اوّل قرنتیان 14:4 - کتاب مقدس به زبان گیلکی - گویش رشت و غرب گیلان

⁴ اونکی دیگر زوانانِ مرا گب زنه خورَه بنا کونه، ولی اونکی نبوّت کونه کلیسایَ بنا کونه.

Gilaki New Testament

⁴ پس اینفر کی بٚزوأنأن گب زٚنِه، فقد خو روشدَ کومک کونه، ولی اونکی نوبوّت کونه، تومأمٚ کیلیسا روشدَ کومک کونه.

کتاب مقدس به زبان گیلکی - گویش شرقی

⁴ اونی که دیگر زبؤنون همره گب زئنه خوشِ بنا کوئنه، ولی اونی که نبوت کوئنه کلیسا بنا کونه.

اوّل قرنتیان 14:4 ပူးပေါင်းရင်းမြစ်များ

مَرقُس 16:17

و اَ نیشانه ئان اوشان شین ایسه کی مَرا ایمان دَریدی: می نام مَرا دیوانَ بیرون خوائید کودن و تازه زوانان مَرا گب خوائید زئن

رومیأن 14:19

پس بائید اوچیِ دُمبال بیبیم کی باعث برقراری صلح و سلامتی و همدیگر ایمانِ تقویت به.

اوّل قرنتیان 12:10

اينفرَ انجام دَئن مُعجزات قُدرت و اینفر دیگرَ نبوّت، و اینفرَ روح ئان تشخیص دَئنِ قُدرت فدَه به. اينفرَ جورواجور زوانان، گب زئن واسی، و اینفر دیگرَ جورواجور زوانانِ ترجمه کودَن فدَه به.

اوّل قرنتیان 12:28

خُدا کلیسا میان، اول رسولان، دوم پیغمبران، سیوم آموجگاران؛ بعد قُدرت مُعجزات، بازون پس شفا دَئن عطایا و کمک و مدیریت و گب زئن به جورواجور زوانانَ تعیین بُکود.

اوّل قرنتیان 13:1

اَگه آدمیان و فیریشته ئانِ زوانانِ مرا گب بزنم، ولی محبّت ندَرم، ایتا سنج مانم کی خَیلی سر و صدا کونه و ایتا تو خالی طبل مانستنم.

اوّل قرنتیان 13:2

و اَگه نبوّت کودن قُدرتَ بدَرم، و بتانم تمانِ رازان و داناییَ بفهمم، و اَگه ایمانی بدَرَم کی تمان و کمال بِبه اوجورکی بتانم کوئانَ جابه جا بُکونم، ولی محبت ندَرم، هیچم.

اوّل قرنتیان 14:12

شیمی باره ئم هَطو ایسه. جه اویا کی غیرتِ مرا خُدا روحِ ظاهر بوستنِ دُمبال ایسید، تقّلا بُکونید کی کلیسا بنا کودن واسی ترقّی بُکونید.

اوّل قرنتیان 14:22

پس دیگر زوانان، نیشانه ای ایسه نه ایمان دارانِ ره بلکی بی ایمانانِ ره؛ ولی نبوّت ایتا نیشانه ايسه ایمان دارانِ ره و نه بی ایمانان.

اوّل قرنتیان 14:26

براران پس منظور چیسه؟ هو موقع کی جَما بید، هرکس ایتا حمد و ثنا سرود، یا ایتا تعلیم، ایتا مکاشفه، ایتا زبان و یا ایتا ترجمه دَره. وئالید اَشان همه بنا بوستنِ ره استفاده بِبه.

اوّل قرنتیان 14:3

ولی اونکی نبوّت کونه، آدمانِ مرا گب زنه تا اوشانَ بنا بُکونه و تشویق بُکونه و اوشانَ دیلداری بدِه.

اوّل قرنتیان 14:5

هسّا من خوائم کی شُمان همتان دیگر زوانان مرا گب بزنید، ولی ویشتر خوائم کی نبوّت بُکونید. اُ کَس کی نبوّت کونه اونِ جا کی دیگر زوانان مرا گب زنه پیله تَره، مگه اَنکی اینفر ترجمه بُکونه تا کلیسا بنا بِبه.