रोमियों 5:10 - गढवली नयो नियम

¹⁰ किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।

Garhwali

¹⁰ किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

रोमियों 5:10 ပူးပေါင်းရင်းမြစ်များ

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

यूहन्ना 5:26

किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

यूहन्ना 6:57

मेरा पिता परमेश्वर जैल मि तैं भेजि उ जीवन दींद जन वेल मि तैं जीवन दये वे जन मि भि वे आदिम तैं जीवन दयुलु जु मेरी देह तैं खांदु।

रोमियों 11:28

यहूदी पिता परमेश्वर का बैरी छिनी, किलैकि उ शुभ सन्देश पर विश्वास नि कन चंदींनि, अर यु तुम कु फैदा बंणि गै। पर चुणै जांणा का नजर बट्टी पूर्वजों कु प्रियजन।

रोमियों 5:11

अर भस इथग ही न, अब त हमारा प्रभु यीशु मसीह का द्वारा पिता परमेश्वर बट्टी हमारो मेल हवे गै; इलै हम पिता परमेश्वर मा आनन्दित छा।

रोमियों 5:6

किलैकि जब हम कमजोर ही छा त मसीह ठिक बगत मा पापियों कु मोरि।

रोमियों 8:32

पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

रोमियों 8:7

किलैकि पापी स्वभाव का अनुसार जीवन जींण पिता परमेश्वर बट्टी बैर रखण च, किलैकि न त पापी स्वभाव पिता परमेश्वर की व्यवस्था का अधीन च, अर न व्यवस्था कु पालन कैर सकद।

2 कुरिन्थि 5:20

इलै हम मसीह का राजदूत छा; किलैकि पिता परमेश्वर शुभ संदेश तैं स्वीकार कनु कु हमारा द्वारा लुखुं बट्टी निवेदन करद, अर वेका हम तैं दूसरों का बीच शान्ति बनांण कु काम दियुं च कि पिता परमेश्वर दगड़ी मेल कैरी ल्या।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

इफिसुस 2:16

अर सूली पर अपड़ा मृत्यु का द्वारा, मसीह ल द्वी झुण्ड तैं एक कैरी अर ऊंको मेल पिता परमेश्वर बट्टी करद्यां, इलै मसीह ल यहूदियों अर अन्यजातियों का बीच बैर तैं खत्म कैरी दये।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

1 यूहन्ना 2:1

मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।