دوم پطرس 1:13 - کتاب مقدس به زبان گیلکی - گویش رشت و غرب گیلان

¹³ من، فیکر کونَم کی اَن دُرستِ، تا اُ وقت کی اَ تنِ درون ایسام، اَ صفتانَ شیمی یاد باوَرَم تا غیرتی بیبید،

Gilaki New Testament

¹³ تأ او زمأت کی اَ دونیأ دورونی کی به زودی تومأنٚ بِه ایسأم، خودمٚ وظیفه دأنٚم کی اَ مورٚدأنٚ شٚمٚره تأکید بوکونم تأ جٚه خأطر نٚبٚرید.

کتاب مقدس به زبان گیلکی - گویش شرقی

¹³ مو فیکر کؤنم کی ای درسته کی تا او زمت کی ای تن مئن درم، ای صفتؤنه شمره یادآوری بوکونم تا شیمئه غیرت ويریسه،

دوم پطرس 1:13 ပူးပေါင်းရင်းမြစ်များ

دوم قرنتیان 5:8

بله، اَمی دیل حیسابی گرمِ و اَنه بختر دانیم کی اَ تن جا دورَ بیم و خانه درون، خُداوند امرا زیندگی کونیم.

فیلیپیان 1:7

من اَ حقَّ دَرم كی شیمی همتانِ باره اَجور حسی بدَرَم، چره کی می دیل درون جا دَریدی، چونکی شُمان همتان می مرا خُدا فیض درون شریکید، هم می زندان دَکَفتنِ درون، و هم دفاع کودن انجيل جا و اونِ حئیقتِ ثابت کودن.

فیلیپیان 3:10

تا مسيح و اونِ زنده بوستنِ قدرتَ بشناسم و اونِ عذاب ئان درون سَام بدَرم، و اون مرگ درون، اونِ مانستن بَبم،

دوم تیموتائوس 1:6

جه اَ رو، تی یاد آوَرَم کی خُدا اُ عطیه یَ، کی می دَس گذاری خاطری تی درون بامو، اونِ آتشِ وَلَ زیادَ کونی.

عبرأنیأن 13:3

اوشانیَ کی زندانِ درونید به یاد بدَرید، هُطوکی انگار شمانم اوشانِ مَرا زندانِ درون ایسائید؛ و اوشانیَ کی عذاب کشیدی به یاد بدَرید، چونکی شمانم تنِ درون عذاب کشیدی.

دوم پطرس 1:12

پس من خوائم اَچیان، همیشک شیمی یاد بمانه، هرچن کی اَ چیانَ دانیدی و اُ حئیقتِ درون کی بدَس باوَردید، پابرجا ایسائید.

دوم پطرس 1:14

چونکی دانم خَیلی زو اَ تنَ جا بیرون اَیم، هُطوکی اَمی خُداوند عیسی مسیح مَرا نیشان بدَه.

دوم پطرس 3:1

اَی عزیزان، اَن دومتّا نامه ای ایسه کی شمرأ نیویشتن درم. هر دوتا نامه یَ اَ نیّتِ امرا شمرأ بینیویشتم تا شیمی یاد باوَرَم و شیمی پاکِ فیکرانَ به ذوق باوَرَم،