اوّل قرنتیان 8:4 - کتاب مقدس به زبان گیلکی - گویش رشت و غرب گیلان

⁴ پس پیشکش غذائانِ خوردنِ باره کی بُتانِ ره پیشکش بیدی، دَنیم کی اَ دُنیا درون «بُت هیچه،» و «جغیر ایتا خُدا، دِه خُدایی نَنه.»

Gilaki New Testament

⁴ هسأ اصلٚ موضو‌یَ وأگردیم. مگه دوروست ایسه او گوشتَ کی بُتأنٚ رِه قوربأنی بوبوسته، بوخوریم؟ همٚتأن دأنیم کی بُت، خودا نییٚه، چونکی فقد ایتأ خودا ایسأ و وٚست.

کتاب مقدس به زبان گیلکی - گویش شرقی

⁴ پس پیشکشی غذائان خوردن باره که بتون ئبه پیشکش بنن، دونیم که ای دنیا مئن بت هیچه ، و به جز یکته خدا ، خدای دیگر نیسه ،

اوّل قرنتیان 8:4 ပူးပေါင်းရင်းမြစ်များ

مَرقُس 12:29

عیسی اونَ بگفت: «مهمترین حُکم اَنه: ”گوش بدَن، ای اسرائیل، اَمی خُداوندْ خُدا، ایتا خُداونده.

اعمالٚ رسولأن 14:15

«اَی مرداکان، چره اَطو کونیدی؟ اَمانم شیمی مانستن آدمیم. اَمان خُب خبرَ شمرأ دیئیم کی جه اَ بیخود کاران دَس اُسانید و خُدای زنده یَ ایمان باورید کی آسمان و زمین و دریا و هر اونچیَ کی اوشان دُرونه، خلق بُکود.

اعمالٚ رسولأن 15:20

ولی بایستی ایتا نامه درون اَشان جا بخوائیم قربانی غذا بُتان ره، زنا، خفه بُبوسته حیوانات گوشت جا و خون جا، دوری بُکونید.

اعمالٚ رسولأن 19:26

ولی هَطوکی دینیدی و ایشتاویدی، اَ پولُس نه فقط اِفِسُس شار دِرون، بلکی تقّریبا سرتاسر آسیا درون، خَیلی جه مردومَ قانع و گُمرا بُکوده دَره. اون گه خُدایانی کی آدمی دَس مرا بساخته بُبوسته خُدایان نیئیدی.

اوّل قرنتیان 8:1

هسّا پیشکشِ غذا فَدئن بُتان باره: دانیم کی «امان همتان دانا آدمانیم.» هه دانایی غُرور آوره، ولی محبّت آدمَ بنا کونه.

اوّل قرنتیان 8:10

چون اَگه اینفر کی ضعیفِ وجدان دَره، تَره اَنه باره کی دانایی دَری، بیدینه کی بُتخانه درون نیشته ای و غذا خوردن دری، مگه اونم وسوسه نیبه اُ غذائانیَ کی بُتان ره پیشکش به بُخوره؟

اوّل قرنتیان 8:11

اَطویی، تی دانایی باعث هلاکَ بوستن اُ ضعیف آدم به، کی مسیح اونِ واسی بَمرد.

غلاطیأن 4:8

پیشتر، اُ زمات کی خُدایَ نشناختیدی، یه چیانِ نوکر بید، کی حئیقتن خُدایان نیئید.

افسسیان 4:6

ایتا خُدا و همتانِ پئر کی همه کَس جا بُجورترِ و همه کَسِ درون کار کونه و همه کَسِ درون ایسا.

اوّل تیموتائوس 1:17

هسّا، اُ پادشاهِ دوران، اونکی تا ابد ایسَه و نِشه اونَ دِئن، اُ تنها خُدا، تا ابد و تا ابد حرمت و جلال بِبه. آمین.

اوّل تیموتائوس 2:5

چونکی فقط ایتا خُدا ایسَه، و خُدا و آدمانِ میان فقط ایتا واسطه ایسَه، یعنی اُ انسان کی مسیحْ عیسیِ،

یهودا 1:25

اُ تنها خُدا و اَمی نجات‌دهندۀ یَ، بواسطۀ اَمی خُداوند عیسی مسیح، جلال و شکوه و سلطنت و اقتدار بِبه! اونَ کی جه بنا بو، الان ایسَه و تا ابد خوائه ایسان.آمین.