रोमियों 8:2 - गढवली नयो नियम

² पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

Garhwali

² किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

रोमियों 8:2 ပူးပေါင်းရင်းမြစ်များ

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 6:63

परमेश्वर की आत्मा जु जीवन दींण वली च देह बट्टी कुछ फैदा नीच जु बात मिल तुम बट्टी बुलीं छिनी उ आत्मा च, अर जीवन भि दींद।

यूहन्ना 8:32

तुम सच तैं जणिल्या अर सच तुम तैं स्वतंत्र करुलो।

यूहन्ना 8:36

जु मि परमेश्वर कु नौंनो तुम तैं स्वतंत्र करदु छों त, तुम सच्ची मा स्वतंत्र हवे जैला।

रोमियों 16:3

प्रिस्किल्ला भुल्ली अर वीं का आदिम अक्विला तैं जु यीशु मा मेरू दगड़िया च, मेरू प्रणाम।

रोमियों 3:27

त क्य इन कुछ च, जैका बारा मा हम घमण्ड कैर सकदा? वेकी त कुई जगह ही नि च। कै नियम का कारण बट्टी? यु क्य कारण च कि हम परमेश्वर की व्यवस्था कु पालन करदां? न, पर यु यीशु मसीह मा हमारा विश्वास का कारण बट्टी च।

रोमियों 5:21

कि जन सभि लुखुं ल पाप कैरी अर उ सभि मोरि गैनी, उन ही हमारा प्रभु यीशु मसीह का द्वारा पिता परमेश्वर की दया ऊं तैं धर्मी अर ऊं तैं अनन्त जीवन द्याली।

रोमियों 6:14

तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।

रोमियों 6:18

परमेश्वर ल तुम तैं पाप की जकड़ बट्टी छुड़यूँ च, अर तुम परमेश्वर का दास बंणि ग्यां की उ कैरा जु सै च।

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

रोमियों 7:21

त मि या व्यवस्था पौंदु कि जब मि भलै कने कि इच्छा करदु, त मि उ करदु जु बुरो च।

रोमियों 7:23

पर मि तैं अपड़ा देह का अंगों मा हैंका ढंग का काम दिखै दींदिनि, जु मेरा मन कि व्यवस्था तैं सै मंणदु अर लड़ै करदी अर यु मि तैं पाप कु कैदी बंणौंदींनि, जु अभि भि मेरा देह का अंगों मा काम करदी।

रोमियों 7:4

त हे मेरा विश्वासी भयों, जब तुम मसीह का दगड़ी मोरि ग्यां, त तुम व्यवस्था का अधिकार कु भि मोरि ग्यां। अब तुम मसीह का छा, जु मुर्दों मा बट्टी ज्यूँदो हवे गै कि तुम परमेश्वर का फलदार जीवन जी सका।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

2 कुरिन्थि 3:17

प्रभु त आत्मा च; अर जख कखी प्रभु कु आत्मा च उख पुरणी प्रतिज्ञा बट्टी आजादी च।

2 कुरिन्थि 3:6

जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद।

गलातियों 2:19

मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

गलातियों 6:2

अजमैश का बगत एक-हैंका की मदद कना रावा अर इन कै तुम यीशु मसीह की शिक्षाओं (व्यवस्था) तैं मणदियां अर वे तैं पूरो करदा।

याकूब 1:25

अर जु मनिख पिता परमेश्वर की व्यवस्था तैं, जु पाप बट्टी आजाद करदो वे तैं ध्यान से सिखद अर सुणदु, उ मनिख इलै आशीष पालो कि सूंणि के बिसरदु नि च, पर उन ही काम करदु।

दिब्य दरस 11:11

पर साढ़े तीन दिन का बाद पिता परमेश्वर की तरपां बट्टी जीवन की सांस मिली; अर उ खड़ा हवे गैनी, अर उ सभि जौनु देखि कि उ अब फिर से ज्यून्दा हवे गै छा, अर दिखण वला भौत डैर गैनी।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।