रोमियों 4:16 - गढवली नयो नियम

¹⁶ इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।

Garhwali

¹⁶ इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

रोमियों 4:16 ပူးပေါင်းရင်းမြစ်များ

लूका 19:9

तब यीशु ल वेकु बोलि, “आज यु घौर मा उद्धार ऐ गै इलै कि यु भि अब्राहम कु वंशज च।”

रोमियों 15:8

इलै बुल्णु छों, कि ज्वा करार पुरणो तैं दिये गै छै, ऊं वादों तैं सच कनु कु मसीह, यु दिखांणु कु कि परमेश्वर विश्वासयोग्य च अर उ खतना करयां यहूदी लुखुं कु सेवक बंणि।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 3:30

किलैकि एक ही पिता परमेश्वर च, जु खतनावला तैं विश्वास बट्टी अर खतनाराहितों तैं भि विश्वास का द्वारा धर्मी ठैरांद।

रोमियों 4:11

पिता परमेश्वर ल वे तैं पैली ही अपणैयले छो अर वे तैं धर्मी मांणी येलि छों, जबकि उ अभि भि खतनारहित ही छो। खतना कु चिन्ह स्वीकार कनु कु मुहर च। इलै उ ऊंको आत्मिक बुबा च, जु विश्वास करदींनि। पर ऊंको खतना नि हवे उ अपड़ा विश्वास का कारण धर्मी गिणै जयदींनि।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

रोमियों 9:8

इलै जु वंश देह का अनुसार जन्म लींदींनि उ पिता परमेश्वर की संतान नि छिनी, पर भस करार की संतान ही अब्राहम की संतान मंणै जयदींनि।

गलातियों 3:14

मसीह ल इन इलै कैरी, कि अब्राहम कि आशीष मसीह यीशु मा अन्यजातियों तक पौंछो, अर हम यीशु मसीह पर विश्वास कना से वे पवित्र आत्मा तैं पां, वे तैं हम तैं दींणै की करार परमेश्वर ल कैरी।

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

गलातियों 3:22

पर पिता परमेश्वर का वचनों बट्टी पता चलदु च कि हम सभि पापी छा, इलै यीशु मसीह पर विश्वास रखण बट्टी पिता परमेश्वर हम तैं उपहार दयालो ज्यांकी नई प्रतिज्ञा पिता परमेश्वर की करीं च।

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

तीतुस 3:7

ज्यां ल हम वे अनन्त जीवन तैं पांणै की आस रखि साका जु पिता परमेश्वर ल हम तैं अपड़ी संतान का रूप मा दींणै की सौं खै। अर यु बारा मा हम जांणि सकदां किलैकि पिता परमेश्वर ल अपड़ी दया का द्वारा हम तैं अफ दगड़ी सै ठैरे।

2 पतरस 1:10

इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।