دوم پطرس 1:12 - کتاب مقدس به زبان گیلکی - گویش رشت و غرب گیلان

¹² پس من خوائم اَچیان، همیشک شیمی یاد بمانه، هرچن کی اَ چیانَ دانیدی و اُ حئیقتِ درون کی بدَس باوَردید، پابرجا ایسائید.

Gilaki New Testament

¹² امّا من هیوخت شٚمٚره جٚه اَ گبأنٚ خأطر اَوٚردٚنٚ رِه کوتأیی نوکونم، هرچن کی اوشأنٚ دأنیدی و او حِئقتٚ میأن کی بیأفتیدی مقأوم و قأیم ایسید.

کتاب مقدس به زبان گیلکی - گویش شرقی

¹² پس مو خأنم ای چیزؤن همیشک شمره یأد دبون، هرچند اوشؤنه دؤنین و او حقیقت مئن کی بیاتین، قورص و قایم ایسأین.

دوم پطرس 1:12 ပူးပေါင်းရင်းမြစ်များ

اعمالٚ رسولأن 16:5

پس کلیسائان، ایمان درون قوّت گیفتیدی و هر روج اَشان تعداد زیادَ بوستی.

فیلیپیان 3:1

آخر بسر، ای می براران، خُداوندِ درون شاد بيبيد. تمانِ اَ چیانی کی شمرأ نیویشتن دَرم مِره زحمت نیئه، بلکی شیمی امنیت واسی ایسه.

کولسیان 1:5

کی اشان، اُ اُمیدِ جا سرچشمه گیره کی آسمان درون شمرأ بداشته بُبوسته. اَ اُمید کی پیشتر اونِ باره حئیقت کلام، یعنی انجیلَ بیشتاوستید،

کولسیان 2:7

اونِ درون بَنه بُکونید و رُشد بُکونید و ایمانِ درون پایدار بیبید، و هُطوکی یاد بیگیفتیدی، شُکر کودَنِ جا پُر بیبید.

اوّل تیموتائوس 4:6

اگه اَ چیانَ برارانَ باموجی، مسیحْ عیسی نوکر خوائی بوستن، کی ایمانِ کلام درون تربیت خوائی بوستن و اُ خُبِ تعلیم کی اونَ دمبال بُکودی.

دوم تیموتائوس 1:6

جه اَ رو، تی یاد آوَرَم کی خُدا اُ عطیه یَ، کی می دَس گذاری خاطری تی درون بامو، اونِ آتشِ وَلَ زیادَ کونی.

عبرأنیأن 10:32

ولی اُ قدیمِ روجانَ به یاد باوَرید، اُ زمات کی تازه نورانی بُبوسته بید؛ شُمان ایتا سختِ مبارزه درون زجر امرا، تاب باوَردید.

عبرأنیأن 13:9

جورواجور و عجایب غرایب تعلیمانِ مَرا از راه به دَر نیبید؛ چونکی اَن خُبِ کی آدمی دیل فیضِ امرا قوت بیگیره، نه اُ خوراکی ئانِ امرا کی اوشانِ ره کی اونِ دُمبال شیدی هی نَفعی ناره.

۱پطرس 5:10

و بازین کی ایبچه سختی و عذاب بیده اید، خُدایِ پُر جه فیض، کی شمرأ مسیحِ درون دوخواده، تا اونِ اَبدی جلالِ درون شریک بیبید، شمرأ جه از سر بنا کونه و پایدار و پُر قُدرت و پابرجا خوائه کودَن.

۱پطرس 5:12

بواسطه سیلاس کی اونَ ایتا وفادار برار دَنَم، شمرأ مختصر بینیویشتم تا شمرأ سفارش بُکونَم و شمرأ اعلام بُکونم کی، اُ خُدا حئیقتی فیض اَنِه. اونِ درون پابرجا بمانید.

دوم پطرس 1:13

من، فیکر کونَم کی اَن دُرستِ، تا اُ وقت کی اَ تنِ درون ایسام، اَ صفتانَ شیمی یاد باوَرَم تا غیرتی بیبید،

دوم پطرس 1:15

و تا تانَم تقلا کونَم تا بتانید بعدِ می شوئن جه اَ دُنیا همیشک اَ چیانَ به یاد باوَرید.

دوم پطرس 3:1

اَی عزیزان، اَن دومتّا نامه ای ایسه کی شمرأ نیویشتن درم. هر دوتا نامه یَ اَ نیّتِ امرا شمرأ بینیویشتم تا شیمی یاد باوَرَم و شیمی پاکِ فیکرانَ به ذوق باوَرَم،

دوم پطرس 3:17

پس شُمان ای عزیزان، هسّا کی اَنه دَانیدی، بپائید کی نَبه بی‌دینانِ نادُرستِ راه درون گمراه بیبید و شیمی پایداری‌َ جه دَس بدید.

اوّل یوحنا 2:21

من اَشانَ شمرأ نيويسم، نه اَنه واسی کی حئیقتَ نَنیدی بلكی جه اَرو کی اونَ دَنیدی، چونکی هی دوروغی حئیقتِ جا نیه.

دوم یوحنا 1:2

اُ حئیقتِ واسی کی اَمی درون نَئه و تا ابد اَمی امرا مانه.

یهودا 1:17

ولی شُمان ای عزیزان، اَمی خُداوند عیسی مسیح رسولانِ پیشگوییَ به یاد بدَرید

یهودا 1:3

ای عزیزان، با اَنکی خَیلی ذوق دَشتیم تا اُ نجات باره کی امان همه، اونِ درون سام دَریمی شمرأ بینیویسَم، ولی لازم بیدِم اَ چن خط نیویشتنِ امرا، شیمی جا بخوام کی اُ ایمانِ درون کی ایوار همیشک ره، مقدّسینَ واسپارده بُبوسته، تقلا بُکونید.

یهودا 1:5

با اَنکی شُمان ایوار، تمانِ اَشانِ جا خبر دَشتیدی، ولی خوائَم شیمی یاد باوَرَم، کی خُداوند عیسی، یهودِ مردومَ مصر سرزمین جا نجات بدَه، ولی ایوارده اوشانَ کی ایمان ناشتید، نابود بُکود.