तीतुस 3:2 - गढवली नयो नियम

² कै तैं बदनाम नि कैरा; झगड़ा कन वलो नि हो, पर दूसरों का प्रति कृपा दिखौ, अर सब लुखुं का दगड़ा मा नम्र बरतौ कैरा।

Garhwali

² अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

तीतुस 3:2 ပူးပေါင်းရင်းမြစ်များ

मत्ती 11:29

मेरू जूआ अपड़ा मथि उठै ल्या अर मि बट्टी सीखा किलैकि मि नम्र अर आत्मा मा दीन छौं अर तुम अपड़ा मन मा विश्राम पैल्या।

खास चेलों 23:5

पौलुस ल बोलि, “हे विश्वासी भयों मि यु नि जंणदु कि यु महायाजक च। किलैकि परमेश्वर का वचन मा लिख्युं च, कि तु अपड़ा लुखुं का प्रधान तैं गलत नि बोलि”

1 कुरिन्थि 6:10

न चोर, न लोभि, न पियक्कड़, न गल्ली दींणवला, न अंधेर कन वला पिता परमेश्वर का राज्य का वारिस होला।

1 कुरिन्थि 9:19

यांको मतलब यु च कि मि लुखुं की आज्ञा मनणु कु मजबूर नि छों, भस इलै कि उ मि तैं दान दींदिनि, फिर भि मि सभियूं कु दास बंणि ग्यों, कि मि जादा से जादा लुखुं तैं मसीह पर विश्वास कनु कु लै साको।

2 कुरिन्थि 10:1

मि उ ही पौलुस छों जु तुम्हरा संमणी डरपोक छो, पर तुम बट्टी दूर जांण पर हिम्मत वलो हवे जांदु; तुम तैं मसीह की नम्रता, अर कोमलता का कारण निवेदन करदु।

2 कुरिन्थि 12:20

किलैकि मि तैं डौर च, कखी इन नि हो, कि मि ऐ के जन चांदु छो, उन ही तुम तैं नि पौ; अर मि तैं भि जन तुम नि चांदा उन ही पां, मि तैं डौर च, कि तुम मा झगड़ा, जलन, गुस्सा, लालच, जलन, चुगली, घमंड अर बखेड़ा हो।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

गलातियों 6:1

हे विश्वासी भयों, जु कुई मनिख कै पाप मा पकड़े जौं त तुम जु पवित्र आत्मा मा आत्मिक छा, त तुम मयळदु हवे के वे तैं धर्म का रस्ता मा वापिस लांण मा वेकी मदद कैरा अर अफ भि सचेत रावा कखि तुम भि अजमैश मा नि पोड़ी जावा।

गलातियों 6:10

इलै जख तक मौका मिलो, हम सभि लुखुं दगड़ी भलै कैरा; खास कैरी कै मसीह विश्वासी का भयों का दगड़ी।

इफिसुस 4:2

मतलब सैरी दीनता अर नम्रता सहित, अर सब्र रखि के प्रेम बट्टी एक हैंका की गलतियों तैं सहन कैरी ल्या।

इफिसुस 4:31

सब किस्मै कि कड़वाहट, रोष, गुस्सा, कलह, अर निंदा सब बुरै समेत तुम बट्टी दूर किये जौं।

फिलिप्पी 4:5

तुमारो मयलदु बरतौ सब लुखुं पर प्रगट हो। प्रभु यीशु कु औंण नजदीक च।

1 थिस्सलुनीकी 2:7

पर जन ब्वे अपड़ा नौंनो कु पालन-पोषण करदी, उन ही हम ल भि तुमारा बीच मा रै के मसीह की दया भाव को बरतौ दिखै

1 तीमुथियुस 3:11

इन ही कै सेवकों की जनन तैं भि गम्भीर हूंण चयणु च; कै पर भंगार लगौंण वलि नि हूंनु, पर चौकस अर सभि बातों मा विश्वास का लैख हूंनु।

1 तीमुथियुस 3:3

उ एक शराबी आदिम नि हो जु हमेशा लड़ै कनु रौ; झगड़ा कन वलो आदिम नि हो, उ दयालु, धीरज रखण वलो अर शांत स्वभाव कु हो, अर धन कु लोभि नि हो।

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

याकूब 4:11

हे विश्वासी भयों, एक हैंका की बदनामी नि कैरा जु अपड़ा भैय की बदनामी करदो या वे पर भंगार लगौंदु उ परमेश्वर का वचन की बदनामी करदो, अर परमेश्वर का वचन पर भंगार लगौंदु पर तू जु परमेश्वर का वचन पर भंगार लगांदी त तब तू परमेश्वर का वचन कु पालन नि करदी बल्कि तु अफी मूसा द्वारा लिखीं परमेश्वर की व्यवस्था पर न्यायी बण जांदी।

1 पतरस 2:1

इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला।

1 पतरस 3:10

किलैकि पिता परमेश्वर को वचन बुल्दो, “जु कुई आदिम अपड़ा जीवन कु आनन्द लींण चौ अर अच्छा दिन चौ त वे तैं सावधान रौंण चयणु च कि उ बुरी बात नि बोलु अर वे तैं झूठ बुल्ण बंद कैरी दींण चयणु च।”

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।

1 पतरस 4:4

यु ही कारण तुम्हरा पुरणा दगड़िया भौचक हवे जनदींनि जब तुम ऊं दगड़ी ऊं बुरी चीजों मा शामिल नि हूंदियां जु उ करदींनि। इलै उ तुम्हरी बदनामी करदींनि।

2 पतरस 2:10

पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।

यहूदा 1:10

पर उ ईश्वररहित लोग कै भि इन बात कु खण्डन कनु कु अपमान वली भाषा कु इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जणदींनि ऊं तैं उ बगैर सोचि-समझी के करदींनि, त उ पिता परमेश्वर का तरपां बट्टी दण्ड भुगतला।

यहूदा 1:8

यूं उदाहरणों का बारा मा जनणा का बाद भि, यु ईश्वररहित आदिम इन कै ही पाप करदींनि, यु बोलि के कि ऊंल दर्शन दिखिनि। उ अपड़ा देह तैं भ्रष्ट करदींनि, सभि पिता परमेश्वर का अधिकारो तैं अस्वीकार करदींनि अर महिमामय स्वर्गीय प्राणियों को अपमान करदींनि।