دوم قرنتیان 4:12 - کتاب مقدس به زبان گیلکی - گویش رشت و غرب گیلان

¹² پس مرگ اَمی درون کار کونه، ولی زیندگی شیمی درون.

Gilaki New Testament

¹² اَمأن اینجیلٚ پیغأمٚ وأگویا کودنٚ وأسی مٚردنٚ اَمرأ روبرو بیم، ولی هه پیغأم، بأعیث بوبوسته کی شومأن اَبدی زٚندیگی‌یَ بیأفید.

کتاب مقدس به زبان گیلکی - گویش شرقی

¹² پس مرگ امئه مئن کار کونه، ولی زیندگی شیمئه مئن.

دوم قرنتیان 4:12 ပူးပေါင်းရင်းမြစ်များ

اعمالٚ رسولأن 20:24

ولی من، هم می جان و هم می زیندگیَ بی ارزش دانم. فقط اَگه بتانم می دُوره یَ تمانَ کونم و اُ خیدمتیهَ کی عیسیِ خُداوند جا فیگیفتم، تا آخر انجام بدم و خُدا فیضِ خُب خبر ره شهادت بدم.

اوّل قرنتیان 4:10

اَمان مسیحِ خاطری نادانیم، ولی شُمان مسیح درون حَکیمید! اَمان ضعیفیم، ولی شُمان قوّی ایسید! شُمان ارج و قُرب دریدی ولی اَمان بی حُرمَتیم.

دوم قرنتیان 12:15

من ذوق مرا شیمی جان ره خرج کونم و می جانم نَئم. اگر من شمرأ ویشتر دوست دَرم، مگه بایستی شُمان مَرا کمتر دوست بدَرید؟

دوم قرنتیان 13:9

چون اُ زمات کی امان ضعیف بیبیم و شُمان قوی، اَن اَمرا شادَ کونه و اَمی دُعا اَنه کی شُمان اَز سر قوت بیگیرید.

دوم قرنتیان 4:11

چون امان کی زنده‌ایم، همیشک عیسی خاطری مرگِ دس واسپارده بیم تا اونِ زیندگی اَمی تن درون کی از بین شه آشکار بِبه.

دوم قرنتیان 4:13

مزمور کتاب درون بامو کی «ایمان باوردم، پس گب بزم.» هه ایمانِ روحِ اَمرا، امانَم ایمان دَریم و گب زنیم.

فیلیپیان 2:17

حتی اَگه لازم بِبه می خون ايتا پیشکشِ مانستن شیمی ایمان قربانی ره فُکوده بِبه، خوشحالم و شُمان همتان اَمرا ذوق كونم.

فیلیپیان 2:30

چونکی اون، مسيحِ کار واسی مردَن دبو و خو جانَ به خطر تَوَده تا شیمی خدمتِ کم و کاستی به من جبران بِبه.

اوّل یوحنا 3:16

جه اویا محبتَ بشناختیم کی اون، خو جانَ اَمی واسی بَنه، اَمانم بایسی اَمی جانَ برارانِ واسی بَنیم.