اوّل قرنتیان 9:8 - کتاب مقدس به زبان گیلکی - گویش رشت و غرب گیلان

⁸ مگه اَ چیانَ آدمی فیکران مَرا گَم؟ مگه شریعتَم هنَ نیگه؟

Gilaki New Testament

⁸ بلکی فیکر بوکونید کی اَ ریزٚ گیریأنٚ جٚه اینسأنی فیکر گم. ولی اَطو نییٚه، چونکی خودا قأنونم هنَ گه.

کتاب مقدس به زبان گیلکی - گویش شرقی

⁸ مگر ای چیزونه بشری فیکرون همرا گونم؟ مگه شریعتم هینه نوگونه؟

اوّل قرنتیان 9:8 ပူးပေါင်းရင်းမြစ်များ

رومیأن 3:31

پس اَمان اَ ایمانِ اَمرا شریعتَ از بین بَریم؟ البت کی نه! برعکس، امان شریعتَ پابرجا کونیم.

رومیأن 3:5

ولی اَگه اَمی ناراستی خُدا راستیَ آشکارَ کونه، چی بایستی بیگیم؟ مگه خُدا اُ موقع کی اَمی سر غضّب کونه ظالمه؟ آدمِ مانستن گب زِئن دَرم.

رومیأن 6:19

من آدمی زوانِ مرا شیمی امرا گب زئندرم چون آدمید و شیمی جسم ضَعیفِ. چون هُطوکی پیشتر شیمی اوسم و اعضایَ نوکرِ مانستن ناپاکی و بی قانونی دَس کی روز به روز بیشترَ به واسپاردید، پس هسّا اوشانَ صالحی نوکر چاکونید کی به قدّوسیت ختم به.

اوّل قرنتیان 14:34

زناکان بایستی کلیسا درون تام بزنید. چونکی اوشانَ اجازه فدَه نُبوسته کی گب بزنید، بلکی بایستی فرمانبر بیبید عین اونچی کی شریعتم گه.

اوّل قرنتیان 7:40

با اَ حال من فیکر کونم کی اَگه مَردا نَبه، خوشحالترِ و گُمان کونم کی منم خُدا روحَ دَرم.

غلاطیأن 1:11

ای براران، خوائَم بدانید اَ انجیلی کی من اونَ اعلام بُکودم، آدمی انجیل نیه،

اوّل تسالونیکیان 2:13

امانَم دائم خُدایَ اَنه واسی شُکر کونیم، کی اُ زمات کی خُدا کلامَ قُبیل بکودید، اُ کلام کی اَمی جا بیشتاوستید، اونَ نه آدمی کلام مانستن، بلکی خُدا کلامِ مانستن قُبیل بکودید اوجورکی حئیقتَنَم ایسه، کی شُمان ایمانداران میان کار کونه.

اوّل تسالونیکیان 4:8

پس، هر کی اَنه رَدَّ کونه، آدمیَ رَدَّ نُکوده بلکی خُداییَ رَدَّ کوده کی خو مقدّس روحَ شمرأ فَدِه.