُست نیه کی اَمان مردوم غذا فَدَنِ واسی، خُدا کلام موعظه کودن جا غافیل بیبیم.