اعمالٚ رسولأن 14:3 - کتاب مقدس به زبان گیلکی - گویش رشت و غرب گیلان

³ پس پولُس و بَرنابا خَیلی زمات اویا بأسائید و جرأت اَمرا خُداوند باره گب زِئید، خُداوندی کی اَشانَ قدرت فَدئی تا نیشانه ئان و مُعجزه ئانَ انجام بدید و اَطویی خو پیغام فیض بخشَ تصدِق کودی.

کیتاب مقدّس به گیلکی (رشتی)

³ پس پولُس و برنابا زمانٚ زیادی‌یَ اویه بِیسَه‌ییدی و شجاعتٚ اَمرأ در موردٚ خوداوند عیسی مسیح گب زه‌ییدی. خوداوندم اوشأنَ قوّتٚ انجامٚ آیات و معجزات فدَیی و خو کلامٚ فیضَ تأیید کودی.

Gilaki New Testament

³ تومأمٚ اَشأنٚ اَمرأ، پولس و برنابا خٚیلی زمأت اویَه بئیسأده و یأرستنٚ اَمرأ خودا پیغأمَ مردومٚ رِه وأگویا بوکودٚد. خوداوندٚم اَشأنَ قودرت بٚدأ کی پیله موجیزه‌یأن انجأم بٚدٚد کی آدمَ قأقَ کونه تأ ثأبیت بٚبه کی اَشأنٚ پیغأم جٚه اونی ور ایسه.

کتاب مقدس به زبان گیلکی - گویش شرقی

³ پس پولُس و بَرنابا خیلی زمت اوره بِیسَئن و شجاعت أمره خداوند بِه گب بزِئن، خداوندی که ایشؤنِ قدرت هدَای تا نیشونه أن و معجزات بأرن و ایطوری خوشه فیض پیغؤمِ تأئید گود.

اعمالٚ رسولأن 14:3 ပူးပေါင်းရင်းမြစ်များ

مَرقُس 16:20

شاگردانَم بیرون بُشوئید و همه جا تعلیم بدَئید. خُداوند اَشانِ اَمرا کار کودی، و خو کلامَ اُ نیشانه ئان و مُعجزه ئان مرا کی شاگردان انجام دئید، ثابت کودی.

یوحنا 4:48

عیسی اونَ بگفت: «تا نیشانه ئان و مُعجزه ئان و عجایب غرایب چیان نیدینید، ایمان ناوریدی.»

اعمالٚ رسولأن 13:46

پولُس و بَرنابا جرأت اَمرا بگفتید: «لازم بو کی پیشتر جه همه، خُدا کلام شمرأ بگفته ببه، ولی چونکی اونَ ردّا کودید و خودتانَ ابدی زیندگی قابیل نانستیدی، پس هسّا اَمان غیر یهودیانِ سو واگردیم.

اعمالٚ رسولأن 2:22

«اَی یهود مردوم، اَ گبانَ بیشتاوید: هُطوکی خودتان دانیدی عیسیِ ناصری ایتا مردای بو، کی خُدا، مُعجزات و عجایب چیان و نیشانه ئان اَمرا کی اونِ دس مرا شیمی میان آشکارَ کود، گُوائی بدَه کی اون حئیقتِ.

اعمالٚ رسولأن 20:24

ولی من، هم می جان و هم می زیندگیَ بی ارزش دانم. فقط اَگه بتانم می دُوره یَ تمانَ کونم و اُ خیدمتیهَ کی عیسیِ خُداوند جا فیگیفتم، تا آخر انجام بدم و خُدا فیضِ خُب خبر ره شهادت بدم.

اعمالٚ رسولأن 20:32

«هسّا شمرأ، خُدا و اونِ فیض بخشِ کلامِ دَس واسپارم، کی تانه شمرأ بنا بُکونه و تمان اوشان میان کی تقدیس بُبوسته ئید، ارث فدِه.

اعمالٚ رسولأن 4:31

بعدِ اوشانِ دُعا کودن، اُ جیگایی کی اونِ درون جَم بوسته بید، بَلرزسته و همتان روح القدّس جا پُرَ بوستید و خُدا کلامَ جرأت اَمرا گفتیدی.

اعمالٚ رسولأن 5:32

و اَمان اَ چیانِ شاهِدیم، هُطوکی روح القدّسَم شاهدِه، هو روحی کی خُدا اوشانیَ کی اونِ جا اطاعت کونیدی، ببخشه.»

رومیأن 1:16

چون انجیلِ جا شرمنده نیئَم؛ چره کی انجیل، خُدا قوت ایسه هرکسِ نجات ره کی ایمان باوره، اول یهودی و بازین غیر یهودی.

اوّل تسالونیکیان 2:2

بلکی، هرچن پیشتر، فیلیپی شار درون هُطوکی دانیدی عذاب بکشه ایم و امرا بَدی بکودید اوجور کی خجالت آور بو، ولی امان اَمی خُدا کمکِ امرا جرأت بکودیم تا خُدا انجیلَ خَیلی مخالفتانِ میان شمرأ اعلام بُکونیم.

عبرأنیأن 2:4

هُطوکی خُدا ئَم، جور واجور نیشانه و عجایب غرایب مُعجزات و روحِ القُدّسِ عطائانِ امرا کی عینِ خو اراده دِئه، اُ نجاتَ شهادت بدَه.