तीतुस 2:2 - गढवली नयो नियम

² मण्डलि का दानों तैं अफ पर काबू रखण चयणु च, इन बरतौ कन चयणु च, कि लोग ऊंको सम्मान कैरा, अर समझदारी ल बरतौ कन चयणु च, ऊं तैं पिता परमेश्वर पर मजबूत विश्वास कन चयणु च, दुसरा लुखुं बट्टी सचै का दगड़ा प्रेम अर सहनशील हूंण चयणु च।

Garhwali

² अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

तीतुस 2:2 ပူးပေါင်းရင်းမြစ်များ

मरकुस 5:15

अर लोग यीशु का संमणी ऐ के वे आदिम तैं जै पर भौत सी दुष्टात्मा समायी छै वे तैं अच्छा कपड़ा पैरयुं अर सुद बुद मा बैठय्युं देखि के डौर गैनी अर सोच म पोड़ी गैनी।

लूका 8:35

अर लोग यु जु कुछ हवे छो दिखणु कु गैनी अर यीशु का संमणी ऐ के जै आदिम पर बट्टी दुष्टात्मा निकली छै वे तैं यीशु का खुट्टों का संमणी कपड़ा पैर्यां अर चेत ल बैठयूं देखि के डौर गैनी।

खास चेलों 24:25

पर जब पौलुस धार्मिकता अर सयंम अर औंण वला जांच के न्याय की विचार कनु छो, तब फेलिक्स ल डैरी के जवाब दींनि, “इलै अभि त तु जै सकदी छै पर मौका मिललो त मि त्वे तैं फिर बुलौलु।”

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

1 कुरिन्थि 15:34

तुम तैं अपड़ी सुध-बुध मा ठिक ढंग से सुचण चयणु च, अर पाप कन बंद कैरी दींण चयणु च; किलैकि तुम मा बट्टी कुछ कु पिता परमेश्वर का दगड़ी सै रिश्ता नि च, मि तुम तैं शर्मिन्दा कनु कु यूं बुल्णु छो।

1 कुरिन्थि 9:25

जु लोग दौड़ मा हिस्सा लींण चंदींनि, उ पैली अभ्यास करदींनि अर अपड़ी अभिलाषाओं मा नि डुबदींनि, उ इन इलै करदींनि, कि जीति साका अर आदर पै साका; उ त एक मुरझांण वला मुकुट तैं पांणु कु यु सब करदींनि, पर हम त वे मुकुट कु करदां, जु सुकद नि च।

2 कुरिन्थि 5:13

कुई बुल्द कि हम पागल छा, त पिता परमेश्वर कु; अर जु होश मा छा, त तुम्हरा भला कु ही छा।

गलातियों 5:23

नम्रता अर सयंम च; इन कुई भि व्यवस्था नि च जु यूं बातों का विरोध करदी हो।

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

1 थिस्सलुनीकी 5:6

इलै हम तैं अविश्वासियों जन सियूं नि रौंण चयणु च, पर बिज्यां अर सचेत रौंण चयणु च।

1 थिस्सलुनीकी 5:8

पर हम त उज्यला की सन्तान छा इलै हम तैं अपड़ा मथि काबू रखण चयणु च हमारी विश्वास अर प्रेम हमारी रक्षा कैरो जन सुरक्षा कवच एक सिपै की रक्षा करद अर य आस कि हम अनन्त दण्ड बट्टी बची ग्यां, वे उद्धार का टोप जन च जु एक सिपै की रक्षा करद।

1 तीमुथियुस 1:10

व्यभिचारी अर पुरुषगामी लुखुं कु, मनिख्युं तैं बिचण वलो कु, झूठ बुल्ण वलो कु, अर झूठी सौं खांण वलो कु, ठैरैइं च अर यूं लुखुं का आलावा ऊंकु भि जु सच्चा उपदेश कु विरोध करदींनि।

1 तीमुथियुस 1:14

हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

1 तीमुथियुस 1:5

मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

1 तीमुथियुस 3:11

इन ही कै सेवकों की जनन तैं भि गम्भीर हूंण चयणु च; कै पर भंगार लगौंण वलि नि हूंनु, पर चौकस अर सभि बातों मा विश्वास का लैख हूंनु।

1 तीमुथियुस 3:2

इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।

1 तीमुथियुस 3:4

वे तैं अपड़ा परिवार कु मार्गदर्शन कन मा सक्षम हूंण चयणु च, अर उ अपड़ा बाल-बच्चों तैं सिखांण चयणु च कि उ हर बात मा वेकी आज्ञाओं कु पालन कैरो।

1 तीमुथियुस 3:8

उन ही अध्यक्षों जन, मंडलि का सेवक लुखुं तैं भि गम्भीर अर इज्जतदार हूंण चयणु च, उ दुबंगला, दाखमधु पीण वला, अर ऊं तैं इन्दरो आदिम नि हूंण चयणु च जु रूपया पांणु कु कुछ भि कैरो।

1 तीमुथियुस 5:1

अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।

तीतुस 1:13

वेकी या बात सच च, इलै ऊं तैं सख्तै से ताड़ना दे, कि उ यीशु मसीह की शिक्षाओं पर विश्वास मा मजबूत हवे जौनु।

तीतुस 1:8

पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।

तीतुस 2:7

सब बातों मा तु अफ तैं भला कामों को नमूना बंणौ; जब तू विश्वासियों का पिता परमेश्वर का बार मा सिखाैंदी छै, त त्वे तैं अच्छा उद्देश्यों का दगड़ी सिखांण चयणु च, अर इन जु आदर का योग्य हो,

फिलेमोन 1:9

मि बुजर्ग पौलुस, मसीह यीशु की सेवा कना का कारण बंधि छो, प्रेम बट्टी तुम कु यु बगत बिनती कनु छौं।

1 पतरस 1:13

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

1 पतरस 4:7

सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

2 पतरस 1:6

तुम तैं समझदारी ल कन कै बरतौ कन चयणु च, बल्कि तुम तैं अपड़ा आप तैं भि वश मा भि कन चयणु च, अर तुम तैं न भस अपड़ा आप तैं वश मा कन चयणु च, बल्कि तुम तैं मुसिबत मा भि धीरज भि रखण चयणु च, अर तुम तैं न भस धीरज रखण चयणु च, बल्कि तुम तैं इन ढंग से जीवन जींण चयणु च जु पिता परमेश्वर तैं खुश करद।