रोमियों 6:14 - गढवली नयो नियम

¹⁴ तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।

Garhwali

¹⁴ अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

रोमियों 6:14 ပူးပေါင်းရင်းမြစ်များ

मत्ती 1:21

व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 1:17

मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

यूहन्ना 8:36

जु मि परमेश्वर कु नौंनो तुम तैं स्वतंत्र करदु छों त, तुम सच्ची मा स्वतंत्र हवे जैला।

रोमियों 11:6

जु पिता परमेश्वर ल ऊं तैं चुणि उ दया का कारण ही हवे, या भाला कामों का कना का अनुसार न। जु कामों का द्वारा च, त दया फिर दया नि रै।

रोमियों 4:16

इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।

रोमियों 5:17

किलैकि जब एक मनिख का पाप का कारण सभि लुखुं कु मृत्यु ऐ, त जु लोग दया अर धर्मी हूंण कु वरदान बिज्यां पौदींनि, उ एक मनिख का यानि यीशु मसीह का द्वारा पाप अर मृत्यु पर जीत पाला।

रोमियों 5:18

इलै जन एक पाप सभि मनिख्युं कु दण्ड कि आज्ञा का कारण हवे, उन ही एक धार्मिकता कु काम भि सभि मनिख्युं कु धर्मी बनण का अर अनन्त जीवन पांण कु कारण बंणि।

रोमियों 6:12

इलै पापमय इच्छाओं तैं अपड़ा जीवन पर राज्य नि कन द्यां, कि तुम अपड़ा पापमय इच्छाओं का अनुसार काम नि कैरा।

रोमियों 6:15

त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।

रोमियों 8:12

त हे विश्वासी भयों, हम तैं आज्ञा मनणु चयणी च पर वे तैं न जु हमारो पापी स्वभाव चांद की हम कैरा।

रोमियों 8:2

पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

गलातियों 3:23

पर मसीह कु औंण अर वे पर विश्वास कन से पैली मूसा की व्यवस्था ल हम यहूदी लुखुं तैं बंधि बणयुं छो, अर मूसा की व्यवस्था हमारी रखवली करदी छै, जब तक पिता परमेश्वर ल हम पर मसीह तैं प्रगट नि कैरी।

गलातियों 4:21

अर तुम जु मूसा द्वारा लिखीं परमेश्वर की व्यवस्था का अधीन हूंण चांणा छा! मेरी बात सूंणा! मि तुम तैं बतौलु कि मूसा की व्यवस्था की किताब मा क्य लिख्युं च।

गलातियों 5:18

अर जु तुम पवित्र आत्मा का अनुसार जीवन ज्यून्दियां त तुम मूसा की व्यवस्था का अधीन नि छा।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 8:10

फिर प्रभु बुल्द, कि जु नई प्रतिज्ञा आंण वला दिनों मा इस्राएल देश का लुखुं का दगड़ी मि करुलु, व या च, कि मि ऊं तैं मेरी व्यवस्था का बारा मा सुचण दयुलु, अर उ वे तैं अपड़ा मनों मा रखला, अर मि ऊंको पिता परमेश्वर बणलु उ मेरी आराधना करला, अर उ मेरा लोग होला।