اوّل قرنتیان 9:20 - کتاب مقدس به زبان گیلکی - گویش رشت و غرب گیلان

²⁰ یهودیانِ ورجه ایتا یهودی مانستن بُبوستم، تا یهودیانَ مسیحِ ره بدس باورم. اوشانِ مَرا کی شریعتِ حُکمان جیر ایسائید، اونِ مانستن کی شریعتِ حُکمانِ جیر ایسه بُبوستم، تا اوشانیَ کی شریعت حُکمانِ جیر ایسائیدِ مسیحِ ره بدس باورم.(هرچن خودم شریعت حُکمانِ جیر نئسام).

Gilaki New Testament

²⁰ وختی یوهودیأنٚ اَمرأ ایسأبوم، اوشأنٚ مأنستَن کردکأر کودیم کی یوهودیأنَ مسیح ور بأوٚرٚم. او وخت کی اوشأنٚ اَمرأ بوم کی یوهودٚ شریعتٚ شأگرد بود، منم شریعتٚ جیر زٚندیگی بوکودم. هرچن جٚه شریعتٚ پیروی نوکونم، ولی اَطو بوکودم تأ اوشأنی‌یَ کی شریعتٚ جیر ایسأده، مسیح ور بأوٚرٚم.

کتاب مقدس به زبان گیلکی - گویش شرقی

²⁰ یهودی أن ورجه یکته یهودی مورسون بوبوم، تا یهودی أنِ مسیح به بدس بارم. اوشون امره که شریعت حکمون جیر ایسان، اون مورسون که شریعت حکمون جیر ایسَا بوبوم، تا اوشونِ که شریعت حکمون جیر درن مسیح به بدس بارم. (هرچند خودم شریعت حکمون جیر نیسَئم.)

اوّل قرنتیان 9:20 ပူးပေါင်းရင်းမြစ်များ

اعمالٚ رسولأن 16:3

پولُس، چونکی خواستی تیموتائوس، سفر درون اونَ همرائی بُکونه، یهودیانِ واسی کی اُ منطقه درون زیندگی کودیدی اونَ ختنه بُکود، چونکی همتان دانستیدی کی تیموتائوس پئر یونانیه.

اعمالٚ رسولأن 18:18

پولُس خَیلی زمات قُرِنتُس درون بأسا و بازون براران مرا خُداحافظی بُکود و دریا راهِ جا سوریه سمت رادکفت. اَ سفر درون، پْریسکیلا و آکیلائم اون اَمرا بید. پولُس کِنخْریه درون خو سرَ بتاشته، چونکی اَطو نذر بُکوده بو.

رومیأن 11:14

اَ اُميد اَمرا كی می هم نژادانَ غیرتی بُکونم و بعضی جه اوشانَ نجات بدم.

رومیأن 3:19

هسّا دانیم اونچی کی شریعت گه، اوشانِ شین ایسه کی شریعتِ جیر ایسائید تا هر دَهنی دَوَسته ببه و تمانِ دُنیا، خُدا محضر میان جواب پس بدید.

غلاطیأن 2:19

چونکی من بواسطه شریعت و نسبت به شریعت بَمردوم تا نسبت به خُدا زیندگی بُکونم.

غلاطیأن 4:21

شُمان کی خوائیدی شریعت جیر بأسید، مَره بیگید، مگه اونچیَ کی شریعت گه گوش نُکونیدی؟

غلاطیأن 4:5

تا اوشانی کی شریعت جیر ایسابید آزاد بُکونه، و اَطویی اَمان پسرانِ مقامِ درون فرزند خواندگی حقّ، اَمی نصیب بِبه.

غلاطیأن 5:18

ولی اگر خُدا روح مرا هدایت بیبید، شُمان دِه شریعت جیر نِئسائید.