دوم قرنتیان 11:7 - کتاب مقدس به زبان گیلکی - گویش رشت و غرب گیلان

⁷ مگه گُناه بُکودم کی مَره کوچکَ کودم تا شُمان سربُلند بیبید، چونکی خُدا انجیل پیغامَ مُفتی شمرأ اعلام بُکودَم؟

Gilaki New Testament

⁷ ینی گونأ بوکودم کی اینجیلٚ پیغأمَ بودونٚ اَنکی هیذره پول فأگیرٚم، شٚمٚره وأگویا بوکودم و مٚرَه پٚستَ کودم کی شومأن گولأز بوکونید؟

کتاب مقدس به زبان گیلکی - گویش شرقی

⁷ مگر گوناه بودم کی مأ کوچیکاگودم تا شمه سربولند ببین، چونکی خدا انجیل پیغومه موفتی شیمئبه اعلوم بودم؟

دوم قرنتیان 11:7 ပူးပေါင်းရင်းမြစ်များ

اعمالٚ رسولأن 20:33

می چوم هیکّس زر و نقره و یا رخت درون دُنبو.

اعمالٚ رسولأن 20:34

شُمان خودتان دانیدی کی من می دَسان مرا، هر چی کی خودم و اوشانی کی می اَمرا بید و احتیاج دَشتید، فراهم بُکودم.

رومیأن 1:1

پولُس جا، مسیحْ عیسی نوکر، کی رسالت واسی دعوت بُبوست و خُدا انجیلِ ره وقف بُبوست؛

اوّل قرنتیان 9:12

اَگه دیگران، حقّ دَریدی کی اَجور چیَ شیمی جا بخوائید، مگه امان ویشتر حقّ ناریم؟ با اَ حال امان اَ حقِّ جا استفاده نُکودیم، بلکی هر چیزیَ تاب آوریم تا هی مانعی مسیحِ انجیلِ راه سر ننَبیم.

اوّل قرنتیان 9:6

فقط من و برنابا ایسیم کی بایستی اَمی زیندگی واسی کار بُکونیم؟

دوم قرنتیان 10:1

من، پولُس، خودم مسیحِ فروتنی و نرمی اَمرا شمرأ منت کونم- منی کی خَیلی جه شُمان گیدی وقتی شیمی ورجه ایسام سر به زیرم و اُ موقع کی شیمی ورجه نئسام جسورم!-

دوم قرنتیان 10:16

تا بتانیم انجیلَ اُ ولایتان درون کی شیمی جا دورِ، موعظه بُکونیم. چونکی نخوائیم اُ کاری کی پیشتر اینفر دیگر، خو سامانسر درون بُکوده ره افتخار بُکونیم.

دوم قرنتیان 12:13

چونکی چی درون الباقی کلیسائان جا کمتر شمرأ لوطف بُبوست جغیر اَنکی من خودم ایتا بار شیمی کول سر نُبوم؟ می اَ خطایَ ببخشید!

دوم قرنتیان 2:12

وقتی تْروآس شار بُشوم تا مسیحِ انجیلَ موعظه بُکونَم، با اَنکی خُداوند اویا ایتا پیله دروازه می جُلُو وازا کوده،

اوّل تسالونیکیان 2:9

چون شُمان اَی براران، اَمی زحمت و کار کودَن شیمی یاد دَره: کی شبنده روج کار کودیم تا اُ موقع کی خُدا انجیلَ شمرأ اعلام کودن دَریم، هیکّسِ سَربار نیبیم.

دوم تسالونیکیان 3:8

و هیکّسِ نانَ مُفتی نخوردیم، بلکی سختی و زحمتِ امرا شبنده روج کار بکودیم، تا هیتا جه شیمی سربار نیبیم.