रोमियों 5:2 - गढवली नयो नियम

² हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

Garhwali

² अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

रोमियों 5:2 ပူးပေါင်းရင်းမြစ်များ

मत्ती 25:21

वेका मालिक ल वेकु बोलि, धन्य च अच्छा अर ईमानदार सेवक तु थोडी धन राशि तैं संभलण मा ही विश्वासयोग्य रै मि त्वे तैं भौत चीजों कु अधिकारी बंणौलु। औ अर अपड़ा स्वामी की खुशी मा शामिल हवे जा।

यूहन्ना 10:7

तब यीशु ल ऊंमा फिर बोलि, मि तुम मा सच-सच बुल्ण छों, कि ढिबरों कु द्वार मि छौं।

यूहन्ना 10:9

मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

खास चेलों 14:27

अर अन्ताकिया शहर मा फूंजी कै ऊंल विश्वासियों की मण्डलि तैं कठ्ठा कैरी के बतै, कि पिता परमेश्वर ल ऊंका द्वारा हवे कै कन बड़ा-बड़ा काम करिनि, अर कन कै पिता परमेश्वर ल अन्यजाति लुखुं तैं प्रभु यीशु पर विश्वास कना का योग्य बणै।

रोमियों 11:20

यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

रोमियों 14:4

इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

रोमियों 3:23

इलै की सभियूं ल पाप कैरी अर वे बड़ै तक नि पौंछि सकिनि जु पिता परमेश्वर दींद,

रोमियों 5:5

अर आस बट्टी निराशा नि हूंदी, किलैकि पवित्र आत्मा जु पिता परमेश्वर ल हम तैं दीं च, वेका द्वारा परमेश्वर कु प्रेम हमारा मनों तैं अपड़ा प्रेम बट्टी भुरद।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

रोमियों 8:24

अब जब पिता परमेश्वर ल हम तैं बचै, त हम मा य आस च। पर जब तुम कुछ पांणै की इच्छा कना छा जु तुम मा पैली बट्टी च, त उ आस नि च। कुई भि वीं चीज तैं पांणै की इच्छा नि करद जु पैली बट्टी ही वेमा ही छिनी।

1 कुरिन्थि 15:1

हे विश्वासी भयों, मि तुम तैं उ ही शुभ सन्देश प्रचार याद दिलांणु छों, जु तुम ल पैली सुणैयेलि, जै संदेश पर तुम ल विश्वास भि कैरी छो, अर वेमा तुम अर भि मजबूत हूंदी ग्यां।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

इफिसुस 2:18

मसीह ल हम कु जु कैरी वेका कारण अब हम सब उ एक पवित्र आत्मा का द्वारा पिता परमेश्वर का नजदीक ऐ सकदां छा।

इफिसुस 3:12

मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

इब्रानी 3:6

पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

इब्रानी 6:18

त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

दिब्य दरस 21:11

शहर पिता परमेश्वर कि तरपां बट्टी मिलण वली महिमा का तेज रोशनी ल चमकणु छो, अर वेको उज्यलो भौत ही कीमती ढुंगा, मतलब यशब नौं भौत कीमती ढुंगा का जन चमकणु छो, अर कांच का जन साफ छो।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

दिब्य दरस 21:3

फिर मिल एक आवाज सूंणि जु पिता परमेश्वर का सिंहासन बट्टी जोर से बोलि, “देख, अब बट्टी पिता परमेश्वर लुखुं का बीच अपड़ो डेरा बणालो। उ, ऊं दगड़ी रालो, अर उ वेका लोग होला, पिता परमेश्वर अफ, ऊं तैं अपड़ा लुखुं का रूप मा स्वीकार करला अर उ, ऊं दगड़ी रालो, अर उ भि वे तैं अपड़ा पिता परमेश्वर का रूप मा स्वीकार करलो।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।