اوّل قرنتیان 11:34 - کتاب مقدس به زبان گیلکی - گویش رشت و غرب گیلان

³⁴ اَگه اینفر ویشتایِ، خو خانه درون غذا بُخوره، تا شیمی جَما بوستن، همدیگر اَمرا به محکوم بوستن خَتم نَبه. وقتی شیمی ورجه بایَم، بقیه چیان باره، شمرأ گَم چی بُکونید.

Gilaki New Testament

³⁴ اگه اینفر خٚیلی ویشتأ ایسه، خو خأنه دورون بوخوره کی وختی البأقیأنٚ اَمرأ جمَ بِه، خو محکوم بوستن و موجأزأتٚ بأعیث نٚبه. وختی بأمؤم، البأقی موشکلأنم فأرٚس فوروس کونم.

کتاب مقدس به زبان گیلکی - گویش شرقی

³⁴ اگه یه نفر وشته ایسّه، خو خونه میئن غذا بخوری تا شیمه جومه بوئن همدیگر همره به محکومابون ختم نبی. بقیه چیزون باره هم وقتی شیمه ورجه بام، شمره گونم چی بوکونین.

اوّل قرنتیان 11:34 ပူးပေါင်းရင်းမြစ်များ

اوّل قرنتیان 11:33

پس می براران، وقتی خوردنِ واسی همدیگر اَمرا جَما بید، بقیه یِ رافا بأسید.

اوّل قرنتیان 16:1

هسّا پیشکشانِ جَما کودن باره مُقدّسینِ ره: شُمانَم اوچیَ کی غلاطیه کلیسائانَ بُگفتم، انجام بَدید.

اوّل قرنتیان 16:2

هر هفته اولتّا روج، هر تا جه شُمان بایستی خو درآمد جا ایچی کنار بنه و خوره بدَره، تا اُ زمات کی من اَیم، دِه احتیاج نَبه کی پیشکشان جَما کونید.

اوّل قرنتیان 16:5

بعد اَنکی مقدونیه ولایت جا بُگُذشتم شیمی ورجه خوائم آمون، چونکی مقدونیه ولایت جا رّدَ بَم.

اوّل قرنتیان 4:17

هَنه واسی تیموتائوسَ کی می عزیز زاکه و خُداوند درون وفادارِ شیمی ورجه اوسه کودم، تا می رائانَ مسیحْ عیسی درون شمرأ یاد باوره، هُطوکی اُ رائانَ همه جا و تمانِ کلیسائان درون یاد دَئَم.

اوّل قرنتیان 4:19

ولی اَگه خُدا بخوائه خَیلی زود شیمی ورجه اَیم تا بیدینم اُ مغروران فقط گب بِزه ئید یا اَنکی اونِ قُدرتم دَریدی.

اوّل قرنتیان 7:17

فقط، هرکس هُطو زیندگی بُکونه کی خُداوند اونِ ره مُعین بُکوده و اوجور کی خُدا اونَ دوخواده. اَن حُکمی ایسه کی من تمانِ کلیسائانِ درون گَم.

تیتوس 1:5

اَنه واسی تَره کْرِتِ جزیره درون وَئَشتم، تا نصفه نیمه کارانَ، سر و سامان بِدی و هُطوکی تَره بگفتم، هر شار درون ریش سفیدانی بَنی.