اوّل تسالونیکیان 3:6 - کتاب مقدس به زبان گیلکی - گویش رشت و غرب گیلان

⁶ ولی هسّا کی تیموتائوس جه شیمی طرف، اَمی ورجه وَگردسته و شیمی ایمان و محبت جا امرا خُبِ خبر باورده و خبر بدَه کی شُمان همیشک اَمی جا خُبی امرا یاد کونیدی و اَمی دِئن ره ذوق دَریدی، اوجور کی امانَم شیمی دئن ره ذوق دَریمی-

Gilaki New Testament

⁶ امّا هسأ کی تیموتائوس جٚه شیمی ورجأ وأگردسته، اَمٚرَه اَ خوروم خٚوٚرٚ بٚدأ کی شیمی ایمأن و محبت جٚه بین نوشؤ و اَمٚرَه‌یٚم جٚه خأطر ندأیید، هو قد کی اَمأن شیمی دِئنٚ وأسی موشتأقیم، شومأنم اَمی دِئنٚ وأسی ایشتیأق دأریدی.

کتاب مقدس به زبان گیلکی - گویش شرقی

⁶ ولی ایسه کی تیموتائوس شیمئه ور أجی وگرسه أمئه ور و أمئبه شیمئه ایمؤن و محبت أجی خؤرم خبر بأرده و خبر بدأ کی شمه همیشک أمرأجی خؤرم یاد کؤنین و أمئه دئن ئبه ذؤق دأنین، هوطؤ که أمرأم شیمئه دئن ئبه ذؤق دأنیم-

اوّل تسالونیکیان 3:6 ပူးပေါင်းရင်းမြစ်များ

اعمالٚ رسولأن 16:1

پولُس دِربِه و لِستره شاران بُشو. اویا ایتا شاگرد تیموتائوس نام زیندگی کودی کی اونِ مار یهودی و ایتا ایماندار بو، ولی اونِ پئر یونانی بو.

اعمالٚ رسولأن 18:1

بعد اَن، پولُس آتِنَ تَرکا کود و قُرِنتُس شار بُشو.

اعمالٚ رسولأن 18:5

وقتی سیلاس و تیموتائوس مقدونیه جا باموئید، پولُس همه ذره خو وقتَ خُدا کلام ره بنه و یهودیانَ گُوائی دَئی کی مسیح موعود هو عیسی ایسه.

اوّل قرنتیان 11:2

هسّا شیمی جا تعریف کونم کی همه چی میان مرا یاد آوریدی و حتی اُ رسم و رسوم ئانَ هُطوکی شمرأ واسپاردم، دَریدی.

اوّل قرنتیان 13:13

پس هسّا، اَ سه تا مانه: ایمان، اُمید و محبت. ولی اَشان میان محبت پیله ترینِ.

غلاطیأن 5:6

چونکی مسیحْ عیسی درون نه ختنه بوستن مهمه نه ختنه نُبوستن، بلکی مهم ایمانی ایسه کی بواسطه ی محبت کار کونه.

فیلیپیان 1:8

چونکی خُدا می گُواهِ كی چطور اُ احساساتِ امرا کی مسیحْ عیسی جا سرچشمه گیره، شُمان همتانِ ره مشتاقم.

کولسیان 1:4

چونکی امان شیمی ایمان باره مسیحْ عیسی درون و محبتی کی تمان مُقدّسین ره دَرید، بیشتاوستیم،

کولسیان 4:18

من، پولُس، اَ سلامَ می دَس امرا نیویسم. می زنجیلانَ اَ زندانِ درون به یاد باوَرید. فیض شیمی امرا بِبه.

اوّل تسالونیکیان 1:3

شیمی کارَ کی ایمانِ راهِ جا ایسه و زحمتیَ کی محبت راهِ درون کیشیدی و شیمی اُمیدِ پایداریَ کی اَمی خُداوند عیسی مسیحِ درونِ، خُدا و اَمی آسمانی پئر جُلو، به یاد آوریم.

اوّل تسالونیکیان 2:17

ولی اَی براران، جه اویا کی ایبچه زمات شیمی جا سیوا بُبوستیم، البت جسماً و نه قلباً، خَیلی شوق و ذوق امرا تقلا بکودیم تا شمرأ رو دَر رو بیدینیم.

اوّل تسالونیکیان 2:9

چون شُمان اَی براران، اَمی زحمت و کار کودَن شیمی یاد دَره: کی شبنده روج کار کودیم تا اُ موقع کی خُدا انجیلَ شمرأ اعلام کودن دَریم، هیکّسِ سَربار نیبیم.

اوّل تسالونیکیان 3:7

اَی براران، هنه واسی، تمانِ اَمی سختی ئان و مصیبتانِ درون، شیمی جا بواسطه ی شیمی ایمان تَسلی بیگیفتیم.

دوم تسالونیکیان 1:3

ای براران، امان بایستی همیشک خُدایَ شیمی واسی شُکر بُکونیم، دُرُستشَم هَنه، چونکی شیمی ایمان هَطو رشد کودَن دَره، و هرتا جه شیمی محبت همدیگرِ ره ویشترَ به.

اوّل تیموتائوس 1:5

اَمی منظور اَ دستورِ جا محبت ایسه، محبتی کی پاکِ دیل جا، و خُبِ وجدان و خالص ایمان جا اَیه.

دوم تیموتائوس 1:3

هُطوکی شبنده روج یکسره می دُعائانِ درون تَره بیاد آورم، خُدایَ شکر کونم، اُ خُدایی کی منم می پئرانِ مانستن پاکِ وجدانِ مَرا اونَ خیدمت کودَن درم.

فیلیمون 1:5

چونکی من تی محبت و ایمانِ باره کی خُداوندْ عیسی و تمانِ مُقدّسین ره دَری ایشتاوَم،

عبرأنیأن 13:3

اوشانیَ کی زندانِ درونید به یاد بدَرید، هُطوکی انگار شمانم اوشانِ مَرا زندانِ درون ایسائید؛ و اوشانیَ کی عذاب کشیدی به یاد بدَرید، چونکی شمانم تنِ درون عذاب کشیدی.

عبرأنیأن 13:7

شیمی رهبرانَ به یاد بدَرید، اوشان کی خُدا کلامَ شمرأ بگفتید. اوشانِ زیندگی شیوه عاقبتَ نیگا بُکونید و اوشانِ ایمانِ جا سرمشق بیگیرید.

اوّل یوحنا 3:23

و اونِ حکم اَنه کی، اونِ پسر نام، عیسی مسیحَ ایمان باوریم و همدیگر محبت بُکونیم، هُطوکی امرا دستور بِدَه.