रोमियों 7:18 - गढवली नयो नियम

¹⁸ किलैकि मि जंणदु छौं, कि मि मा यानि मेरा पापमय मनिख स्वभाव मा कुछ भि नि च, भला काम कने की इच्छा त मि मा च पर ऊं तैं कन मि बट्टी नि हूंदो।

Garhwali

¹⁸ किलैकि मि जणदु छौं, कि मेरा सभौ मा कुछ भि भलु नि च, हाँ मेरा भितर कुछ भि अच्छु नि च, किलैकि मेरा मन मा भलै करण की मनसा च, मगर मि फिर भि वीं भलै तैं अच्छे से नि कैरी सकदु।

रोमियों 7:18 ပူးပေါင်းရင်းမြစ်များ

मत्ती 15:19

किलैकि बुरा विचार, हत्या, परस्त्रीगमन, व्यभिचार, चोरी झूठी गव्है, अर बुरा मन बट्टी ही निकलदींनि।

लूका 11:13

जब तुम बुरा हवे के अपड़ा नौंना तैं भलि चीज दींण जंणदा छा, त तुमारो स्वर्गीय बुबा भौत जादा बढ़ि के ऊं तैं पवित्र आत्मा दींणु कु तैयार च जु वे बट्टी मंगदो च?

यूहन्ना 3:6

मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

रोमियों 7:15

अर जु मि करदु छौं वे तैं नि जंणदु, किलैकि जु मि चांदु छौं उन ही करदु, पर ज्यां बट्टी मि तैं नफरत च ऊई करदु छों।

रोमियों 7:19

किलैकि जै अच्छा काम कनै कि मि इच्छा करदु, उ त मि नि करदु, पर जीं बुरै कि इच्छा नि करदु, ऊई करदु।

रोमियों 7:25

इलै मि अफी बुद्धि बट्टी त परमेश्वर की व्यवस्था कु, पर देह बट्टी पाप की व्यवस्था की सेवा करदु, मि पिता परमेश्वर कु धन्यवाद करदु, जैल प्रभु यीशु मसीह का द्वारा मि तैं बचै।

रोमियों 7:5

किलैकि जब हम अपड़ा पापी स्वभाव का कब्जा मा छा, व्यवस्था का द्वारा जाग्रत पापमय इच्छा हमारा देह मा काम कनि छै, मौत का फल पैदा कनु कु हमारा देह का अंगों मा काम करदी छै।

गलातियों 5:17

किलैकि पापमय शारीरिक लालसा पवित्र आत्मा का खिलाफ म च, अर आत्मा देह का विरोध मा लालसा करद, अर यु एक हैंका का खिलाफ छिन; इलै कि जु तुम कन चांणा छा उन ही कैरी साका।

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

फिलिप्पी 2:13

किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

फिलिप्पी 3:12

मि यु दावा नि करदु, कि मिल यु सब कुछ पैली ही पयले, मि वीं सिद्धांता तैं पांणु कु भौत कोशिश कनु छो, अर मि वीं चीज तैं पांणु कु अगनैं बढ़दी जांणु छों, कि मि सिद्ध हवे जौं, ज्यांकु यीशु मसीह ल मि तैं चुणि छो।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

1 पतरस 4:2

यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।