اعمالٚ رسولأن 13:29 - کتاب مقدس به زبان گیلکی - گویش رشت و غرب گیلان

²⁹ و وقتی تمان اونچی کی اونِ باره بینیویشته بُبوسته بو، انجام بده ئید، اونَ صلیب جا بجیر باوردید، و مقبره درون بنائید.

کیتاب مقدّس به گیلکی (رشتی)

²⁹ وختی هرچی کی خودا کلامٚ میأنی درباره‌یٚ اون بینیویشته بوبوسته‌بو به انجام برسأنه‌ییدی، اونَ صلیبٚ جأ بیجیر بأوردیدی و قبرٚ دورون بنَه‌یید.

Gilaki New Testament

²⁹ آخرپٚسی وختی تومأمٚ او بلأیأن کی پیشگویی بوبوسته بویَ اونی سٚر بأوٚردٚد، اونَ صلیب جَا بیجیر بأوٚردٚد، قبر میأن بٚنأده.

کتاب مقدس به زبان گیلکی - گویش شرقی

²⁹ وختی تموم اوچیزی که اونه باره بنویشته بوبؤ بو انجام بدَئن، اونه صلیبای جیر بأردَن، مقبره میئن بنائن.

اعمالٚ رسولأن 13:29 ပူးပေါင်းရင်းမြစ်များ

مَرقُس 15:42

اُ روج، ’تهیه‘ روج بو، روجی کی یهودیانْ خوشانَ عید ره آماده کودید یعنی ایتا روج قبلِ مُقدّسِ شنبه.

لوقا 23:50

اویا ایتا مردای ایسابو یوسف نام، رامه یهودیه شار جا. اون عضو شورا بو. یوسف دُرُستکار بو و صالح

لوقا 23:53

پس عیسی جنازه یَ بجیر باورده، ایتا کتان درون بیپیچانه و ایتا مقبره ئی کی سنگ درون بساخته بُبوسته بو و هیکسَ تا بحال اون درون ننَه بید بنه.

لوقا 24:44

هو موقع عیسی اوشانَ بگفت: «اَن هونیه کی وقتی شیمی مرا بوم گفتیم، اَن کی تمان اونچی موسی تورات درون و پیغمبرانِ کِتابان و مزامیر درون می باره بینیویشته بُبوسته، بایسی به انجام فارسه.»

یوحنا 19:28

بازون پس عیسی دانستی کی همه چی تمانَ بوسته، و اَنِ واسی کی مُقدّس کِتابان بینیویشته به انجام فارسه، بگفت: «تشنه ئم.»

یوحنا 19:30

وقتی عیسی شراو بیچیشتِ، بگفت: «تمانَ بو.» بازون خو سرَ بجیر تَوَدَه و خو روحَ تسلیم بُکود.

اعمالٚ رسولأن 13:27

چونکی اورشلیم مردوم و اوشانِ پیله تران عيسیَ نشناختيد و پیغمبران گبانَ کی هر مُقدّسِ شنبه درون بخوانده به، نفهمستیدی و اوشان عیسی محکوم کودن اَمرا، پیغمبرانِ گبانَ به حئیقت فارسانه ئید.

اعمالٚ رسولأن 2:23

هه عیسی، بنا به خُدا اراده و نقشه، شیمی دس تسلیم بُبوسته، و شُمان، شرور آدمانِ دَسان مرا اونَ مصلوب بُکودید و بُکوشتید.

اعمالٚ رسولأن 26:22

تا به ایمرو، خُدا مَره یاری بدَه و هسّا اَیا ایسام و همه کَس ره، جه کوج دانه تا پیله دانه، گُوائی دَئَن درم. اونچیَ کی گَم چیزی نیه جغیر اونچی کی موسی و پیغمبران بگفتید کی بایسی ایتفاق دکفه:

اعمالٚ رسولأن 4:28

تا اونچی کی تی دس و تی خواسته پیشتر تعیین بُکوده بو، انجام بدید.

اعمالٚ رسولأن 5:30

اَمی پئرانِ خُدا، عیسیَ مُرده ئان جا زنده بُکود، هو عیسی کی شُمان اونَ دار بزه ئید، و بُکوشتید،

اوّل قرنتیان 15:4

و اَنکی دفنَ بوست و اَنکی سیومین روج درون مُرده ئانِ جا زینده بُبوست هُطوکی مُقدس بینیویشته ئان درون بامو،