रोमियों 9:7 - गढवली नयो नियम

⁷ अर अब्राहम का वंश मा जन्म लींण से ही सभि ऊंकी सच सन्तान नि हवे जंदींनि, किलैकि पिता परमेश्वर ल अब्राहम बट्टी बोलि, जु इसहाक का वंश मा जन्म लींदींनि उ ही तेरु वंशज मंणै जाला।

Garhwali

⁷ अर इन नि सोचा, कि अब्राहम की पीढ़ी मा जनम लेण वळा सब लोग वेकी सच्‍चि औलाद छिन, किलैकि पवित्रशास्‍त्र मा लिख्यूं च कि, “तेरा नौना इसहाक का द्‍वारा तेरु वंश चललु।”

रोमियों 9:7 ပူးပေါင်းရင်းမြစ်များ

मत्ती 3:9

अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।

लूका 16:30

वेल बोलि, न हे बुबा अब्राहम पर कुई अर तुम तैं चेतावनी दे, त उ अपड़ा पापों कु पश्चाताप कैर अर मन फिरा।

लूका 3:8

इलै मन फिराव का योग्य काम कैरा। अर अपड़ा-अपड़ा मन म यु नि सोचा कि हमारो बुबा अब्राहम च, इलै मि तुम बट्टी बुल्णु छौं कि परमेश्वर यूं ढुंगो बट्टी अब्राहम कु सन्तान पैदा कैरी सकद।

यूहन्ना 8:33

ऊंल यीशु तैं जवाब दींनि, कि हम त अब्राहम का वंशज बट्टी छा अर कभि कैका गुलाम नि हुयां। त फिर तु किलै बुल्णी छै कि तुम स्वतंत्र हवे जैला?

गलातियों 4:23

पर दासी कु नौंनो, मनिख जाति की इच्छा का अनुसार साधारण नौंना का जन पैदा हवे छो पर वेकी जनन बट्टी पैदा हुयुं नौंना कु जन्म खुद पिता परमेश्वर की करार तैं पूरो कनु कु हवे छो।

गलातियों 4:28

हे विश्वासी भयों, अब्राहम कु नौंनो इसहाक का जन जु पिता परमेश्वर की करार का अनुसार पैदा हवे छों, हम भि वीं करार का अनुसार पिता परमेश्वर की सन्तान बंणि ग्यां।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

इब्रानी 11:18

पिता परमेश्वर ल वे बट्टी बोलि, “इसहाक उ नौंनो च जैका द्वारा तेरु वंशज गिणै जाला।”