اعمالٚ رسولأن 12:19 - کتاب مقدس به زبان گیلکی - گویش رشت و غرب گیلان

¹⁹ هيروديس دستور بدَه همه جا پِطرُس دُمبال بَگرديد؛ و چونکی اونَ نیافتید، مأمورانیَ کی پطرُسَ پاستید، بازخواست بُکود و دستور بدا کی اوشانَ بُکوشید.بازین پِطرُس یهودیه ولایت جا قیصریه شار بُشو و چن وقت اویا بأسا.

کیتاب مقدّس به گیلکی (رشتی)

¹⁹ هیرودیس دستور بده همه جا پطرسٚ دونبأل بگردید و چون اونَ نیأفتیدی نگهبانأنٚ جأ بازجویی بوکوده، بأزین فرمان بده اوشأنَ بوکوشید. بأزین هیرودیس جٚه یهودیه به قیصریه بوشو و مدتی اویه بِیسه.

Gilaki New Testament

¹⁹ وختی هیرودیس اونَ دونبأل اوسه کوده و وأخبٚ بوسته کی زندأنٚ میأن نئیسأ، هر شونزده‌تأ نیگهبأنٚ تأوٚدأ زندأن، و اوشأنٚ اعدام کودنٚ رِه حوکم فأدأ. او وخت یوهودیه‌یَ بٚنأ و بوشؤ قیصریه و ایپچه زمأت اویَه بئیسأ.

کتاب مقدس به زبان گیلکی - گویش شرقی

¹⁹ هیرودیس دستور بده همه جا پطرس دومبال بگردن؛ و چونکه اونه نیاتن، نیگهبونونی که پطرس پاستن، بازخواست بوده و اوشونه کوشتن دستور هده. بازین پطرس یهودیه ولایت جی بوشو قیصریه شهر و چند وختی اوره بِیسه.

اعمالٚ رسولأن 12:19 ပူးပေါင်းရင်းမြစ်များ

متّی 2:1

بعدِ اَنکی عیسی هیرودیسِ پادشائی دوره، یهودیه بیتْ لِحِمِ شارِ درون، بزا بُبوست، هو موقع چن تا ستاره شناس، مشرق‌ زمینِ جا، اورشلیمِ درون باموئید،

متّی 2:13

بعدِ اَنکی ستاره شناسان بُشوئید، ایتا جه خُداوندِ فیریشته ئان یوسفِ خوابِ درون ظاهیرَ بوست و بُگفت: «ویریز، زاک و اونِ مارَ اوسان و مصرِ سمت فرار بُکون و اویا بِأس تا تره خبر بدَم، چونکی هیرودیس زاکِ دُمبال گرده تا اونَ بُکوشه.»

متّی 2:16

وقتی هیرودیس بیدِه کی ستاره شناسان اونَ گول بزه ئید خَیلی بَرزَخا بوست، و اوسِه کود، تمانِ پسر زاکانی کی دوسال یا کمتر دَشتید و بِیت‌لِحِم و اونِ دوروَر ایسابید بُکوشته، عینِ اُ زمات کی ستاره شناسانِ جا واورس وُورس بُکوده بو.

اعمالٚ رسولأن 12:18

وختی صُوب بُبوست، سربازان میان غوغا بُبوست، چونکی نانستیدی چی پِطرُسِ سر بامو دَره.

اعمالٚ رسولأن 12:4

هیرودیس بعد اَنکی پِطرُسَ گرفتارَ کود، اونَ خولتانک درون تَوَده و چار تا دسته یِ چار نفری سرباز اونِ پاستن ره بنه. اون خواستی بعد عید پسَخ، پِطرُسَ مردومِ جُلُو محاکمه بُکونه.

اعمالٚ رسولأن 12:6

ایی شب قبل اَنکی هیرودیس خواستی پِطرُسَ محاکمه بُکونه، پِطرُس دوتا زنجیل اَمرا دَوسته بو و دوتا سرباز وسط خفته بو، و مأمورانَم خولتانک دَر جُلُو کشیک دَئیدی.

اعمالٚ رسولأن 16:27

زندانبان خوابِ جا ویریشت، و وقتی کی زندان درانَ وازَ بوسته بیدِه، شمشیرَ فاکشه تا خوره بُکوشه، چونکی خیال کودی زندانیان فرار بُکودید.

اعمالٚ رسولأن 21:8

فردایی، اویا تَرکا کودیم و قیصریه شار باموئیم. اَمان فیلیپُسِ مبشر خانه، کی ایتا جه اُ هفت نفر بو کی خیدمتِ واسی انتخاب بُبوسته بید، بُشوئیم و اونِ ورجه بأسائیم.

اعمالٚ رسولأن 25:13

بعد اونکی چن روج بُگُذشته، آگْریپاسِ پادشاه و بِرنیکی فِستوس پیشواز ره، قیصریه باموئید.

اعمالٚ رسولأن 27:42

سربازان بخواستید کی زندانیانَ بُکوشید نبه کی اینفر شنا بُکونه و جیویزه.

اعمالٚ رسولأن 8:40

ولی فيليپُس، خورَه اَشدود منطقه درون بیده. اون تمان اُ منطقه شارانَ گردستی و انجیلِ خُب خبرَ فارسانه ئی، تا قیصریه شار فارسه.