اعمالٚ رسولأن 11:16 - کتاب مقدس به زبان گیلکی - گویش رشت و غرب گیلان

¹⁶ هو موقع من خُداوند گبَ بیاد باوردم کی بگفته بو: ”یحیی آب اَمرا غُسل تعمید دئی ولی شُمان روح القدّس اَمرا تعمید خوائید گیفتن.“

کیتاب مقدّس به گیلکی (رشتی)

¹⁶ و من خوداوندٚ کلامَ به یاد بأوردم کی بفرمأسته بو: ‹یحیی آبٚ اَمرأ تعمید دَیی ولی شومأن به روح‌القدس تعمید گیریدی.›

Gilaki New Testament

¹⁶ او وخت خودا گبأنَ خأطر بأوٚردٚم کی بٚفرمأسته: "یوحنا آبٚ اَمرأ تعمید دٚئی؛ ولی شومأن روح‌القدسٚ اَمرأ تعمید فأگیریدی."

کتاب مقدس به زبان گیلکی - گویش شرقی

¹⁶ هوموقع خداوندِ گبِ یاد بأردم که بوته بو: ”یحیی آؤ أمره غسل تعمید دَه ولی شمه روح‌القدس أمره غسل تعمید گینین.“

اعمالٚ رسولأن 11:16 ပူးပေါင်းရင်းမြစ်များ

متّی 3:11

«من شمرأ توبه واسی، آبِ مرا غُسلِ تعمید دئم؛ ولی اونکی بعدِ من اَیه قوی تر جه منه و من حتی قابیل نیئَم اون چاروغَ جُفتا کونم. اون شمرأ روح‌ القدس و آتشِ مرا تعمید خوائه دَئن.

متّی 3:6

و خوشانِ گُنائانَ اعتراف کودید و اُردنِ روخانِ درون اونِ جا غُسل تعمید گیفتید.

مَرقُس 1:8

من شمرأ آب مرا غُسل تعمید بدَم، ولی اون روح‌القدّس مرا شمرأ تعمید خوائه دَئَن.»

لوقا 24:8

هو موقع زناکان اون گبانَ به‌ یاد باوردید.

لوقا 3:16

یحیی جواب، اوشان ره اَن بو: «من شمرأ آب مرا تعمید دئم، ولی ایکَس اَیه می جا قوی تر کی من حتی قابیل نیئم اون چاروغ بَندَ وازا کونم. اون شمرأ روح‌القدّس و آتش مرا تعمید دئِه.

یوحنا 1:26

یحیی جواب بدَه: «من آب مرا غُسل تعمید دئم، ولی شیمی میان ایکَس ایسا کی شُمان اونَ ‌نشناسید،

یوحنا 1:33

من خودمم اونَ نشناختیم، ولی هونی کی مَرا روانه کود تا آب مرا تعمید بدَم، مَرا بگفت: ”هر وقت بیدِئی کی خُدا روح اینفر سر بینیشت و بمانست، بدان اَن هونه کی روح‌القدّس مرا تعمید خوائه دَئن.“

یوحنا 14:26

ولی اُ پشتیبان، یعنی روح‌القدّس، کی پئر اونَ می نام مرا اوسِه کونه، اون همه چیَ شمرأ آموجه و هر اونچیَ من شمرأ بگفتم، شیمی یاد اَوره.

یوحنا 16:4

ولی اَشانَ شمرأ بگفتم تا اُ زمات کی ایتفاق دکفته، بیاد باورید کی شمرأ واخُب بُکوده بوم. اَشانَ جه بنا شمرأ نگفتم، چونکی خودم شیمی مرا بوم.»

اعمالٚ رسولأن 1:5

تعمید دئنده یحیی آب مرا غُسل تعمید دئی، ولی چن روج بازون، شُمان روح القدّس اَمرا تعمید خوائید گیفتن.»

اعمالٚ رسولأن 20:35

من همه جوره شمرأ نیشان بدَم کی بایسی اَطو سخت کار بُکونیم تا بتانیم ضعیفانِ دَسَ بیگیریم، و عیسیِ خُداوندِ گبانَ به یاد باوریم کی چُطو خودش بگفته: ”فَدَن، فیگیفتن جا بختره.“‌»

اوّل قرنتیان 12:13

چونکی امان همه ایتا روح درون غُسل تعمید بیگیفتیم تا ایتا تن بیبیم، و امان همه ایتا روحِ جا بُنوشانه بُبوستیم؛ چی یهود و چی یونانی، چی غُلام و چی آزاد.

دوم پطرس 3:1

اَی عزیزان، اَن دومتّا نامه ای ایسه کی شمرأ نیویشتن درم. هر دوتا نامه یَ اَ نیّتِ امرا شمرأ بینیویشتم تا شیمی یاد باوَرَم و شیمی پاکِ فیکرانَ به ذوق باوَرَم،