دوم قرنتیان 12:14 - کتاب مقدس به زبان گیلکی - گویش رشت و غرب گیلان

¹⁴ الان سیومین مرتبه ره حاضرم شیمی دِئن ره بایم، و هی باری شیمی کول سر نخوام نَئن. چره کی شیمی مال و منال دمبال نیَم بلکی خودتانَ خوائم. چونکی زاکان وظیفه نیه کی خوشان پئر و مار ره مال و منال جما کونید، بلکی پئر و مارِ وظیفه ایسه.

Gilaki New Testament

¹⁴ هسأ سیومی وأر رِه قصد دأرم شیمی ورجأ بأیٚم؛ اَی دفأیٚم شیمی سٚربأر نٚبم، چونکی شیمی مألَ نخأیٚم بلکی شٚمٚره خأیم! جٚه خأطرَ ندید کی شومأن می زأکأن ایسید؛ زأکأنٚ وظیفه نییٚه کی خوشأنٚ پئر و مأرٚ زٚندیگی‌یَ فأرٚس فوروس بوکونٚد، بلکی پئر و مأر وأستی خوشأنٚ زأکأنٚ ایحتیأجأنَ فأرٚس فوروس بوکونٚد.

کتاب مقدس به زبان گیلکی - گویش شرقی

¹⁴ الون سومین مرتبه به حاضیرم شیمئه دئن واسی بام، و هیچ باری شیمئه کول سه ننئنم. چره کی شیمئه مال و مینال دومبال دننئم بلکی خودتونه خانم. چونکی زاکون وظیفه نئه کی خوشون پئر و مأر ئبه مال و مینال جیماکونن، بلکی پئر و مأر وظیفه ایسه.

دوم قرنتیان 12:14 ပူးပေါင်းရင်းမြစ်များ

اعمالٚ رسولأن 20:33

می چوم هیکّس زر و نقره و یا رخت درون دُنبو.

اوّل قرنتیان 10:24

هیکّس خو منفعت دُمبال نَبه، بلکی خو همساده منفعت دُمبال بِبه.

اوّل قرنتیان 10:33

هُطوکی منم تقّلا کونم تا همه کسَ هر کار درون کی انجام دَئم راضی بُکونم. من می منفعت دُمبال نیَم، بلکی خَیلیانِ منفعت دُمبالَم تا نجات بیابید.

اوّل قرنتیان 11:34

اَگه اینفر ویشتایِ، خو خانه درون غذا بُخوره، تا شیمی جَما بوستن، همدیگر اَمرا به محکوم بوستن خَتم نَبه. وقتی شیمی ورجه بایَم، بقیه چیان باره، شمرأ گَم چی بُکونید.

اوّل قرنتیان 16:5

بعد اَنکی مقدونیه ولایت جا بُگُذشتم شیمی ورجه خوائم آمون، چونکی مقدونیه ولایت جا رّدَ بَم.

اوّل قرنتیان 4:19

ولی اَگه خُدا بخوائه خَیلی زود شیمی ورجه اَیم تا بیدینم اُ مغروران فقط گب بِزه ئید یا اَنکی اونِ قُدرتم دَریدی.

اوّل قرنتیان 9:12

اَگه دیگران، حقّ دَریدی کی اَجور چیَ شیمی جا بخوائید، مگه امان ویشتر حقّ ناریم؟ با اَ حال امان اَ حقِّ جا استفاده نُکودیم، بلکی هر چیزیَ تاب آوریم تا هی مانعی مسیحِ انجیلِ راه سر ننَبیم.

اوّل قرنتیان 9:18

پس می پاداش چیسه؟ اَنِ کی انجیلَ مجانی موعظه بُکونم و اُ حقّ وحقوقیَ کی اونِ جا دَرم هی ذره فانگیرم.

اوّل قرنتیان 9:19

چون هرچن کی جه همه چی آزادم، خودمَ همتانِ غُلام چاکودم تا خَیلیانَ مسیحِ ره بدس باورم.

دوم قرنتیان 1:15

چون اَنه جا مطمئن بوم، خواستَم اول شیمی ورجه بایم تا دو مرتبه فیضَ تجربه بُکونید.

دوم قرنتیان 11:9

و اَ زماتی کی شیمی میان ایسا بوم و محتاج بوم هیکّسِ کولِ سر هی باری نَنه بوم، چون بَرارانی کی مقدونیه ولایت جا باموبید می احتیاجاتَ بر طرف بُکودید. و من هی رقم باری شیمی کول سر نَنه بوم و ننَم.

دوم قرنتیان 12:13

چونکی چی درون الباقی کلیسائان جا کمتر شمرأ لوطف بُبوست جغیر اَنکی من خودم ایتا بار شیمی کول سر نُبوم؟ می اَ خطایَ ببخشید!

غلاطیأن 4:19

می عزیزِ زاکان، کی بازم شمرأ زایمانِ دَردَ دَرم تا اُ زمات کی مسیح، شیمی درون شکل بگیره،

فیلیپیان 4:1

پس، می براران کی شمرأ دوست دَرَم و مشتاقم شمرأ بيدينم، ای كی شُمان می شادی و می تاج سَريد، ای عزيزان، اَطویی خُداوند درون قائِم بأسید.

فیلیپیان 4:17

نه اَنكی پیشکش دُمبال ببم، بلكی ایتا ثمر دمبال ايسم كی شیمی اعتبارَ خُدا ورجه زیاد کونه.

اوّل تسالونیکیان 2:11

چون شُمان دانیدی کی چطو، ایتا پئرِ مانستن کی خو زاکانِ امرا رفتار کونه،

اوّل تسالونیکیان 2:8

امان انقد شمرأ دوست دَشتیم کی ذوق امرا حاضر بیم نه فقط خُدا انجیلَ شمرأ فاراسانیم، بلکی اَمی جانَم شیمی راه واسی بَنیم، چونکی شُمان خَیلی اَمرا عزیز بید.