دوم قرنتیان 1:9 - کتاب مقدس به زبان گیلکی - گویش رشت و غرب گیلان

⁹ راس راسی اَمرا اَطو بو کی انگار اَمرا مردنِ ره محکوم بُکودید. ولی اَشان همه اَنه واسی ایتفاق دکفت کی نه خودمانَ، بلکی خُدایَ توکّل بُکونیم اونکی مُرده ئانَ زنده کونه.

Gilaki New Testament

⁹ و ایحسأس کودیمی کی مٚردنَ محکوم بوبوستیم، چونکی اَمی نیجأتٚ رِه، جٚه اَمی دٚس هیتأ کأر برنأمؤیی. ولی اَ زحمتأن ایتأ خورومٚ آموج اَمٚرَه فأدأ کی دِه اَمٚرَه موتکی نیبیم، بلکی او خودایی کی حتّا تأنه مورده‌یأنٚ زٚنده کونه‌یَ توٚکول بوکونیم. پس همه چی‌یَ خودا دٚس بیسپأردیم.

کتاب مقدس به زبان گیلکی - گویش شرقی

⁹ راس راسه امئبه ایطو بو کی اینگار امره مردن ئبه محکوماگودن. ولی ایشون همه این وسه اتفاق دکته که نه امره، بلکه خدا توکل بکونیم که بمرده أنِ زینده واکوئنه.

دوم قرنتیان 1:9 ပူးပေါင်းရင်းမြစ်များ

لوقا 18:9

بازون عیسی بعضیان واسی کی اَشان پوشت به خوشان صالحی گرم بو و دیگرانَ کوچیک اِشماردید اَ نَقل باورد:

رومیأن 8:36

هُطوکی مزمورِ کتاب درون بینیویشته بُبوسته: «اَمان، تمانِ روج تی خاطری مَردن ره شوئندریم؛ و گوسفندانِ مانستن کی کوشتار واسی حاضرَ بوستید بحساب آییم.»

دوم قرنتیان 1:10

خُدا اَمرا اَجور خطرِ جا کی کوشه رهایی بِدَه و رهایی دِئه. اَمی اُمید به اونِ کی بازَم اَمرا رهایی خوائه دَئن.

دوم قرنتیان 1:8

چونکی اَی براران، نخوائیم اُ مُصیبتانِ جا کی آسیا منطقه درون اَمرا بُگُذشته، بی‌خبر بیبید. چون فِشارانی کی اَمی سر بامو ویشتر جه اَمی طاقت بو کی اَمی زنده مانستَنِ جا نا اُمید بُبوسته بیم.

دوم قرنتیان 3:5

نه اونکی خودمان لیاقت بدَریم کی ادعا بُکونیم کی اَمی دَس جا ایچی بر اَیه، بلکی اَمی لیاقت خُدا جا ایسه.

دوم قرنتیان 4:7

ولی اَ گنجَ گیلی کوزه ئان درون دَریم، تا آشکار بِبه کی اَ عجایب غرایب قُدرت خُدا جا ایسه، نه اَمی جا.

عبرأنیأن 11:19

ابراهیم اَطو فکر کودی کی خُدا تانه حتّی اسحاقَم مُرده ئانِ جا زنده بُکونه، و شِه گُفتن کی ابراهیم اَطوئی اسحاقَ مرگِ جا پس فیگیفت.