دوم قرنتیان 10:15 - کتاب مقدس به زبان گیلکی - گویش رشت و غرب گیلان

¹⁵ امان اَمی حدَ دَریم و جه اونچی کی دیگران زحمت بکشه اید افتخار نُکونیم. ولی امان اُمید دَریم کی هر چی شیمی ایمان ویشتر پیله بِه اَمی خیدمت حد شیمی میان ئم خَیلی پیله تر ببه،

Gilaki New Testament

¹⁵ اَنٚم بٚگم کی هیوخت نخأستیم او زحمتأنَ کی البأقیأن شِمِره بٚکشِئده، اَمٚرَه دوچوکأنیم و اوشأنَ گولأز بوکونیم، بلکی اَمی نأجه اَن ایسه کی شیمی ایمأن روشد بوکونه و خودا هو رأ روشٚ مرزٚ دورون، اَمی خیدمت شیمی میأن پٚخشَ بٚه.

کتاب مقدس به زبان گیلکی - گویش شرقی

¹⁵ امه امئه حده دانیم و دیگرون زحمت بکشئرأجی ایفتخار نوکونیم. ولی امه امید دانیم که هرچی شیمئه ایمون ویشتر پیلله بنه امئه خدمت حد شیمئه مئنم خیلی پیلترابون،

دوم قرنتیان 10:15 ပူးပေါင်းရင်းမြစ်များ

اعمالٚ رسولأن 5:13

ولی الباقی مردوم هیکّس جرأت نُکودی اَشانِ جمع درون اضافه ببه. هرچن مردوم همتان اَشان احترامَ دَشتید.

رومیأن 15:20

می آرزو همیشک اَن بو کی اُ جائی انجیلَ موعظه بُکونم کی مسیحِ نامَ نیشناوسته بید، تا نَبه کی من اینفر دیگرِ پی سَر بنائی چاکونَم،

دوم قرنتیان 10:13

ولی امان بیش از حد افتخار نُکونیم، بلکی فقط هونقد افتخار کونیم کی خُدا اَمی واسی مُعین بُکوده، اُ حد کی حتی شَمَرَئَم در بر گیره.

دوم تسالونیکیان 1:3

ای براران، امان بایستی همیشک خُدایَ شیمی واسی شُکر بُکونیم، دُرُستشَم هَنه، چونکی شیمی ایمان هَطو رشد کودَن دَره، و هرتا جه شیمی محبت همدیگرِ ره ویشترَ به.