اوّل تسالونیکیان 1:6 - کتاب مقدس به زبان گیلکی - گویش رشت و غرب گیلان

⁶ شُمان اَمی جا و خُداوندِ جا سرمقش بیگیفتید، چونکی خَیلی عذاب درون، خُدا کلامَ اُ شادی امرا کی روح‌ القدّس دِئه، قُبیل بکودید،

Gilaki New Testament

⁶ آخرپٚسی، شومأن اَمی جَا و خوداوند جَا ایطأعت بوکودید و بأ اَنکی اَمی پیغأمٚ وأسی خٚیلی زحمتأن بیدِیید، او خوشألی اَمرأ کی جٚه روح‌القدس ایسه، اَمی پیغأمَ قوبیل بوکودید.

کتاب مقدس به زبان گیلکی - گویش شرقی

⁶ شمه أمرأجی و خداوند أجی سرمشق بیتین، چون خیلی عذاب مئن، خدای کلؤمه او شادی همأ کی روح القدس هدئنه، تنأگیتین.

اوّل تسالونیکیان 1:6 ပူးပေါင်းရင်းမြစ်များ

متّی 16:24

بازین عیسی وگردست و خو شاگردانَ بگفت: «اَگه اینفر بخوائه می دُمبال بایه، بایسی خورِه حَشا بُکونه، خو صلیبَ اوسانه و می دُمبال بایه.

یوحنا 8:12

عیسی ایوار ده مردوم مرا گب بزِه، بگفت: «من دُنیا نور ایسم. هرکی می دُمبال بایه، هرگس تارکی درون راه نخوائه شئون، بلکی زیندگی نورَ خوائه داشتن.»

اعمالٚ رسولأن 13:52

شاگردان پُر جه ذوق و روح القدّس بید.

اعمالٚ رسولأن 5:41

پس رسولان جه شورا آدمانِ ورجه ذوق مرا، بیرون بُشوئید، چون لایق بحساب باموئید کی عیسی نامِ خاطری بی حُرمتی بیدینید.

اعمالٚ رسولأن 9:31

اَطویی کلیسا سرتاسر یهودیه و جلیل و سامره درون آرامَ بوسته و قوت گیفتی. ایمانداران، خُداوندِ ترس درون زیندگی کودید و روح القدّس تشویق اَمرا اَشان تعداد ویشتر بوستی.

رومیأن 15:13

بِبه، خُدايی کی اُميد فَدِه شمرأ تمانِ شادی و صلح و سلامتی کی ایمانِ درونِ، پُر بُکونه، اوجور کی روح القدّسِ قوتِ مَرا اُمید جا لبالب پُر بیبید.

اوّل قرنتیان 11:1

پس، می جا سرمقش بيگيريد، هُطوکی من مسيح جا سرمقش گيرم.

اوّل قرنتیان 11:2

هسّا شیمی جا تعریف کونم کی همه چی میان مرا یاد آوریدی و حتی اُ رسم و رسوم ئانَ هُطوکی شمرأ واسپاردم، دَریدی.

اوّل قرنتیان 4:16

پس من شیمی جا خواهش کونم، می جا سرمَقش بیگیرید.

دوم قرنتیان 6:10

اَمی اَمرا غمگین ئانِ مانستن رفتار به، با اَ حال همیشک شادیم؛ اَمی اَمرا نادارانِ مانستن رفتار به، با اَ حال خیلیانَ پولدارَ کونیم؛ اَمی اَمرا جوری رفتار به کی اِنگار هیچی ناریم، با اَ حال صاحاب همه چی ایسیم.

دوم قرنتیان 8:5

اَشان نه فقط اوجور کی امان انتظار دَشتیم بلکی اول خوشانَ خُداوند ره وقف بُکودید و بازین مطابق خُدا اراده خودشانَ وقفِ امان بُکودید.

غلاطیأن 5:22

ولی خُدا روحِ ثمره، محبت، شادی، صلح و سلامتی، صبر، مهربانی، خُبی، وفاداری،

افسسیان 5:1

پس هُطو عزیز زاکانِ مانستن، خُدا جا سرمشق بیگیرید.

فیلیپیان 3:17

ای براران، می جا سرمشق بيگيريد، و شیمی نگاه اوشانیَ بِبه کی عین اونچی کی اَمی جا سراغ دَریدی، رفتار کونید.

دوم تسالونیکیان 1:4

جه اَ رو، امان خودمان، خُدا کلیسائانِ درون شمرأ افتخار کونیمی، شیمی پایداری و ایمان واسی، کی تمان اذیت و آزار و عذابانِ درون تاب آوریدی.

دوم تسالونیکیان 3:7

چونکی شُمان خودتان دانیدی کی چطو بایستی اَمی جا سرمشق بیگیرید، چون اُ موقع کی امان شیمی امرا بیم، تَنبل نیبیم،

دوم تسالونیکیان 3:9

نه اَنه واسی کی امان اَ حقَّ ناریم، بلکی تا خودمانِ جا ایتا نمونه، سرمشق ره شمرأ بَنیم.

دوم تیموتائوس 4:2

خُدا کلامَ اعلام بُکون، و وقت و بی وقت آماده بُبو، زیادِ صبر و کاملِ تعلیم امرا، اصلاح و تشر و تشویق بُکون.

عبرأنیأن 10:34

چونکی شُمان اوشانِ مرا کی زندانِ درون ایسابید همدردی بُکودید، و اُ موقع کی شیمی مال و منالَ غارت بُکودید، خوشحالی مرا قُبیل کودیدی. چونکی شُمان خودتان دَنستیدی ایتا بخترِ مال و منالِ صاحاب ایسید کی تا ابد مانه.

۱پطرس 1:6

شُمان اَنه واسی خَیلی خوشحالَ بوستید، هرچن کی الان اگر لازم بِبه، بایستی ایپچه زمات جور واجور امتحاناتِ درون غَم بدَرید،

۱پطرس 1:8

با اَنکی شُمان عیسی مسیحَ نیده اید، اونَ دوست دَریدی؛ و هرچن اونَ الان نیدینیدی، اونَ ایمان دَرید و خوشحالی کونیدی، اُ شادی امرا کی نیشه گفتن و پُر جه جلال ایسه،

۱پطرس 3:13

هسّا، اگر خُبِ چیه واسی غیرت دَریدی، کیسه کی شمرأ ضرر فارسانه؟

سوم یوحنا 1:11

ای عزیز، بَدیَ تی سر مشق نُکون، بلکی خُبی جا سرمشق بیگیر؛ اونکی خُبِ کار کونه خُدا جا ایسه، اونکی بَدِ کار کونه خُدایَ بیده ناره.