اعمالٚ رسولأن 11:1 - کتاب مقدس به زبان گیلکی - گویش رشت و غرب گیلان

¹ رسولان و براران سراسر یهودیه ولایت درون بیشتاوستید کی غیر یهودیانَم خُدا کلامَ قُبیل بُکوده ئید.

کیتاب مقدّس به گیلکی (رشتی)

¹ رسولأن و برأرأنٚ ایمانداری کی یهودیه ایسَه‌بید، بیشتأوستیدی کی غیریهودیأنم به خودا کلام ایمأن بأوردیدی.

Gilaki New Testament

¹ اوشأنی کی یوهودی نوبودٚ ایمأن اَوٚردٚنٚ خٚوٚر دفأتن همٚتأ جیگأ بیپیچسته و روسولأن و البأقی مسیحٚ شأگردأن کی یوهودیه میأن ایسأ بودٚ گوشم فأرٚسِه.

کتاب مقدس به زبان گیلکی - گویش شرقی

¹ رسولؤن و برأرؤن، سرتاسر یهودیه ولایت میئن، بشتؤسَن که غیریهودیانم، خدا كلام قبول بودن.

اعمالٚ رسولأن 11:1 ပူးပေါင်းရင်းမြစ်များ

متّی 2:1

بعدِ اَنکی عیسی هیرودیسِ پادشائی دوره، یهودیه بیتْ لِحِمِ شارِ درون، بزا بُبوست، هو موقع چن تا ستاره شناس، مشرق‌ زمینِ جا، اورشلیمِ درون باموئید،

متّی 8:11

و شمرأ گَم کی خَیلیان شرق و غربِ جا خوائید اَمون و آسمان پادشائی درون ابراهیم و اسحاق و یعقوبِ مرا ایتا سُفره سر خوائید نیشتن،

مَرقُس 16:5

وقتی کی مقبره بدرون بُشوئید ایتا جوانَ بیده ئید کی سیفید قبا به تن دَشتی و راست وَر نیشته بو. زناکان اونِ دِئن جا بترسه ئید.

لوقا 2:32

نوری کی حئیقتَ دیگر مردومان ره آشکارَ کونه و تی قوم اسرائیلِ ره، جلال.»

اعمالٚ رسولأن 1:15

ایتا جه اُ روجان پِطرُس، برارانِ جَمِ درون کی سرجَم دُوروَر صد و بیست نفر بید، سَرپا بأسا

اعمالٚ رسولأن 11:29

پس شاگردان تصمیم بیگیفتید کی هرتا خوشان توان اَندر، یهودیه براران ره کمک اوسه کونید.

اعمالٚ رسولأن 14:27

وقتی پولُس و بَرنابا اویا فارسه ئید، کلیسا آدمانَ جمَ کودید و واگویا بُکودید کی خُدا بواسطه اوشان چی کارانی بُکوده و چُطو ایمانِ دَرَ غیر یهودیانِ ره وازا کوده.

اعمالٚ رسولأن 15:3

پس کلیسا اَشانَ راهی بُکود؛ وقتی کی اوشان فینیقیه و سامِرِه جا ردّا بوستن دیبید، اَنه باره کی چُطو غیر یهودیان ایمان باوردیدی گب بزه ئید و تمان برارانَ اَ خبر اَمرا خَیلی خوشحالَ کودید.

اعمالٚ رسولأن 28:15

اویا براران بیشتاوسته بید کی اَمان اَمون دریم و تا آپیوس بازار و ایتا دهات’سه میخانه‘ نام باموئید کی اَمی پیشواز بائید. پولُس اَشان دِئن مرا خُدایَ شُکر بُکود و اونِ دیل قوّت بیگیفت.