اوّل قرنتیان 14:3 - کتاب مقدس به زبان گیلکی - گویش رشت و غرب گیلان

³ ولی اونکی نبوّت کونه، آدمانِ مرا گب زنه تا اوشانَ بنا بُکونه و تشویق بُکونه و اوشانَ دیلداری بدِه.

Gilaki New Testament

³ ولی اینفر کی نوبوّت کونه، ینی خودا پیغأمأنَ ایمأندأرأنَ وأگویا کونه، اَ کأرٚ اَمرأ اوشأنَ کومک کونه کی روشد بوکونٚد، تِشویق بٚبٚد و آرأم بیگیرٚد.

کتاب مقدس به زبان گیلکی - گویش شرقی

³ ولی اونی که نبوت کوئنه، آدمؤنِ أمره گب زئنه تا اوشؤنه بنا بکونی و تشویق بکونی و اوشونه دیلداری بدی.

اوّل قرنتیان 14:3 ပူးပေါင်းရင်းမြစ်များ

لوقا 3:18

پس جه اَ رو یحیی اَ خبِ خبرَ مردومَ فارسانه ئی.

اعمالٚ رسولأن 13:15

بعد اَنکی تورات و پیغمبرانِ بینیویشته ئانَ بخواندید، عبادتگاه پیله تران اَشانِ ره پیغام اوسه کودید و بُگفتید: «براران، اَگه گبی دَریدی کی مردومَ تشویق کونه، بیگید.»

اعمالٚ رسولأن 14:22

اُ شاران درون شاگردانِ جانَ قوت دیئیدی، اوشانَ تشویق کودیدی کی خوشان ایمان درون بمانید و نَصیحت بُکودید کی: «خُدا پادشائی بدُرون شئون واسی بایسی خَیلی سختیانَ تاب باوریم.»

اعمالٚ رسولأن 15:32

یهودا و سیلاسَم کی پیغمبر بید، خَیلی گَبان مرا، برارانَ تشویق کودیدی و قوّت دَئید.

اعمالٚ رسولأن 4:36

یوسفَم کی لاوی قبیله جا و قبرس شین بو و رسولان اونَ برنابا یعنی ’تشویقِ پسر‘ لقب بدَه بید،

اعمالٚ رسولأن 9:31

اَطویی کلیسا سرتاسر یهودیه و جلیل و سامره درون آرامَ بوسته و قوت گیفتی. ایمانداران، خُداوندِ ترس درون زیندگی کودید و روح القدّس تشویق اَمرا اَشان تعداد ویشتر بوستی.

رومیأن 12:8

اونکی تشویق کونه، تشويق بُکونه. اونکی کمک کونه، دَس و دیلبازی مرا، کمک بُکونه. اونکی رهبری کونه، اَ کارَ غیرت اَمرا انجام بدِه؛ و کسی کی دیگرانِ ره رحم و مهربانی کونه، شادی اَمرا اَ کار بُکونه.

رومیأن 14:19

پس بائید اوچیِ دُمبال بیبیم کی باعث برقراری صلح و سلامتی و همدیگر ایمانِ تقویت به.

رومیأن 15:2

هرتا جه امان بایستی هر خُبِ چی کی خو همساده درون دینه، هونه باره اونَ خوشحالَ کونه، تا اونِ ایمانَ تقویت بُکونه.

اوّل قرنتیان 10:23

«همه چی جایز ایسه» - ولی همه چی فایده ناره. «همه چی روا ایسه» - ولی همه چی بنا نُکونه.

اوّل قرنتیان 14:12

شیمی باره ئم هَطو ایسه. جه اویا کی غیرتِ مرا خُدا روحِ ظاهر بوستنِ دُمبال ایسید، تقّلا بُکونید کی کلیسا بنا کودن واسی ترقّی بُکونید.

اوّل قرنتیان 14:17

چونکی تو دُرُست شُکر کودن دری، ولی تی شُکر کودن باعث نیبه اینفر دیگه بنا بِبه.

اوّل قرنتیان 14:26

براران پس منظور چیسه؟ هو موقع کی جَما بید، هرکس ایتا حمد و ثنا سرود، یا ایتا تعلیم، ایتا مکاشفه، ایتا زبان و یا ایتا ترجمه دَره. وئالید اَشان همه بنا بوستنِ ره استفاده بِبه.

اوّل قرنتیان 14:31

چونکی همتان بِنُوبه تانیدی نبوّت بُکونید تا همه تعلیم بیگیرَد و تشویق ببَد.

اوّل قرنتیان 8:1

هسّا پیشکشِ غذا فَدئن بُتان باره: دانیم کی «امان همتان دانا آدمانیم.» هه دانایی غُرور آوره، ولی محبّت آدمَ بنا کونه.

دوم قرنتیان 1:4

اُ خُدا کی اَمرا، تمانِ اَمی مُصیبتانِ درون تَسلی دِئه، تا امانَم بتانیم اوشانیَ کی مُصیبتانِ درون ایسائید، اُ تَسلی اَمرا کی اونِ جا فیگیفتیم، تَسلی بَدیم.

دوم قرنتیان 2:7

پس دِه بایستی اونَ ببخشید و اونَ دیلداری بدید، نَبه کی زیادی غُرصه، اونَ تاوَده.

افسسیان 4:29

شیمی دَهن بدِ گبِ واسی بازَ نَبه، بلکی تمان شیمی گبان دیگران بنا واسی کار بُکونه و احتیاجیَ برآورده بُکونه، و اوشانیَ کی ایشتاویدی فیض فارسانه.

افسسیان 6:22

من اونَ اَ قصد مَرا شیمی ورجه اوسه کودَم تا اَمی احوالِ جا واخبر بیبید، و تا اون، شمرأ دیلگرم بُکونه.

کولسیان 4:8

اونَ شیمی ورجه اوسه کونم تا اَمی حالِ جا وا خبر بیبید، تا شمرأ دیلگرم بُکونه.

اوّل تسالونیکیان 2:11

چون شُمان دانیدی کی چطو، ایتا پئرِ مانستن کی خو زاکانِ امرا رفتار کونه،

اوّل تسالونیکیان 2:3

چونکی اَمی تشویق، خطا یا ناپاکی یا گول زئن واسی نیه،

اوّل تسالونیکیان 3:2

امان تیموتائوسَ کی اَمی برار و خُدا همکار، مسیحِ انجیلِ کار درون ایسه، شیمی ور اوسه کودیم تا شمرأ شیمی ایمانِ درون تقویت و تشویق بُکونه،

اوّل تسالونیکیان 4:1

آخربسر، پس، اَی براران، امان خُداوند عیسی درون شیمی جا خوائیم و التماس کونیم، هُطوکی اَمی جا شمرأ فاراسه کی چطو بایستی زیندگی بُکونید و خُدایَ راضی بُکونید، هَطوکی انجام دیئیدی، اَ کارَ ویشتر و ویشتر بُکونید.

اوّل تسالونیکیان 4:18

پس اَ گبانِ امرا، همدیگرَ تشویق بُکونید.

دوم تسالونیکیان 3:12

هسّا، خُداوند عیسی مسیحِ نامِ درون اجور آدمانَ حکم کونیم و اوشانَ تشویق کونیم کی آرام و قرار بیگیرید و خوشانِ روزیَ بیرون باوَرید.

اوّل تیموتائوس 1:4

و خوشانَ وقف داستانان و شجره نامه ئانی کی تمانَ نیبه، نُکونَد اَ چیان، عوضِ اَنکی خُدا کارَ کی ایمانِ راهِ درون ایسه پیش ببره، جَر و بحث باعث بِه کی هی ثمری ناره.

اوّل تیموتائوس 4:13

تا من بایَم، تَره وقف اَن بُکون کی خُدا کلامَ مردوم ره بخوانی و اوشانَ تشویق بُکونی و تعلیم بدی.

اوّل تیموتائوس 6:2

اوشانی کی اَشانِ اربابان ایماندار ایسید، نبایستی برار بودَن خاطری، اَشانَ کمتر حُرمت بَنید؛ بلکی بایستی اوشانَ بختر خیدمت بُکونید، چون اوشانی کی اَ خیدمت درون منفعت بَریدی، ایماندار و عزیزید. اَ چیانَ اوشانَ تعلیم بَدَن و تشویق بُکون کی اَطو بُکونید.

دوم تیموتائوس 4:2

خُدا کلامَ اعلام بُکون، و وقت و بی وقت آماده بُبو، زیادِ صبر و کاملِ تعلیم امرا، اصلاح و تشر و تشویق بُکون.

تیتوس 1:9

اون بایستی اُ قابیل اعتمادِ کلامَ کی یاد بیگیفته، قایِم بچسبه، تا بتانه دُرُستِ تعلیمَ یاد بِده و اوشانیَم کی اَ تعلیمِ ضد ایسید، توبیخ بُکونه.

تیتوس 2:15

اَ چیانَ اعلام بُکون؛ و تمانِ اقتدارِ امرا تشویق و توبیخ بُکون. وَئنلان ایکَس تَره نیده بو بیگیره.

تیتوس 2:6

هَطو، جوانِ مرداکانَم اصرار بُکون تا خوشانِ نَفْس‌ِ جُلویَ بیگیرید.

تیتوس 2:9

نوکرانَ تشویق بُکون کی همه چی درون خوشانِ اربابانِ فرمانبر بیبید، بی اونکی توکِ برا بُکونید، اوشانَ راضی بدارید،

عبرأنیأن 10:25

و جما بوستنِ جا همدیگرِ امرا دَس نکشیم، هُطوکی بعضیانِ ره عادت بُبوسته، بلکی ویشتر همدیگرَ تشویق بُکونیم، اللخصوص هسّا کی دینیدی اُ روج یعنی خُداوند عیسی وَگردَستنِ روج، هَطو نزدیکترَ بوستن دَره.

عبرأنیأن 13:22

براران، شیمی جا خوائم می گبَ کی پند و نصیحت ایسه، تاب باوَرید چونکی مختصر شمرأ بینویشتم.

عبرأنیأن 3:13

بلکی هر روج، تا وقتی کی اونَ گیدی ’ایمروج‘ همدیگرَ نصیحت بُکونید تا هیکّس جه شُمان گناهِ فریبِ واسی اونِ دیل سنگ نَبه.

۱پطرس 5:12

بواسطه سیلاس کی اونَ ایتا وفادار برار دَنَم، شمرأ مختصر بینیویشتم تا شمرأ سفارش بُکونَم و شمرأ اعلام بُکونم کی، اُ خُدا حئیقتی فیض اَنِه. اونِ درون پابرجا بمانید.

یهودا 1:20

ولی شُمان ای عزیزان، خودتانَ اُ ایمانِ درون کی خَیلی مقدّسِ بنا بُکونید و روح‌القدّس امرا دعا بُکونید