रोमियों 9:11 - गढवली नयो नियम

¹¹ पैदा हूंण बट्टी पैली पिता परमेश्वर ल रिबका बट्टी बोलि छों, कि ऊंको बड़ो नौंनो छुटा की सेवा करलो। प्रभु अपड़ी पसंद खुद बंणौदु यु दिखांणु कु वेल यु बोलि, कि जु ऊंल कैरी यु कै भि काम का कारण नि छों पर परमेश्वर कु उद्देश्य ऊंकी ही इच्छा का अनुसार बुलांण वलो पर बंणि रौ।

Garhwali

^11-12 मगर दुई जौंळ्या बच्‍चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्‍वारा पिता परमेस्वर की योजना बणि रौ। अर यू सब त इलै ह्‍वे, ताकि इन साबित ह्‍वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।

रोमियों 9:11 ပူးပေါင်းရင်းမြစ်များ

रोमियों 4:17

जन पिता परमेश्वर का वचन मा लिख्युं च, “मिल त्वे तैं भौत सी अन्य-जाति कु पूर्वज ठैरे” परमेश्वर कि नजरों मा अब्राहम हमारो पिता च। वेल वे परमेश्वर पर भरोसो कैरी, जु मुर्दों तैं ज्यून्दों करदो अर ऊं चीजों तैं भि अस्तित्व मा लांदो जै को कुई अस्तित्व ही नि च।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

इफिसुस 2:9

अर यु हमारा द्वारा कैर गै कै भि अच्छा काम का कारण नि च अर हम मा घमंड कनु कु कुई भि कारण नि च।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

1 थिस्सलुनीकी 1:4

अर हे विश्वासी भयों, उ लोग जै तैं पिता परमेश्वर प्रेम करद हम जंणदा छा कि पिता परमेश्वर ल तुम तैं अपड़ा लोग हूंणु कु चुणयूं च।

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

तीतुस 3:5

वेल हम तैं पापों का दण्ड बट्टी छुड़ै, अर यु ऊं धर्म का कामों का कारण न जु हम ल अफ करिनी, पर अपड़ी वीं दया का अनुसार, वेल अपड़ी पवित्र आत्मा दे के हम तैं बचै, जैल हमारा पापों तैं अपड़ा ल्वे का द्वारा धवे अर हम तैं एक नया जीवन अर बरतौ कनु कु एक नयो मौका दे।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

2 पतरस 1:10

इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।

दिब्य दरस 17:14

जानवर अर दस राजाओं चिनखा पर हमला करला, पर चिनखा अर वेका मनणवला ऊं तैं हरै दयाला। यु इलै च किलैकि उ जानवर का प्रभु अर राजाओं को राजा च। वे तैं मनणवला उ छिनी जौं तैं पिता परमेश्वर ल बुलै अर चुणि, अर जु वेका प्रति विश्वासयोग्य छिनी।”