۱پطرس 5:13 - کتاب مقدس به زبان گیلکی - گویش رشت و غرب گیلان

¹³ خواخوری کی بابِل درون ایسا، اونکی شیمی مانستن انتخاب بُبوسته، شمرأ سلام فاراسانه و هَطو می پسر مَرقُس.

کیتاب مقدّس به گیلکی (رشتی)

¹³ او خأخوری کی شیمی اَمرأ اینتخاب بوبوسته و بابِلٚ میأن ایسَه شمرَ سلام رسأنه و هَطویم مَرقُس کی خو ایمأنٚ وأسی می پسره.

Gilaki New Testament

¹³ شیمی خأخور کی شیمی مأنستَن خودا اینتخأب بوبوسته و بابِلٚ دورونی ایسأ و می پٚسر مرقس شٚمٚره سلأم رٚسأنده.

کتاب مقدس به زبان گیلکی - گویش شرقی

¹³ او خأخؤر کی بابل مئن ایسأ، او کی شیمئه موسؤن دؤجئه بوبؤ، و می پسر، مرقس، شمره سلام رسؤنئنن.

۱پطرس 5:13 ပူးပေါင်းရင်းမြစ်များ

اعمالٚ رسولأن 12:12

وقتی پِطرُس اَنه بفهمست، مریم، یوحنا شناس به مَرقُس مارِ خانه بُشو. اویا خَیلیان جمَ بوسته بید و دُعا کودیدی.

اعمالٚ رسولأن 12:25

بَرنابا و شائول خوشان مأموریتَ به آخر فارسانه ئید و اورشلیم جا واگردستید و یوحنای شناس به مرقسَم خوشان اَمرا باوردید.

اعمالٚ رسولأن 15:37

بَرنابا خواستی کی یوحَنای شناس به مَرقُسَم اَشان اَمرا بشه،

اعمالٚ رسولأن 15:39

بَرنابا و پولُس میان اَنقَد اختلاف زیادَ بوست کی همدیگر جا سیوا بُبوستید. بَرنابا، مَرقُسَ اوساد و دریا راه جا قبرس سمت بُشو؛

کولسیان 4:10

آریستارخوس کی می اَمرا زندان دورن ایسا، شمرأ سلام فاراسانه، هَطوئَم مَرقُس، برنابا عمو پسر، شمرأ سلام فاراسانه. پیشتر اونِ باره شمرأ سفارش بُکوده بوم کی هر وقت شیمی ورجه بایه، گرمی مرا اون قُبیل بُکونید.

فیلیمون 1:24

و هَطو می همکارانم، مَرقُس، آریستارخوس، دیماس و لوقا تَره سلام فاراسانیدی.

دوم یوحنا 1:1

ریش سفید جا، به انتخاب بُبوسته بانو و اونِ زاکان کی اوشانَ حئیقت درون دوست دَرم- و نه فقط من بلكی تمان اوشانی كی حیئقتَ بشناختیدی-

دوم یوحنا 1:13

تی انتخاب بُبوسته خاخورِ زاکان، تَره سلام فارسانیدی.

موکأشفه 17:5

و اونِ پيشانی سر اَ مرموزِ نام بينیويشته بُبوسته بو: «پیله بابِل، فاحشه ئان و زمينِ زشتیانِ مار.»

موکأشفه 18:2

ایتا بلندِ صدا مرا داد بزه کی: «فگوردَست! پیله بابِل فگوردَست! اون، دیوانِ جیگا بُبوسته! و هر ناپاکِ ارواحِ مَقَر، و هر ناپاکِ پرنده فَک و هر واشی جانوَرِ لانه کی ناپاک و نفرت انگیزِه.