रोमियों 5:1 - गढवली नयो नियम

¹ इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

Garhwali

¹ इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

रोमियों 5:1 ပူးပေါင်းရင်းမြစ်များ

लूका 19:38

“धन्य च उ राजा जु परमेश्वर की सामर्थ से औंदु स्वर्ग मा शान्ति अर आकाश मा बढ़ै हो।”

लूका 19:42

अर बोलि, “तुम कु कथग भलो हूंद, कि तु, हां, तू ही, ये दिन परमेश्वर जु शान्ति दींदी की उ तेरी आँखों बट्टी लुकि रौंदी।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

यूहन्ना 14:27

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

यूहन्ना 16:33

मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

खास चेलों 10:36

तुम तैं यु सन्देश पता च, जु पिता परमेश्वर ल हम कु मतलब इस्राएलियों तैं दीं च; वेल शान्ति का बारा मा शुभ सन्देश प्रचार सुणै जु लुखुं तैं यीशु मसीह पर विश्वास कना का द्वारा मिल सकदी च; उ सभि लुखुं कु प्रभु च।

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

रोमियों 10:10

किलैकि हम अपड़ा मन बट्टी विश्वास करदां, अर इलै हम पिता परमेश्वर का दगड़ी धर्मी बणदां। अर हमारा गिच्चो कु अंगीकार हमारा विश्वास तैं दिखांद जै बट्टी हम उद्धार पै के बचये जणदां।

रोमियों 10:15

अर यां बट्टी पैली की कुई जै कै ऊं तैं बतै साको, वे मनिख तैं भिजै जांण चयणु च; जन परमेश्वर का वचन मा लिख्युं च, “यु इथग अद्भुत च कि शुभ सन्देश प्रचार कन वला लोग आंणा छिनी।”

रोमियों 14:17

किलैकि पिता परमेश्वर का राज्य मा, खांण-पींण जरुरी नि च। जरुरी बात य च कि पिता परमेश्वर का दगड़ी सै जीवन जियां, अर पवित्र आत्मा मा शान्ति अर आनन्द च।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

रोमियों 15:33

मि प्रार्थना करदु, कि पिता परमेश्वर जु शान्ति दींद, तुम सभियूं का दगड़ा मा हो। आमीन।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 3:30

किलैकि एक ही पिता परमेश्वर च, जु खतनावला तैं विश्वास बट्टी अर खतनाराहितों तैं भि विश्वास का द्वारा धर्मी ठैरांद।

रोमियों 4:5

पर जु पिता परमेश्वर का दगड़ी लायक ठैरे जांण कु काम नि करदो बल्कि बुरा लुखुं कु धर्मी ठैरांण वला पिता परमेश्वर पर विश्वास करदो, वे मनिख कु विश्वास वेको धार्मिकता गिणे जांद।

रोमियों 5:11

अर भस इथग ही न, अब त हमारा प्रभु यीशु मसीह का द्वारा पिता परमेश्वर बट्टी हमारो मेल हवे गै; इलै हम पिता परमेश्वर मा आनन्दित छा।

रोमियों 5:18

इलै जन एक पाप सभि मनिख्युं कु दण्ड कि आज्ञा का कारण हवे, उन ही एक धार्मिकता कु काम भि सभि मनिख्युं कु धर्मी बनण का अर अनन्त जीवन पांण कु कारण बंणि।

रोमियों 6:23

किलैकि पापमय कामों कि मजदूरी त मौत च, पर जु वरदान पिता परमेश्वर हम तैं दया का द्वारा दींद, उ त अनन्त जीवन च, जु हमारा प्रभु यीशु मसीह मा मिल्दु।

रोमियों 9:30

त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों;

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

गलातियों 3:25

पर अब हम मसीह पर विश्वास करदा छा, त हमारी मदद कनु कु अर हम तैं रस्ता दिखांणु कु मूसा की व्यवस्था की जरूरत नि च।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

फिलिप्पी 3:9

अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

कुलुसी 1:20

पिता परमेश्वर ल अपड़ा नौंना हमारा प्रभु यीशु तैं भेजि, जैल सूली पर मोरि के अपड़ो ल्वे बुगै। पिता परमेश्वर अपड़ा अर उ सब चीजों को अफ दगड़ी मेल मिलाप करवै, चै उ चीज धरती पर कि हो या चै आसमान पर कि हो।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।