اعمالٚ رسولأن 12:10 - کتاب مقدس به زبان گیلکی - گویش رشت و غرب گیلان

¹⁰ اوشان اوّلتا و دوّمتا مأمورانِ جا بُگُذشتید و آهنی دروازه کی شار سمت وازَ بوستی فارسه ئید. دروازه خوره خوره اَشانِ ره وازَ بوست. اوشان بیرون بُشوئید و هَطوکی راه درون شئون دبید، ناخبر فیریشته غیبَ بوست.

کیتاب مقدّس به گیلکی (رشتی)

¹⁰ اوشأن جٚه اوّلی و دوّمی نگهبانأنٚ چومأنٚ جُلُو بوشوییدی و فأرسه‌ییدی دروازه‌یٚ آهنی‌یَ کی رو به شهر وازَ بوستی. دروازه خوره خوره اوشأنٚ جُلُو وازَ بوسته. پس بوشوییدی بیرون تا آخرٚ کوچه فأرسه‌ییدی و فرشته ناخبر ایدفعه‌یی غیبَ بوسته.

Gilaki New Testament

¹⁰ بأزون اوّلی و دویُمی نیگهبأنأنٚ جَا دٚوأرٚستد کی فأرٚسِده زندأنٚ آهینی دروأزه‌یَ کی ایتأ کوچه ور وأزَ بوستی. اَ دٚرٚم خؤرَه خؤرَه وأزَ بوسته! پس، جٚه اویٚم رٚدَ بوستد کی فأرٚسِده کوچه آخر، و نأخٚوٚرکی فٚرٚشته اونَ بٚنأ بوشؤ.

کتاب مقدس به زبان گیلکی - گویش شرقی

¹⁰ اوشؤن اول و دوم نیگهبونؤنَ جی بوگذشتن و آهنی دروازه‌ برسئن که شهر طرف بازَ بو. دروازه خوشِ به ایشؤنِ جلو بازَ بؤ. اوشؤن بیرون بوشؤئن و هوطو که راه میئن شوئدبون، یدفاری فرشته غیبَ بو.

اعمالٚ رسولأن 12:10 ပူးပေါင်းရင်းမြစ်များ

یوحنا 20:19

هو روج غروب دَم، کی هفته اولتا روج بو، شاگردان جمَ بوسته بید و یهودیانِ ترس جا درانَ قُلف بُکوده بید، عیسی بامو و اَشانَ میان بأسا و بگفت: «سلام به شُمان!»

یوحنا 20:26

هشت روج بازون، عیسی شاگردان بازَم خانه درون ایسابید و توما اوشانَ مرا ایسابو. با اَنکی دران قُلف بو، عیسی بدرون بامو و اَشان میان بأسا و بگفت: «سلام به شُمان!»

اعمالٚ رسولأن 12:4

هیرودیس بعد اَنکی پِطرُسَ گرفتارَ کود، اونَ خولتانک درون تَوَده و چار تا دسته یِ چار نفری سرباز اونِ پاستن ره بنه. اون خواستی بعد عید پسَخ، پِطرُسَ مردومِ جُلُو محاکمه بُکونه.

اعمالٚ رسولأن 16:26

کی ناخبر ایتا پیله زلزله بامو، اُجور کی کل زندانِ پی بِلرزست و درجا تمانِ زندان دَران وازا بوست و زندانیانِ زنجیلان همتان بُورسُفتید.

اعمالٚ رسولأن 5:19

ولی شبِ درون، ایتا جه خُداوند فیریشته زندان دَرانَ وازَ کود و اَشانَ بیرون باوَرد

موکأشفه 3:7

«فیلادِلفیه کلیسا فیریشته ره بينیويس: «اونكی قُدوس ایسه، اونکی حقِّ، اونکی داوودِ كليدَ دَره، اونکی وازَه كونه و هیكّس نتانه دَوَدِه و اونکی دَودِه و هیكّس نتانه واکونه، اَطو گه: