اعمالٚ رسولأن 11:20 - کتاب مقدس به زبان گیلکی - گویش رشت و غرب گیلان

²⁰ ولی اوشانِ میان چن نفر قبرس و قیروان شین بید. وقتی اوشان اَنطاکیه فارسه ئید، یونانیان اَمرائَم گب بزه ئید و عیسیِ خُداوند خُب خبرَ اوشانَ فدَه ئید.

کیتاب مقدّس به گیلکی (رشتی)

²⁰ ولی اوشأنٚ میأن، مردأکأنی جٚه قبرس و قیرَوان ایسَه‌بید کی وختی به اَنطاکیه فأرسه‌ییدی، بوشوییدی غیریهودیأنٚ ورجأ و اوشأنٚ رِه بشارت بدَه‌ییدی کی ایسه.

Gilaki New Testament

²⁰ ولی چنتأ جٚه ایمأندأرأن کی قبرس و قیروان شین بود وختی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد.

کتاب مقدس به زبان گیلکی - گویش شرقی

²⁰ ولی ایشؤنِ میئن چندنفر قبرس و قیرَوان شی بوئن. اوشؤن وختی انطاكیه برسئن، یونانی أن أمره گب بزِئن و عیسای خداوند خوروم خبرِ اوشؤنِ بدَئن.

اعمالٚ رسولأن 11:20 ပူးပေါင်းရင်းမြစ်များ

متّی 27:32

وقتی کی بیرون شئون دیبید، ایتا مردای جه قیرَوانِ مردوم شَمعون نامَ بیده ئید و اونَ وادَشتید عیسی صلیبَ فاکشه.

یوحنا 7:35

پس یهودیان کَس کَسَ گفتید: «اَ مردای کویا خوائه بشه کی اَمان نتانیم اونَ بیاویم؟ خوائه یهودیانی کی یونانیان میان پخشَ بُوستیدِ ورجه بشه و یونانیانَ تعلیم بدِه؟

اعمالٚ رسولأن 11:19

اُ ایماندارانی کی بعد استیفانِ اذیت و آزار دِئِن، پخشَ بوسته بید، تا فینیقیه و قبرس و اَنطاکیه سمت سفر بُکودید. اوشان فقط خُدا کلامَ یهویان ره اعلام کودید و وَس.

اعمالٚ رسولأن 11:22

اَ خبر اورشلیم کلیسایَ فارسه و بَرنابایَ اَنطاکیه اوسه کودید.

اعمالٚ رسولأن 11:26

و وقتی شائولَ بیافت، اونَ اَنطاکیه باورد. اوشان اویا یک سال تمام کلیسا آدمانِ اَمرا جمَ بوستیدی و ایتا پیله جماعتَ تعلیم دیئیدی. اَنطاکیه درون بو کی اولین وار عیسی شاگردانَ ’مسیحی‘ دوخوادید.

اعمالٚ رسولأن 11:27

اُ روجان درون چن تا پیغمبر اورشلیم جا اَنطاکیه باموئید.

اعمالٚ رسولأن 13:1

اَنطاکیه کلیسا درون، پیغمبران و آموجگاران ایسابید: بَرنابا، شمعون شناس به نیجِر، لوکیوس قیرَوانی، مَنائِن کی هیرودیسِ حاکمِ ناتنی برار بو و شائول.

اعمالٚ رسولأن 14:26

آتّالیه جا کشتی مرا اَنطاکیه شار سمت واگردستید، هویا کی ایماندارن پولُس و بَرنابایَ به خُدا فیض واسپارده بید تا اُ کاریَ بُکونید کی اونَ انجام بِدَه بید.

اعمالٚ رسولأن 15:22

پس رسولان و ریش سیفیدان تمان کلیسا اَمرا تصمیم بگیفتید کی خوشان میان، مَرداکانی انتخاب بُکونید و اوشانَ پولُس و بَرنابا اَمرا اَنطاکیه شار روانه کونید. پس یهودا شناس به بَرسابا و سیلاسَ کی براران میان رهبر بو، انتخاب بُکودید.

اعمالٚ رسولأن 15:23

بازین نامه ئی اَشان ره روانه کودید، کی اونِ درون بینیویشته بو: اَمان رسولان و ریش سیفیدانِ جا کی شیمی براران ایسیم، به غیریهودی براران کی اَنطاکیه و سوریه و کیلیکیه درون ایسائید، سلام به شُمان!

اعمالٚ رسولأن 15:30

پس اَشان رادکفتید، اَنطاکیه شار بُشوئید و اویا کلیسا آدمانَ جمَ کودید، و نامه یَ فارسانه ئید.

اعمالٚ رسولأن 17:18

چن تا جه اپیکوری و رواقی فیلسوفانَم اونِ مرا بنا بُکودید بحث کودن. بعضی جه اوشان گفتیدی: «اَن کی هَپَرا گه، چی خوائه بگه؟» بقیه گفتیدی: «اِنگاری بیگانه خُدایانَ تبلیغ کودن دَره.» چونکی پولُس، عیسی و مُرده ئان زنده بوستن باره اَشان ره گب زئی.

اعمالٚ رسولأن 18:22

هَطوکی قیصریه درون کشتی جا بجیر بامو، بُشو کلیسا آدمانَ بیدینه و بازین اَنطاکیه سو رادَکفت.

اعمالٚ رسولأن 2:10

و فْیريجيه، پامفيليه و مصر و لیبی سامانسر کی قيرَوان شین بو، و رومی زَواران

اعمالٚ رسولأن 4:36

یوسفَم کی لاوی قبیله جا و قبرس شین بو و رسولان اونَ برنابا یعنی ’تشویقِ پسر‘ لقب بدَه بید،

اعمالٚ رسولأن 5:42

و اوشان هر روج، چی معبد درون و چی خانه ئان درون، تعلیمِ دئن جا و خُب خبر فدَنِ جا، کی عیسی هو مسیح موعود ایسه دس اونسادید.

اعمالٚ رسولأن 6:1

اُ روجان درون کی شاگردانِ تعداد ویشترَ بوستن دوبو، یهودیانِ یونانی زوان جه یهودیانِ عبری زوان گیلِگی کودید چونکی اَشانِ ویوه زناکانَ نیده بو گیفتید و هر روزِ جیره، اَشانَ فانرسه ئی.

اعمالٚ رسولأن 6:5

اُ گبی کی رسولان بگفته بید همتان خوش بامو. اوشان استیفانَ کی ایتا مردای بو پُر جه ایمان و روح القدّس انتخاب بُکودید، و هطوئَم فیلیپُس، پْروخُروس، نیکانُور، تیمون، پارمِناس و نیکُولائوس، کی انطاکیه درون یهودی بُبوسته بویَ، انتخاب بُکودید.

اعمالٚ رسولأن 6:9

بازون چن نفر جه ایتا عبادتگا آدمان کی شناس به ’آزاد بُبوسته ئان عبادتگا‘ بو، استیفان اَمرا بحث بُکودید. اوشان جه قیروانِ یهودیان و اسکندریه و کیلیکیه و آسیا بید.

اعمالٚ رسولأن 8:35

بازین فيليپُس بنا به گب زئن بُکود و هو قسمت مُقدّسِ کتاب جا شرو بُکود، و خُب خبر کی عیسی باره بو خواجه یَ بگفت.

اعمالٚ رسولأن 8:5

فیلیپُس ایتا جه سامره شاران بُشو و اویا مسیحِ باره مردومَ تعلیم دئی.

اعمالٚ رسولأن 9:20

اون فلفور یهود عبادتگائان درون بنا بُکود، اَ پیغامَ اعلام کودن، کی عیسی خُدا پسره.

اعمالٚ رسولأن 9:29

شائول، یهودیان یونانی زوان اَمرا گب زِئی و بحث کودی، ولی اوشان، اَنه دُمبال بید کی شائولَ بُکوشید.

اوّل قرنتیان 2:2

چونکی تصمیم بیگیفته بوم شیمی میان هیچی ندَنَم جغیر عیسی مسیح، اونم مصلوب بُبوسته عیسی.

غلاطیأن 2:11

ولی هَطوکی کیفا انطاکیه بامو، اونِ جلو بئسام، چونکی اونِ حقّ بو.

افسسیان 3:8

هرچن کی من تمانِ مُقدّسین میان همه کسِ جا کم تَرینَم، اَ فیض مَرا فدَه بُبوست تا مسیحِ اَ بی حد و حساب گنج ئانَ غیر یهودیانِ ره اعلام بُکونم،