دوم قرنتیان 6:3 - کتاب مقدس به زبان گیلکی - گویش رشت و غرب گیلان

³ امان هیچ سنگی هیکسِ راه درون تانوَدیم، تا هی عیبی اَمی خیدمت درون دَنبه،

Gilaki New Testament

³ اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.

کتاب مقدس به زبان گیلکی - گویش شرقی

³ امه هیچ سنگی هیکس رای مئن توندئنیم، تا هیچ عیبی امئه خدمت مئن دنبون،

دوم قرنتیان 6:3 ပူးပေါင်းရင်းမြစ်များ

متّی 17:27

ولی اَنِ واسی کی اَشانَ ناراحتَ نُکونیم، دریا کنار بُشو و قرماق تَوَد. اولی ماهیَ کی بیگیفتی، اونِ دَهَنَ وازا کون. ایتا چار دِرْهَمی سکه یابی. اونِ مرا می سَام و تی سَامَ اَشانَ فَدَن.»

متّی 18:6

«ولی هر کی باعث ببه ایتا جه اَ کوجدانه ئان، کی مَرا ایمان دَریدی تاشا خورید، اون ره بختر اَن بو کی ایتا پیله آسیاب سنگ خو گَردن دوَده و دریا جولفِ جا درون دیمیره!

اعمالٚ رسولأن 19:27

و اَ خطر نئه کی نه فقط اَمی کسب و کار، رونقِ جا دکفه بلکی آرتمیس، اَمی پیله الهه معبدَم هیچ بِبه و حتی خو عظمتَ جه دَس بدِه. الهه ای کی سرتاسر آسیا و دُنیا درون پرستش کونید.»

رومیأن 14:13

پس، بائید بازین پس همدیگرَ قضاوت نُکونیم، بلکی تصمیم بیگیرید کی هی سنگی تاش خوردن ره و یا مانعی شیمی برار راه سر ننید.

اوّل قرنتیان 9:12

اَگه دیگران، حقّ دَریدی کی اَجور چیَ شیمی جا بخوائید، مگه امان ویشتر حقّ ناریم؟ با اَ حال امان اَ حقِّ جا استفاده نُکودیم، بلکی هر چیزیَ تاب آوریم تا هی مانعی مسیحِ انجیلِ راه سر ننَبیم.

اوّل قرنتیان 9:22

ضعیفانِ اَمرا، ضعیف بُبوستَم تا ضعیفانَ مسیحِ ره بدس باورم. همه کسَ ره همه چی بُبوستم تا هرجور بِبه بعضی ئانَ نجات بدم.

دوم قرنتیان 1:12

چون اَمی افتخار، اَمی وجدان ایسه کی گُوائی دِئه، کی اَ دُنیا درون رو راستی و صاب و صادقی اَمرا کی خُدا جا ایسه رفتار بُکودیم، نه آدمی حکمت اَمرا، بلکی خُدا فیض اَمرا رفتار بُکودیم اللخصوص شیمی اَمرا.

دوم قرنتیان 8:20

امان خَیلی پائیم اَ خیدمت درون کی پیشکشان جما کودن، کی دیل جا و بواسطه امان اداره به هیکّس اَمی سر عیب نَنه.