اعمالٚ رسولأن 13:51 - کتاب مقدس به زبان گیلکی - گویش رشت و غرب گیلان

⁵¹ پولُس و بَرنابا هم اُ شار خاکَ خوشان پا جا اَشانِ ضد بِتکانه ئید و قونیه شار سمت بُشوئید.

کیتاب مقدّس به گیلکی (رشتی)

⁵¹ پولُس و برنابا اَ کارٚ وأسی خوشأنٚ خاکٚ پایَ اویه بتکنه‌ییدی و به شهرٚ قونیه بوشوییدی.

Gilaki New Testament

⁵¹ پولس و برنابایٚم اَ کأرٚ وأسی، او شهرَ گرد و خأکَ جٚه خوشأنی پأیأن بتکأنِده و جٚه اویَه بوشؤده قونیه شهرٚ میأن.

کتاب مقدس به زبان گیلکی - گویش شرقی

⁵¹ پولس و بَرنابا هم، اوشهر خاکَ، خوشؤنِ پاأنِ جی ایشؤن ضید، فلاکنِئن و بوشؤن شهر قونیه.

اعمالٚ رسولأن 13:51 ပူးပေါင်းရင်းမြစ်များ

متّی 10:14

اَگه اینفر شمرأ قُبیل نُکود و یا شیمی گبانَ گوش فَانده وقتی کی اُ خانه یا شارَ تَرکا کودن دَرید شیمی لنگانِ خاکَ بتکانید.

مَرقُس 6:11

و اَگه ایتا جا شمرأ قُبیل نُکونید، یا شیمی گبَ گوش نَدید، وقتی کی اویا تَرکا کودن دَرید، شیمی لنگان خاکَم بتکانید، تا اوشانِ ضد گُوائی ببه کی خُدا اوشانَ مجازات کونه.»

لوقا 10:11

”اَمان حتی شیمی شار خاکَ کی اَمی پائان رو نیشته، شیمی ضّد تکانیم. با اَ حال بدانید کی خُدا پادشائی نزدیک بُبوسته دَره.“

لوقا 9:5

اَگه مردوم شمرأ قُبیل نُکودید، اوشان شار تَرکا کودن زمات، شیمی لنگان خاکَ بتکانید تا بدانید کی خُدا غضب اوشانِ سر خوائه اَمون.»

اعمالٚ رسولأن 14:1

پولُس و برنابا قونیه شار درون یهود عبادتگا میان بُشوئید و جوری گب بزه ئید کی خَیلی جه یهودیان و یونانیان ایمان باوردید.

اعمالٚ رسولأن 14:19

ولی یهودیان، اَنطاکیه و قونیه جا باموئید و مردومَ خوشان مرا همدس بُکودید، پولُسَ سنگسار بُکودید و اَ خیال مرا کی بمَرده، اونَ شار جا بیرون فاکشه ئید.

اعمالٚ رسولأن 14:21

بازون اوشان اُ شار درونم خُب خبرَ اعلام بُکودید و خَیلیانَ عیسی شاگردان چاکودید. بازین لِستره و قونیه و اَنطاکیه سو واگردستید.

اعمالٚ رسولأن 16:2

براران لِستره و قونیه درون اونِ باره خُبی اَمرا گب زئیدی.

اعمالٚ رسولأن 18:6

ولی وقتی يهوديان پولُس مرا مخالفت بُکودید و عيسیَ فاش بدئید، پولُس اُ شار گرد و خاکَ ضد اوشان خو رخت جا بتاکانه و اوشانَ بگفت: «شیمی خون شیمی گردن ببه! من تخصیر کار نیئَم. بازین پس غیر یهودیانِ ورجه شم.»

دوم تیموتائوس 3:11

و اُ رنج و اذیت و آزاری کی انطاکیه، قونیه و لستره شاران درون می سر بامو، اُ رنج و اذیت و آزاریَ کی تاب باوَردَم؛ ولی خُداوند تمانِ اَ چیان جا مَره نجات بِدَه.