रोमियों 8:5 - गढवली नयो नियम

⁵ उ लोग जु पापमय स्वभाव का अनुसार काबू मा हूंदींनि उ पापमय बातों का बारा मा सुचदींनि, पर उ जु पवित्र आत्मा का द्वारा नियंत्रित हूंदींनि ऊं बातों का बारा मा सुचदींनि जु पवित्र आत्मा तैं खुश करदी।

Garhwali

⁵ किलैकि ईं दुनियां मा मनखि दुनियां की बातों पर अपणु मन लगौन्दिन, इलै ऊ अपणा सरील की मनसा का मुताबिक ही चलदिन, मगर जु लोग पवित्र आत्मा का मुताबिक अपणा जीवन तैं चलौण चनदिन, वु लोग अपणु मन पवित्र आत्मा की बातों पर लगौन्दिन।

रोमियों 8:5 ပူးပေါင်းရင်းမြစ်များ

मरकुस 8:33

पर यीशु ल पिछनै फरिकी के अपड़ा चेलों जनै देखि अर पतरस तैं झिड़की के बोलि, “हे शैतान मेरा संमणी बट्टी दूर हवे जा किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”

यूहन्ना 3:6

मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

1 कुरिन्थि 15:48

जु लोग ईं धरती बट्टी जुड़यांं छिनी, उ धरती का पैला आदिम, आदम का जन छिनी; पर उ लोग जु स्वर्ग बट्टी जुड़यांं छिनी, उ स्वर्ग का आदिम, मसीह का जन छिनी

1 कुरिन्थि 2:14

पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।

2 कुरिन्थि 10:3

किलैकि जब हम ईं दुनिया मा रौंदा, पर हम अपड़ा दुश्मनों बट्टी दुनिया का मनिख्युं का जन नि लड़दा।

गलातियों 5:17

किलैकि पापमय शारीरिक लालसा पवित्र आत्मा का खिलाफ म च, अर आत्मा देह का विरोध मा लालसा करद, अर यु एक हैंका का खिलाफ छिन; इलै कि जु तुम कन चांणा छा उन ही कैरी साका।

इफिसुस 5:9

किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,

2 पतरस 2:10

पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।