रोमियों 9:1 - गढवली नयो नियम

¹ मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।

Garhwali

¹ हे मेरा भै-बैंणो, मि यीशु मसीह को छौं, इलै मि तुमतै सच्‍चि बात बतौणु छौं। अर मेरु जमीर भि जैमा पवित्र आत्मा राज करदु, उ भि ईं बात की गवै देन्दु, कि मि तुम से झूठ्‍ठ नि बोन्‍नु छौं।

रोमियों 9:1 ပူးပေါင်းရင်းမြစ်များ

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

रोमियों 2:15

उ दिखोंदा छिनी कि परमेश्वर का द्वारा दिये गै मूसा कि व्यवस्था ऊंका मनों मा लिखीं छिनी, किलैकि ऊंको विवेक दिखांद, कि यु सच्चा छिनी, किलैकि ऊंका विचार ऊं तैं भंगारी ठैरौंदींनि अर ऊं तैं निर्दोष ठैरौंदींनि।

रोमियों 8:16

पवित्र आत्मा अफी हमारी आत्मा का दगड़ी गव्है दींद, कि हम परमेश्वर कि सन्तान छा।

रोमियों 9:2

कि मि तैं ऊंकु भौत दुःख च, अर हमेशा मेरा दिल मा मेरा लुखुं कु हर बगत मि तैं पिड़ा महसूस हूंदी।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 1:23

पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।

2 कुरिन्थि 11:10

उन ही के निश्चित रूप बट्टी जन की मसीह की सचै मि मा च, त अखाया प्रान्त का सैरा इलाका मा कै बट्टी भि पैसा नि लींनि, यु गर्व तैं कन से कुई हम तैं रोक नि सकद।

2 कुरिन्थि 11:31

परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

2 कुरिन्थि 12:19

तुम अभि तक समझणा होला कि हम तुम्हरा संमणी जवाब दींण होला, पर हम पिता परमेश्वर की मौजूदगी मा मसीह का द्वारा हमेशा सचै दगड़ी बात करदा, अर हे प्रियों, यु सभि बात तुम तैं विश्वास मा मजबूत कनु कु बुल्णा छा।

गलातियों 1:20

पिता परमेश्वर जंणदु च, कि जु मि तुम तैं लिखणु छों, उ पूरा ढंग से सच च।

फिलिप्पी 1:8

ईं बात मा पिता परमेश्वर मेरू गवाह च कि मि मसीह यीशु जन प्रेम कैरी के तुम सभियूं तैं दिखणै की लालसा करदु।

1 थिस्सलुनीकी 2:5

तुम जंणदा छा, कि न त हम ल कभि चापलूसी की बात कैरी, अर हम ल तुम बट्टी धन पांणु कु भि इन नि कैरी पिता परमेश्वर ही गवाह च कि हम इन नि छा।

1 तीमुथियुस 1:5

मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

1 तीमुथियुस 5:21

पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।